Kümüsh Oq Blog

ئۆي كۆچتۇق!

2009-05-31T15:21:00.003+03:00

شۇنداق، ئۆي كۆچتۇق!

blogspot ۋەتىنىمىز تەرىپىدىن ئىشەنچىسىز تور بېكەتلەر قاتارىغا كىرگۈزۈلگەنلىكتىن، بىزمۇ ئامالسىز يېڭى بوشلۇققا كۆچۈشكە مەجبۇر بولدۇق!
يېڭى تۇرادا كۆرۈشەيلى!

http://ko.comxa.com

يېڭى ئۆيدە ئىشلەتكەن ھەقسىز بوشلۇقىمىز تۆۋەندىكى شۇ، سىزمۇ تىزىملىتىۋېلىڭ. ئەگەر بىلوگېردىن كۆچمەكچى بولسىڭىز بۇ جايدا بىلوگ يازمىلىرىڭىزنى ئالماشتۇرۇپ، يېڭى بوشلۇققا بۇ جايدىن چۈشۈرگەن ئۇيغۇرچە ۋوردپرەسنى قاچىلاپ قۇرۇۋالسىڭىز بولىدۇ.

شەھەرلىكلەرگە يېتىشەلمىگۈدەكمىز

2009-05-25T21:06:00.002+03:00

ﺗﻪﻛﻠﯩﻤﺎﻛﺎﻧﻨﯩﯔ ﺑﯘﻟﯘﯕﯩﺪا ﭼﻮڭ ﺑﻮﻟﻐﺎن ﺑﯩﺰدەك ﻗﺎرا ﺳﻪﮬﺮاﻟﯩﻘلار ﮬﻪرﻗﺎﻧﭽﻪ ﺑﺎي ﺑﻮﻟﺴﺎﻗﻤﯘ ﺷﻪﮬﻪرﻟﯩﻜﻠﻪرﮔﻪ ﻳﯧﺘﯩﺸﻪﻟﻤﯩﮕﯜدەﻛﻤﯩﺰ:
ﺑﯩﺰ ﻧﺎﻣﺮاﺗﻠﯩﻘﺘﺎ ﺋﯩﺸﺘﯩﻨﯩﻤﯩﺰ ﺗﯩﺰدﯨﻦ ﺋﺎﺷﻤﺎي ﻳﯜرﮔﻪن ﭼﺎﻏلاردا، ﺷﻪﮬﻪرﻟﯩﻜﻠﻪر ﭘﯜﺗﯜن ﻛﯩﻴﯩﻨﯩﭗ ﮬﻪﻣﻤﻪ ﻳﯧﺮﯨﻨﻰ دﯦﮕﯜدەك ﻳﯧﭙﯩﭗ ﻳﯜرەﺗﺘﻰ. ﺋﻪﻣﺪى ﺑﯩﺰ ﭘﯜﺗﯜن ﻛﯩﻴﯩﻨﯩﭗ، ﮬﻪﻣﻤﻪ ﻳﯧﺮﯨﻤﯩﺰ ﻳﯧﭙﯩﻠﻐﯘدەك ﮬﺎﻟﻐﺎ ﻳﻪﺗﻜﻪﻧﺪە، ﺷﻪﮬﻪرﻟﯩﻜﻠﻪر ﺗﯩﺰﯨﺪﯨﻦ ﺋﺎﺷﻤﺎﻳﺪﯨﻐﺎن ﺗﺎر ﺋﯩﺸﺘﺎن، ﻳﻮﺗﯩﺴﯩﺪﯨﻦ ﺋﺎﺷﻤﺎﻳﺪﯨﻐﺎن ﺗﺎر ﻳﻮﭘﻜﯩلارﻧﻰ ﻛﯩﻴﯩﭗ، ﻳﻪﻧﻪ ﺑﻪزﯨﻠﻪر ﻛﯚﯕﻠﻪك - ﻳﻮﭘﻜﺎ ﻛﯩﻴﻤﻪي ﺋﺎﻣﺎﻟﯩﻨﯩﯔ ﺑﺎرﯨﭽﻪ ﺑﻪدﯨﻨﯩﻨﻰ ﺋﻮﭼﯘق ﻗﻮﻳﯘﺷﻘﺎ ﺗﯩﺮﯨﺸﯩﺪﯨﻐﺎن ﺑﻮﻟﯘۋاﭘﺘﯘ!

ﺑﯘرۇن ﺑﯩﺰ زاﻏﺮا ﻧﺎﻧﺪﯨﻦ ﻗﯘﺗﯘلاﻟﻤﺎي ﭼﯩﺮاﻳﯩﻤﯩﺰ ﺗﺎﺗﯩﺮﯨﭗ ﻳﯜرﮔﻪﻧﺪە، ﺷﻪﮬﻪرﻟﯩﻜﻠﻪر ﺋﺎق ﻧﺎن ﻳﻪپ ﭼﯩﺮاﻳﯩﻨﻰ ﭘﺎرﻗﯩﺮﯨﺘﯩﭗ ﻳﯜرەﺗﺘﻰ. ﺋﻪﻣﺪى ﺑﯩﺰ ﺋﺎق ﻧﺎن ﻳﻪﻳﺪﯨﻐﺎن ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪر ﺋﺎق ﻧﺎﻧﺪﯨﻦ ﻗﯧﭽﯩﭗ، زاﻏﺮﯨﻐﺎ ﺋﯩﻨﺘﯩﻠﯩﺪﯨﻐﺎن ﺑﻮﻟﯘۋاﭘﺘﯘ!
ﺑﯩﺰ ﺑﯘرۇن ﺋﯚﻳﻠﯩﺮﯨﻤﯩﺰﻧﻰ ﻛﺎﻛﯘل ﺳﯘۋاق ﻗﯩﻠﯩﭗ ﺋﻮﻟﺘﯘرﻏﺎﻧﺪا، ﺷﻪﮬﻪرﻟﯩﻜﻠﻪر ﺋﯚﻳﻠﯩﺮﯨﻨﻰ ﮬﺎﻛلاپ ﺋﺎﻗﺎرﺗﯩﭗ، ﺋﯩﺸﯩﻚ - دﯦﺮﯨﺰﯨﻠﯩﺮﯨﻨﻰ ﺳﯩﺮلاپ ﺋﻮﻟﺘﯘراﺗﺘﻰ. ﺋﻪﻣﺪى ﺑﯩﺰ ﺋﯚﻳﻠﯩﺮﯨﻤﯩﺰﻧﻰ ﮬﺎﻛلاپ ﺋﺎﻗﺎرﺗﯩﭗ، ﺋﯩﺸﯩﻚ - دﯦﺮﯨﺰﯨﻠﻪرﻧﻰ ﺳﯩﺮلاپ ﺋﻮﻟﺘﯘرۇﺷﻨﻰ ﺋﯚﮔﻪﻧﮕﻪﻧﺪە، ﺷﻪﮬﻪرﻟﯩﻜﻠﻪرﻧﯩﯔ ﮬﺎﻛلاش، ﺳﯩﺮلاش داﺋﯩﺮﯨﺴﻰ ﺷﯩﺪدەت ﺑﯩﻠﻪن ﻛﯧﯖﯩﻴﯩﭗ، ﺧﺎﻧﯩﻢ - ﻗﯩﺰلارﻧﯩﯔ ﭼﯩﺮاﻳﯩﻐﺎ ﻳﯧﺘﯩﭗ، ﺗﻮﺧﺘﯩﻤﺎي ﭼﯧﭽﯩﻐﺎ ﻳﺎﻣﯩﺸﯩﭗ ﻳﻪﻧﻪ ﺋﺎﺳﻤﺎﻧﻐﺎ ﺷﻮﺗﺎ ﻗﻮﻳﻐﯘدەك ﺋﻪﻟﭙﺎزى ﺑﯩﻠﻪن ﺋﯩﻠﮕﯩﺮﯨﻠﻪۋﯦﺘﯩﭙﺘﯘ!

ﺑﯩﺰ ﺑﯘرۇن ﮬﺎﺟﻪﺗﺘﯩﻦ ﻛﯧﻴﯩﻦ ﺋﻪۋرﯨﺘﯩﻤﯩﺰﻧﻰ ﺳﯜرﺗﯜﺷﻜﻪ ﭼﺎﻟﻤﺎ ﺋﯩﺸﻠﯩﺘﯩﺪﯨﻐﺎن ﭼﺎﻏﺪا، ﺷﻪﮬﻪرﻟﯩﻜﻠﻪر ﻗﻪﻏﻪز ﺑﯩﻠﻪن ﺳﯜرﺗﯩﺪﯨﻐﺎن ﺋﯩﺸﻨﻰ ﭼﯩﻘﺎردى. ﺑﯩﺰ ﺋﯘلارﻧﯩﯔ ﺑﯘ ﺋﯩﺸﯩﻨﻰ ﺋﯚﮔﯩﻨﯩﭗ، ﺋﺎران دﯦﮕﻪﻧﺪە ﻛﯚﻧﯜۋاﺗﺴﺎق، ﺋﯘلار ﺋﻪﻣﺪى ﻗﻪﻏﻪز ﺑﯩﻠﻪن ﺋﺎﻏﺰﯨﻨﻰ ﺳﯜرﺗﯩﺪﯨﻐﺎن ﺑﻮﻟﯘۋاﭘﺘﯘ!

ﺑﯩﺰ ﺑﯘرۇن ﺋﯚﻳﻠﯩﺮﯨﻤﯩﺰﻧﯩﯔ ﺋﺎرﯨﻠﯩﻘﯩﻨﻰ ﻳﯩﺮاق ﻗﯩﻠﯩﭗ ﺋﻮﻟﺘﯘرﻏﺎﻧﺪا، ﺷﻪﮬﻪرﻟﯩﻜﻠﻪر ﺗﺎم ﻗﻮﺷﻨﺎ ﺋﯚﻳﻠﻪردە ﺋﻮﻟﺘﯘراﺗﺘﻰ. ﺑﯩﺰ ﺋﯘلارﻧﯩﯔ ﺋﯚﻳﻠﯩﺮﯨﮕﻪ ﻗﺎراپ: «ﺗﺎم ﻗﻮﺷﻨﺎ ﺋﻮﻟﺘﯘرﺳﺎ ﻗﯧﺮﯨﻨﺪاﺷﻠﯩﻖ ﻣﯧﮭﺮى ﻗﺎﻧﭽﻪ ﻛﯜﭼﻠﯜك ﺑﻮﻟﯩﺪﯨﻐﺎﻧﺪۇ- ﮬﻪ؟» دەپ ﻗﺎلاﺗﺘﯘق. ﺋﻪﻣﺪى ﺑﯩﺰ ﺋﯚﻳﻠﯩﺮﯨﻤﯩﺰﻧﻰ ﺗﺎم ﻗﻮﺷﻨﺎ ﻗﯩﻠﯩﭗ رەﺗﻠﯩﻚ ﺳﯧﻠﯩﭗ ﺋﻮﻟﺘﯘرۇپ، ﺋﯩﻨﺎق ﻗﻮﺷﻨﯩﺪارﭼﯩﻠﯩﻘﻨﻰ ۋاﻳﯩﻐﺎ ﻳﻪﺗﻜﯜزﮔﻪﻧﺪە، ﺷﻪﮬﻪرﻟﯩﻜﻠﻪر ﺋﯚﻳﻨﻰ ﻳﺎﻧﺪاش ﺳﯧﻠﯩﺸﺘﯩﻦ ﮬﺎﻟﻘﯩﭗ ﭼﺎﻗﻤﺎق ﻗﻪﻧﺘﺘﻪك ﺗﯚﭘﻪ - ﺗﯚﭘﯩﻠﻪپ ﺳﺎﻟﯩﺪﯨﻐﺎن، ﺋﻪﻣﻤﺎ ﻗﻮﺷﻨﯩﻠﯩﺮى ﺑﯩﻠﻪن ﺑﯘرۇﻧﻘﯩﺪەك ﻗﻮﻳﯘق ﻣﯘﻧﺎﺳﯩﯟەت ﻗﯩﻠﻤﺎﻳﺪﯨﻐﺎن، ﮬﻪﺗﺘﺎ ﺗﻮﻧﯘﺷﻤﺎﻳﺪﯨﻐﺎن ﺑﻮﻟﯘۋاﭘﺘﯘ! !

ﺑﯘرۇن ﺑﯩﺰﻧﯩﯔ ﺋﯚي ۋە ﺋﻮرﮔﺎﻧﻠﯩﺮﯨﻤﯩﺰﻧﯩﯔ ﮬﻮﻳﻠﯩﺴﯩﺪﯨﻦ ﺷﻮر ﺗﻮﭘﺎ ﺋﯚرﻟﻪپ ﻗﺎﻗﺎس ﺗﯘرﻏﺎﻧﺪا، ﺷﻪﮬﻪردﯨﻜﻰ ﺋﯩﺪارە - ﺋﻮرﮔﺎﻧلارﻧﯩﯔ ﮬﻮﻳﻠﯩﺴﯩﻐﺎ ﺧﯩﺶ ﻳﺎﺗﻘﯘزۇﻟﯘپ، ﭼﯚرﯨﺴﯩﺪە رەﺗﻠﯩﻚ ﺳﯘۋادان، ﺗﺎل ﺑﺎراﯕلار ﺳﺎﻳﻪ ﺗﺎﺷلاپ ﺑﺎﻏﭽﯩﺪەك ﭼﯩﺮاﻳﻠﯩﻖ ﺗﯘراﺗﺘﻰ. ﺋﻪﻣﺪى ﺑﯩﺰ ﮬﻮﻳﻠﯩﻤﯩﺰﻏﺎ ﺧﯩﺶ ﺑﯧﺴﯩﭗ، ﻣﯧﯟﯨﻠﯩﻚ دەرەخ ﻗﻮﻳﯘپ، ﺗﺎل ﺑﺎراﯕﻠﯩﻖ ﮬﻮﻳلا ﺑﻪرﭘﺎ ﻗﯩﻠﻐﺎﻧﺪا، ﺷﻪﮬﻪردﯨﻜﻰ ﺋﻮرﮔﺎﻧلار ﮬﻮﻳﻠﯩﺴﯩﺪﯨﻜﻰ دەل - دەرەﺧﻠﻪرﻧﻰ ﻗﻮﻣﯘرۇپ ﺗﺎﺷلاپ، ﺗﯘﭘﺮاق ﻳﯜزﯨﮕﻪ ﺳﯧﻤﻮﻧﺖ ﻳﺎﺗﻘﯘزۇپ، ﺑﯘرۇﻧﻘﻰ ﺋﻪﺗﯩﺮ ﮔﯜﻟﻠﻪرﻧﻰ ﻗﻮﻣﯘرۇۋﯦﺘﯩﭗ، ﺑﻪزى ﮬﻮﻳﻠﯩلارﻧﯩﯔ ﻳﯧﺮﯨﻤﯩﻐﺎ ﭼﻪت ﺋﻪﻟﻨﯩﯔ ﺋﻮت - ﭼﯚﭘﻠﯩﺮﯨﻨﻰ ﺗﯧﺮﯨﭗ، ﭼﺎرۋﯨﺴﻰ ﻳﻮق ﻳﺎﻳلاق ﻳﺎﺳﯩﯟاﭘﺘﯘ. ﻗﺎﻟﻐﺎن ﻳﻪرﻧﻰ «ﻗﺎﺗﺘﯩﻘلاﺷﺘﯘرۇﻟﻐﺎن ﻗﺎﻗﺎﺳﻠﯩﻖ» دﯦﺴﻪ ﺑﻮﻟﻐﯘدەﻛﻜﻪن!

ﺑﯩﺰ ﺑﯘرۇن ﻛﻮﭘﯧﺮاﺗﺴﯩﻴﻪ ۋاﻗﺘﯩﺪا، ﻛﯧﭽﯩﻠﯩﺮى ﺋﯘﺧﻠﯩﻤﺎي ﻛﻪﺗﻤﻪن ﭼﯧﭙﯩﭗ ﺑﯩﺮ ﺗﯧﺮە، ﺑﯩﺮ ﺳﯚﯕﻪك ﺑﻮﻟﯘپ ﻛﻪﺗﻜﻪﻧﺪە، ﺷﻪﮬﻪرﻟﯩﻜﻠﻪر ﻛﯧﭽﯩﺴﻰ ﺋﯚﻳﯩﺪە ﺑﻪﺧﯩﺮاﻣﺎن ﺋﯘﺧلاپ ﺑﻮﺗﯩلاﻗﺘﻪك ﺳﯧﻤﯩﺰ ﺗﯘراﺗﺘﻰ. ﺋﻪﻣﺪى ﺑﯩﺰ ﻛﯧﭽﯩﺴﻰ ﺋﯩﺸﻠﻪﻳﺪﯨﻐﺎن ﺋﻮﭘﭽﻪ ﺋﻪﻣﮕﻪﻛﺘﯩﻦ ﻗﯘﺗﯘﻟﯘپ ﺑﻪدﯨﻨﯩﻤﯩﺰﮔﻪ ﺋﻪت ﻗﻮﻧﻐﺎﻧﺪا، ﺷﻪﮬﻪرﻟﯩﻜﻠﻪر «ﺋﻮرۇﻗلاﻳﻤﯩﺰ» دەپ ﻛﯧﭽﯩﺪە ﻗﻮﭘﯘپ ﻛﻮﭼﯩﺪا ﻳﯜﮔﯜرﯨﺪﯨﻐﺎن، ﮬﻪﺗﺘﺎ ﻧﻪﭼﭽﻪ ﻗﻮﻳﻨﯩﯔ ﭘﯘﻟﯩﻐﺎ ﺋﻮرۇﻗﻠﯩﺘﯩﺶ دورﯨﺴﻰ ﺋﯧﻠﯩﭗ ﻳﻪﻳﺪﯨﻐﺎن ﺑﻮﻟﯘۋاﭘﺘﯘ! !

ﺑﯘرۇن ﺑﯩﺰﻧﯩﯔ ﺑﺎﻟﯩﻠﯩﺮﯨﻤﯩﺰ ﺗﻮﻟﯘق ﺋﻮﺗﺘﯘرا ﻣﻪﻛﺘﻪﭘﻨﻰ ﭘﯜﺗﺘﯜرۈپ دﯦﮭﻘﺎن ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪرﻧﯩﯔ ﺗﻮﻟﯘق ﺋﻮﺗﺘﯘرا ﻣﻪﻛﺘﻪﭘﻨﻰ ﭘﯜﺗﺘﯜرﮔﻪن ﺑﺎﻟﯩﻠﯩﺮى ﺷﻪﮬﻪردە ﻛﺎدﯨﺮ ﺑﻮلاﺗﺘﻰ. ﺑﯩﺰﻣﯘ ﺋﻪﻣﺪى ﺋﻮﻳﻐﯩﻨﯩﭗ ﭘﯘل ﺗﯧﭙﯩﭗ، ﺷﻪﮬﻪردە ﺋﻮﻗﯘﺳﺎ ﻛﺎدﯨﺮ ﺑﻮﻟﯩﺪﯨﻐﺎن ﺋﻮﺧﺸﺎﻳﺪۇ، دەپ ﻧﻪﭼﭽﻪ ﺋﻮن ﻣﯩﯔ ﻳﯜەن ﺧﻪﺟﻠﻪپ ﺑﺎﻟﯩﻠﯩﺮﯨﻤﯩﺰﻧﻰ ﺷﻪﮬﻪردﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪردە ﺋﻮﻗﯘﺗﯘپ، ﺋﯚزﯨﻤﯩﺰﮔﻪ ﻛﺎدﯨﺮ ﺑﻮﻟﯘپ ﻛﻪﻟﺴﯘن دﯦﺴﻪك، ﺋﻮﻧﻨﯩﯔ ﺑﯩﺮﺳﻰ ﺑﻮلاﻟﯩﺪﯨﻤﯩﻜﯩﻦ، ﻗﺎﻟﻐﺎﻧﻠﯩﺮى ﺗﺎۋﯨﻨﺎزۇك دﯦﮭﻘﺎن ﺑﻮﻟﯘپ ﻛﯧﻠﯩﭗ، ﺋﯘلارﻧﯩﯔ ﺷﻪﮬﻪرﻟﯩﻚ ﺳﺎۋاﻗﺪاﺷﻠﯩﺮى ﺑﯩﺰﮔﻪ ﻛﺎدﯨﺮ ﺑﻮﻟﯘپ ﻛﯧﻠﯩﺪﯨﻐﺎن ﺑﻮﻟﯘۋاﻟﺪى.

ﺑﯩﺰ ﺑﯘرۇن ﻛﻮﭘﯧﺮاﺗﺴﯩﻴﯩﻨﯩﯔ دوﻟﻘﯘﻧﯩﺪا، ﻗﯘﭼﺎﻗﺘﯩﻜﻰ ﺑﺎﻟﯩﻤﯩﺰﻧﻰ ﻧﺎﺋﯩلاج ﺋﻪﺗﺮەت ﺑﻪﻟﮕﯩﻠﯩﮕﻪن ﺑﺎلا ﺑﺎﻗﻘﯘﭼﯩﻐﺎ ﺗﺎﺷلاپ ﺑﯧﺮﯨﭗ ﻳﯧﺮﯨﻢ ﻛﯧﭽﻪ ﺑﻮﻟﻐﺎﻧﺪا ﺋﺎران ﻛﯚرەﺗﺘﯘق. ﺑﯘ ﭼﺎﻏﺪا ﺷﻪﮬﻪرﻟﯩﻜﻠﻪرﻧﯩﯔ ﺑﺎﻟﯩﻠﯩﺮى ﺋﺎﻧﯩﺴﯩﻨﯩﯔ ﺑﺎﻏﺮﯨﺪﯨﻦ ﺋﺎﻳﺮﯨﻠﻤﺎﻳﺘﺘﻰ. ﺋﻪﻣﺪى ﺑﯩﺰﻣﯘ ﺑﺎﻟﯩﻠﯩﺮﯨﻤﯩﺰﻧﻰ ﺑﺎﻏﺮﯨﻤﯩﺰدﯨﻦ ﺋﺎﻳﺮﯨﻤﺎﻳﺪﯨﻐﺎن ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪر رﯦﺴﺘﻮران دوﻟﻘﯘﻧﯩﺪا ﺋﺎﻟﺪﯨﺮاش ﺑﻮﻟﯘپ ﻛﯧﺘﯩﭗ، ﻗﯘﭼﺎﻗﺘﯩﻜﻰ ﺑﺎﻟﯩﻠﯩﺮﯨﻨﻰ ﻛﯧﭽﻪ - ﻛﯧﭽﯩﻠﻪپ ﺑﺎﺷﻘﯩلارﻏﺎ ﺗﺎﺷلاپ ﺑﯧﺮﯨﺪﯨﻐﺎن ﺑﻮﻟﯘۋاﭘﺘﯘ!

ﺑﯩﺰ ﺑﯘرۇن ﺋﯚﻳﺪە ﺋﻮﻣﺎچ، ﻳﻮﺑﺪاﻧﺪﯨﻦ ﻳﯧﯖﻰ ﻗﯘﺗﯘﻟﯘپ ﺳﯘﻳﯘﻗﺌﺎش، ﻟﻪﯕﻤﻪﻧﮕﻪ ﺗﻮﻳﻐﯘدەك ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪر ﺑﺎزارﻧﯩﯔ ﺋﺎﺷﺨﺎﻧﯩﻠﯩﺮﯨﺪا ﻣﻪﻏﺮۇر ﺋﻮﻟﺘﯘرۇپ ﭘﻮﻟﯘ، ﻛﺎۋاپ ﻳﯧﻴﯩﺸﻜﻪ ﻳﯜزﻟﻪﻧﮕﻪﻧﯩﺪى. ﺋﻪﻣﺪى ﺑﯩﺰﻣﯘ ﮬﺎﻟﻠﯩﻨﯩﭗ ﮬﻪﭘﺘﯩﺪە ﺑﯩﺮ ۋاخ ﺑﺎزاردا ﭘﻮﻟﯘ، ﻛﺎۋاپ ﻳﻪپ روﮬﻠﯘق ﻳﯜرﯨﺪﯨﻐﺎن ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪر رﯦﺴﺘﻮران دەپ ﺋﯚﮔﺰﯨﺪەك ﺑﯩﺮ ﻳﻪرﮔﻪ ﭼﯩﻘﯩﭗ، ﻗﯩﺰﯨﻖ ﺳﻪي دەپ ﺳﯩﻠﻮﺳﻘﺎ ﺋﻮﺧﺸﺎﻳﺪﯨﻐﺎن، ﺳﻮﻏﯘق ﺳﻪي دەپ ﮬﻪﻟﻪﭘﻜﻪ ﺋﻮﺧﺸﺎﻳﺪﯨﻐﺎن ﺑﯩﺮﻧﯧﻤﯩﻠﻪرﻧﻰ ﮬﻪﻟﻪق ﺑﯩﻠﻪن ﺋﺎرﯨلاﺷﺘﯘرۇپ، ﺗﯚﻣﯜرﭼﻰ ﺑﺎزﻏﺎن ﺳﻮﻗﻘﺎﻧﺪەك ﻏﻪﻟﯩﺘﻪ ﺋﺎۋازلارﻏﺎ ﺗﻪﯕﻜﻪش ﻗﯩﻠﯩﭗ ﻳﯧﺮﯨﻢ ﻛﯧﭽﯩﮕﯩﭽﻪ ﻳﻪپ - ﺋﯩﭽﯩﭗ، 4 - 5 ﺗﺎﻏﺎر ﺑﯘﻏﺪاﻳﻨﯩﯔ ﭘﯘﻟﯩﻨﻰ ﺑﯘزۇپ - ﭼﯧﭽﯩﭗ، ﻳﻪﻧﻪ ﺋﺎﺗﺘﻪك روﮬﻠﯘق ﭼﯩﻘﻤﺎي، ﻟﻪﯕﭙﯘﯕﺪەك ﺳﺎﻗﯩﭗ ﻟﯩﯖﺘﺎﺳﻤﺎ ﺑﻮﻟﯘپ، ﻧﻪﭼﭽﻪ ﻛﯧﭽﻪ - ﻛﯜﻧﺪۈز ﻛﺎرﻏﺎ ﻛﻪﻟﻤﻪي ﻛﯧﺴﻪل ﺗﻮﺧﯘدەك ﻣﯜﮔﯜدەپ ﻳﯜرﯨﺪﯨﻐﺎن ﺑﻮﻟﯘۋاﭘﺘﯘ!

ﺑﯩﺰ ﺑﯘرۇن ﺳﺎﭘﺎل ﭼﯩﺮاغ ﻳﯧﻘﯩﭗ ﻗﺎﭘﺎﻗﺘﺎ ﺳﯘ ﺋﯩﭽﻜﻪﻧﺪە، ﺷﻪﮬﻪرﻟﯩﻜﻠﻪر ﺗﻮك ﭼﯩﺮاغ ﻳﯧﻘﯩﭗ، ﭼﯩﻠﻪﻛﺘﻪ ﺳﯘ ﺋﯩﭽﻪﺗﺘﻰ. ﺋﻪﻣﺪى ﺑﯩﺰ ﺗﻮك ﭼﯩﺮاغ ﻳﯧﻘﯩﭗ، ﺗﯘرۇﺑﺎ ﺳﯜﻳﻰ ﺋﯩﭽﯩﺪﯨﻐﺎن ﺑﻮﻟﻐﺎﻧﺪا، ﺷﻪﮬﻪرﻟﯩﻜﻠﻪر ﻗﺎﭘﺎﻗﺘﺎ ﭼﺎي ﺳﺎﻗلاپ ﺋﯩﭽﯩﺪﯨﻐﺎن، ﮬﻪﺗﺘﺎ ﺑﯩﺰ ﺗﺎﺷﻠﯩﯟەﺗﻜﻪن ﺳﺎﭘﺎل ﭼﯩﺮاغ، ﻛﻮزا، ﻳﺎﻏﺎچ ﮬﺎرۋﯨﻨﯩﯔ ﭼﺎﻗﻰ، ﻛﻮﻧﺎ ﭼﻪﻛﻤﻪن ﻗﺎﺗﺎرﻟﯩﻘلارﻧﻰ ﻳﯘﻗﯩﺮى ﺑﺎﮬﺎدا ﺳﯧﺘﯩﯟﯦﻠﯩﭗ، ﻳﺎدﯨﻜﺎرﻟﯩﻖ دەپ ﺋﻪﺗﯩﯟارلاپ ﺳﺎﻗلاﻳﺪﯨﻐﺎن ﺑﻮﻟﯘۋاﭘﺘﯘ. زادى ﺑﯩﺰدەك ﺳﻪﮬﺮاﻟﯩﻖ ﺗﻮﻣﭙﺎﻳلار ﺷﻪﮬﻪرﻟﯩﻜﻠﻪرﮔﻪ ﻳﯧﺘﯩﺸﻪﻟﻤﯩﮕﻪﻧﻨﯩﯔ ﺋﯜﺳﺘﯩﮕﻪ، ﺋﯘلارﻧﯩﯔ ﺑﻪزى ﺋﯩﺸﻠﯩﺮﯨﻨﻰ ﺗﻮﻏﺮا ﭼﯜﺷﯩﻨﻪﻟﻤﻪﻳﯟاﺗﯩﻤﯩﺰ …
مەنبەسى؛جۇڭگۇ مىللەتلىرى ژۇرنىلىدىن

فىنلاندىيە ئوقۇش مۇكاپات پۇللىرى

2009-05-25T16:01:00.002+03:00

1. ئۆزى ئىلتىماس قىلغان پروففىسوردىن تەتقىقات راسخودى تەلەپ قىلىش
2. كومپىيۇتېر كەسپىدىكىلەر ھەر يىلى ئوقۇش مۇكاپات پۇلى ئىلتىماس قىلىش پۇرسىتى بار.
http://www.cs.tut.fi/tise/other_schools.html
3. TA
4. 中国国家自费留学生奖学金
5. Nokia ۋە باشقا شىركەتلەردىن بېرىلدىغان ئوقۇش مۇكاپات پۇللىرى
6. فىنلاندىيە پەن-تېخنىكا ئاكادىمىيىسىنىڭ تەتقىقات راسخودى.
7. CIMO نىڭ ئوقۇش مۇكاپات پۇلى www.cimo.fi
8. تەمپېرا ئۇنۋېرسىتىتىنىڭ ئوقۇش مۇكاپات پۇلى
http://www.uta.fi/studies/grants/application_rules.html
بۇنىڭ ئىچىدە 1، 3، 7 تۈردىكىلىرىنى دۆلەت ئىچىدە ئىلتىماس قىلغىلى بولىدۇ.

فىنلاندىيە پويىزدىكى پەسكەشلىككە قارشى ئېلانلار

2009-05-24T21:27:00.002+03:00

فىنلاندىيەدە پويىزدىمۇ پەسكەشلىككە قارشى ئاممىۋى مۇلازىمەت ئېلانلىرى بار، بۇلار كىشىلەرگە تېفوندا سۆزلەشكەندە گەپ-سۆزگە دىققەت قىلىشنى ئەسكەرتىپ تۇرىدىكەن. چۈنكى ئەتراپتا نۇرغۇن كىشىلەر ئاڭلايدۇ...
ئالدى بىلەن يىراقتىن تارتىلغان رەسىمنى كۆرۈپ بېقىڭ

تاقىرباشنىڭ كىيىمىدىكى خەت:“Okei, en heranny oman vaimon vierestä.. قارا ئاخشام ئايالىمنىڭ يېنىدىن قوپماپتىمەن..."

ياشانغان ئايالنىڭ كىيىمىدىكى خەت:“Joo mä oon kolmekaks, tumma ja kiihkee... توغرا، مەن 30 ياش، قارا چاچ، مەن ھازىر بارىمەن..."

فىنلاندىيەدىكى تەلەيلىك مەھبۇسلار

2009-05-23T13:39:00.003+03:00

نىيۇ-يورك ۋاقىت گېزىتى خەۋىرى:
فىنلاندىيىلىكلەر قانۇن-تۈزۈمگە ناھايتى رىئايە قىلدىغان بولۇپ فىنلاندىيىنىڭ جىنايەت ئۆتكۈزۈش نىسپىتى پۈتۈن ياۋروپا ئىتتىپاقى ئىچىدە ئەڭ تۆۋەن ئورۇندا تۇرىدۇ. يەنە كېلىپ تۈرمىگە كىرسىمۇ ناھايتى راھەت ئىچىدە ياشايدۇ چۈنكى فىنلاندىيە تۈرمىلىرىنىڭ دەرۋازىسى ۋە قورشاۋ تېمى يوق. قورال تۇتقان قاراۋۇللىرىمۇ يوق.

سىۋاۋېي فىنلادىيەدىكى بىر مەھبۇس بولۇپ ئۇ ئەگەر چوقۇم تۇرمىدە يېتىشقا توغرا كەلسە مەن فىنلاندىيەدە بولۇپ قالغىنىمغا ناھايتى خوشالمەن. چۈنكى مەن فىنلاندىيەنىڭ تۈرمە سىياسىتىگە ئىشىنىمەن دېگەن. فىنلاندىيە تۈرمە سىياسىتى پۈتۈن ياۋروپا بويىچە ئەڭ مېھرىبان بولۇپ، مەھبۇسلارغا بەك ياخشى مۇئامىلە قىلغانلىقىدىن دائىم ياۋروپا ئىتىپاقىدىكى باشقا دۆلەتلەرنىڭ مەسخىرىسىگە ئۇچرايدۇ.

پۇقرالاردىن راي سىناش نەتىجىسىدىن مەلۇم بولۇشىچە فىنلاندىيە پۇقرالىرى ھۆكۈمەت ئورگانلىرى ئىچىدە ساقچى ئىدارىسىنى ئەڭ ياخشى كۆرىدىكەن. نوپۇس نىسپىتى بويىچە سېلىشتۇرغاندا فىنلاندىيە ساقچى كۈچى ياۋروپا بويىچە ئەڭ تۆۋەن ئورۇندا تۇرسىمۇ، چىرىكلىشىش پەقەتلا كۆرۈلمىگەن ھەم 90 پىرسەنت چوڭ ئەنزىلەرنى پاش قىلغان.

تۈرمە باشلىقى سامىنون مۇنداق دەيدۇ:"بىز كىشىلەرنىڭ بىزنىڭ تۈرمە سىياسىتىمىزگە قىزىقىدىغانلىقىنى توغرا چۈشىنىمىز، ئەگەر سىز بىزنىڭ تۈرمىمىزگە كېلىپ ئايلانسىڭىز تۈرمىنىڭ ناھايتى ئىللىق مۇھىتتا ئىكەنلىكىنى كۆرىسىز".

فىنلاندىيەنىڭ مەدەنىيىتى پۈتۈنلەي دېگۈدەك تەپرىقىچىلىك تۈزۈمى يوق، سىكادىنونلار دۆلەتنىڭ مېھرىبانلىقىغا ئىشىنىدۇ ھەم ھۆكۆمەت ئورگانلىرىغا ئىشىنىدۇ. بۇ بىر خىل مۇلايىم بولغان ھەققانىيەت. بۇ خىل ئىقتىسادىي ۋە ئىجتىمائىي باراۋەرلىك كۆز قارىشى ۋە جەمئىيەت پاراۋانلىق تۈزۈمى دۆلەت ئىچىدە ئۇرۇش-غەليان يۈز بەرمەيدۇ. جىنايەت ئۆتكۈزۈش نىسپىتى ئىنتايىن تۆۋەن بولۇپ قانۇن ئىجرا قىلغۇچىلار خەلقنىڭ ھىمايىسىگە ئېرىشەلەيدۇ.

فىنلاندىيە تۈرمىسىگە كىرىپ ئېكىسكۇرسىيە قىلسىڭىز تۈرمىنىڭ ئوچۇق شەكىلدىكى تۈرمە ياكى يېپىق شەكىلدىكى تۈرمە ئىكەنلىكىنى ئايرىيالمايسىز. تۈرمە باشلىقى ھامىڭلىنانىڭ ئېيتىشىچە ئۇ يېپىق شەكىلدىكى تۈرمىكەن، بىراق سىز ماشىنا ھەيدەپ تۈرمىگە كەلسىڭىز توساپ تۇرغان چوڭ ئىشىكنى كۆرەلمەيسىز.

ئەسلىدە مەخپىي ئېلىكترونلۇق كۈزىتىش ئاپپاراتى ۋە سىگنال ئاپپاراتى ئورنىتىلغاندىن كېيىن تۈرمە دەرۋازا ۋە قورشاۋ تاملارنى ئېلىۋېتىشنى قارار قىلغان ئىكەن. تۈرمە ئىچىدە ئېغىر تۆمۈر ئىشىكلەر مېتالدىن ياسالغان يوللار ۋە قاراڭغۇ كامېرلارنىڭ ئورنىنى گىلەم سېلىنغان يوللار ۋە كەڭ-كۇشادە يوللار ئاپتۇ.

قاراۋۇللارغا قورال سەپلەنمىگەن، ئادەتتىكى كىيىمىنى كىيمىسىلا ساقچىلىق گېربى ئورنىتىلمىغان ساقچى كىيىمى كىيگەن بولۇپ ئارتونوڭنىڭ ئېيتىشىچە پۈتۈن تۈرمىدە ئون تال قورال باركەن، ھەممىسى ئۇنىڭ ئىشخانىسىدىكى بىخەتەر ئىشكاپقا قۇلۇپلاقلىقكەن.

بۇلاردىن باشقا فىنلاندىيىدە يەنە نۇرغۇن ئوچۇق شەكىلدىكى تۈرمىلەر باركەن. مەھبۇسلار بىلەن گۇندىپايلار ئۆزئارا ئىسمىنى چاقىرشىدىكەن. تۈرمە باشلىقىنى ھەربىي ئەمىلى بىلەن ئاتىماي دىرېكتور ياكى باشلىق دەپلا ئاتايدىكەن. مەھبۇسلارنى خېرىدار ياشراقلىرىنى ئوقۇغۇچى دەپ ئاتايدىكەن.

كىلاۋا تۈرمىسىنىڭ باشلىقى يېسىنمىڭ "بىز ئۇلارنىڭ ئاتا-ئانىسى" دەيدۇ. تۈرمىلەر مەھبۇسلارغا كەڭ-كۇشادە رۇخسەت سوراپ ئۆيىگە قايتىشىغا يول قويىدىكەن بولۇپمۇ قاماق مۇددىتى توشۇش ئالدىدا تېخىمۇ شۇنداقكەن. قاماقتا ياتقىنىغا بىر يېرىم يىلدىن ئاشقان مەھبۇسلارغا تۈرمىدە ئائىلىسىدىكىلەر بىلەن جەم بولۇشىغا ئۆي ئاجرىتىپ بېرىدىكەن. ھەر قېتىمدا ئەڭ ئۇزۇن بولغاندا تۆت كۈن بىللە تۇرۇشقا بولىدىكەن.

تۈرمە باشلىقى خامىڭلى مۇنداق دەيدۇ:"بىزنىڭ قارىشىمىزچە ئەركىنلىكتىن مۇستەسنا قىلىشنىڭ ئۆزى ئەڭ قاتتىق جازا."

ئەسكەرتىش:
فىنلاندىيىدە جىنايەت ئۆتكۈزگەن جۇڭگولۇقلار ساقچى تەرەپ ئارقىلىق ئۆز دۆلىتىگە قايتۇرۇلىدۇ. ئايروپىلان بېلىتىنى ۋاقتىنچە جۇڭگو ئەلچىخانىسى تۆلەپ تۇرىدۇ، كېيىن مەھبۇس ئۆزى تۆلەيدۇ.

ياۋروپا ئۇچۇرلىرى

2009-05-23T13:35:00.002+03:00

بۈگۈن تور ئارىلاپ تۆۋەندىكى مۇنبەرنى كۆرۈپ قالدىم. بۇ مۇنبەرنىڭ ئالاھىدىلىكى ياۋروپادىكى 18 دۆلەتكە ئاساسەن ئايرىلغان بولۇپ، ھازىرغىچە ياۋروپاغا چىقىپ ئوقۇۋاتقان ۋە ئىشلەۋاتقان خەنزۇ يولداشلارنىڭ ئۆزئارا پىكىر ئالماشتۇرۇش ۋە يېڭى كەلگەنلەرنى يېتەكلەشكە ئائىت ئۇچۇرلار باركەن. مەزمۇنى بىر قەدەر مول بولۇپ خەنزۇچە ئۇقىدىغان تورداشلارنىڭ پايدىلنىشىغا ماس كېلىدىكەن، ئۆزىڭىز قىزىقىدىغان دۆلەتنى خەرىتىدىن چېكىپ تىزىملىتىپ كىرسىڭىز 精华 يازمىلىرى ئىچىدە نۇرغۇن قىممەتلىك ئۇچۇرلار باركەن، ئەسلىدە تەرجىمە قىلىپ يوللاي دېگەن، بىراق بەك چەكلىك بوپقالغىدەك شۇڭا مەنبەنىلا كۆرسىتىپ قويدۇم، قىزىقىدىغانلار چىقىپ كۆرۈپ بېقىڭلار.

http://www.kina.cc/

مەسلەن ماۋۇ يازمىدا فېنلاندىيەدىكى 12 ئالىي مەكتەپنىڭ ماگىستىرلىقىنى ئىلتىماس قىلىش تەجىربىسى يېزىلىپتۇ.
http://www.kina.cc/cm/script/forum/view.asp?article_id=3151732

بەلكىم فېنلاندىيە مۇنبىرىدىن تىزىملىتىپ كىرسەڭلار ئاندىن كۆرەلىشىڭلار مۇمكىن.
http://www.kina.cc/fi/
شىۋىتسىيە مۇنبىرى:
http://www.kina.cc/se/
ئىسپانىيە مۇنبىرى:
http://www.kina.cc/es/
پولشا مۇنبىرى:
http://www.kina.cc/pl/
...
kina دېگىنى ياۋروپادا جۇڭگونى كۆرسىتىدىكەن.

يەنە ياۋروپادىكى فىرانسۇزچە، پولشا، گېرمان، ئىتالىيان، فېن، روس قاتارلىق 20 نەچچە خىل تىل ئۆگىنىش ماتىرياللىرىنى چۈشۈرمەكچى بولسىڭىز بۇ ئۇلىنىشنى بېسىڭ.

بىزدىكى قەھرىمانلىق تۇيغۇسى ۋە مۇكەممەلىزىم توغىرسىدا

2009-05-21T09:03:00.002+03:00

ئىشەنچىڭىزنىڭ ھالىدىن خەۋەر ئېلىپ تۇرۇڭ
پىشىپ يېتىلىشنىڭ ئەڭ مۇھىم ھالقىسى كىشىنىڭ ئۆز-ئۆزىگە بولغان ئىشەنچىنىڭ تۇرغۇزۇلىشىدۇر.

يېقىنقى كۈنلەردە بىزدىكى قەھرىمانلىق تۇيغۇسى ۋە بىزگە قانداق قەھرىمانلار كېرەك يەنە بىزدىكى مۇكەممەلىزىم (完美主义) پىسخىكىسىنىڭ كىشىلەرگە بولغان زىيىنى دېگەن تېمىلار توغىرسىدا تولا ئويلايدىغان بولۇپ قالدىم. بىزنىڭ پىسخىكىمىزدا زادى قانداق كىشىلەر قەھرىمان دەپ قارىلدۇ، ئەنە شۇنداق قەھرىمانلارنىڭ بىزگە قانچىلىك پايدىسى تېگىدۇ ياكى زىيىنى تېگىدۇ؟ بۇ خىلدىكى قەھرىمانلىق تۇيغۇسىنىڭ ياشلارنىڭ غايە تىكلەش، جەمئىيەتكە ماسلىشىش جەريانىدا ئۇلارغا بولغان تەسىرى ۋە كەلتۈرگەن ئاۋارىچىلىقلىرى قايسىلار؟

راست گەپنى قىلسام بىزدە قەھرىمان بولماق ناھايتى تەس، بىزنىڭ ئارىمىزدا قەھرىمان چىقىشى ئۈچۈن ئۇ چوقۇم ھېچكىم قىلالمىغان ئىشلارنى قىلالىشى، خەلقى ئالەمنى ھاڭ-تاڭ قالدۇرالىشى، ئۇيغۇر تۇرۇپ چەت ئەللەردە ھېچبولمىغاندا ئىچكىرىلەردە ئىشلىيەلىشى، تۈرلۈك نام-ئاتاقلارغا مەسلەن نوبېل مۇكاپاتى دېگەندەك، ئېرىشكەن بولۇشى كېرەك. شۇڭلاشقىمىكىن ھازىر ئۇيغۇرلاردىن زادى كىمگە قول قويىسەن؟ ئۇيغۇرنىڭ ئىچىدىن چىققان سەن چىن كۆڭلۈڭدىن قايىل بولغان كىم بار دەپ سورىسا نەچچىنى دەپ بېرەلمەيدۇ، ھازىر بۇ تېخىمۇ تەسلىشىۋاتىدۇ، نېمىشقا دېسەڭلار چەت ئەلگە چىقىشمۇ كىشىلەرنىڭ نەزىرىدە ئادەتتىكى ئىشقا ئايلانغىلىۋاتىدۇ.. يەنە 10 يىلدىن كېيىن مېنىڭچە چەت ئەلدە ئىشلەپتۇ دېسە ھەممەيلەن ۋاي ئادەتتىكى ئىشقۇ دەيدۇ دە ئېرەن قىلمايدىغان بولىدۇ... ئۇ چاغدا بەلكىم ئاي شارىغا چىقساق بولامدىكىن تاڭ...
ئەمدى مەندىن سورىسىڭىز "نېمىشقا ئۇيغۇرلاردىن قەھرىمان چىقىشىنى شۇنچە خالاپ قالدىڭىز؟" دېسىڭىز، مېنىڭ جاۋابىم شۇكى بىز بىر خىل قەھرىمانغا چوقۇنىدىغان مىللەت. مىللىتىمىز قەلبىدىكى قەھرىمانلار ئوبرازى بىزنىڭ ئىدىيىمىزگە، بالا تەربىيلەش ياش-ئۆسمۈرلەرنىڭ غايە تىكلەش ئېڭىغا كۈچلۈك تەسىر كۆرسىتىدۇ. شۇڭلاشقا بىز چوقۇم كېمىدا كىمنىڭ ھەقىقىي قەھرىمان ئىكەنلىكىنى ئايدىڭلاشتۇرۇۋېلىشىمىز كېرەك. مەسلەن، مىسال ئۈچۈن ئېيتقاندا ئالىم شۆھرەت مۇتەللىپ، ئەركىن سىدىقلار ھازىرقى مىللىتىمىزنىڭ ئومومىي ئېتراپ قىلىدىغان (مەنمۇ شۇنىڭ ئىچىدە) ئالىملاردۇر. ئۇلار ھامان ئازدۇر-كۆپتۈر ياشلارنىڭ ئىدىيىسگە چەت ئەلگە چىقىش قىزغىنلىقىنى سىڭدۈرىدۇ. چەت ئەلگە چىقىپ ئوقۇش بارلىق ياشلارنىڭ ئەڭ ئالىي غايىسىگە، قىممەت ئۆلچىمىگە ئايلىندۇ. مەن ھازىر بۇنى ناچار ئىش دەپ چۈشەندۈرمەكچى ئەمەسمەن، بىراق شۇنى ئويلاپ باقايلى، بىرىنجىدىن: ئۆزىنىڭ ئاددىي خىزمەت ئورنىدا سادىقلىق بىلەن ئىشلەپ، ئاتا-ئانا يۇرتداشلىرىنىڭ ھالىدىن خەۋەر ئېلىۋاتقانلار كىشىلەرنىڭ نەزىرىدە ئادەتتىكى كىشىلەر سانىلىدۇ، سەل قارىلدۇ، نەتىجىدە ۋاپاسىز پەرزەنتلەر كۆپىيىدۇ. ئىككىنجىدىن، نۇرغۇن كىشىلەر ئۆزىنىڭ ئەسلىدىنلا ۋاز كېچىشى كېرەك بولمىغان خىزمەت ئورنىدىن، غايىسىدىن ۋاز كېچىپ قارغۇلارچە چەتكە چىقىش قىزغىنلىقى بىلەن ئۆز ئورنىدا خاتىرجەم خىزمەت قىلدىغانلار ئازىيىدۇ. ئۈچىنجىدىن، ھېچقانداق چەت ئەلگە چىقىش ئىقتىدارى بولمىغان كىشىلەرمۇ چەت ئەلنى جەننەت ھېسابلاپ، توغرا بولمىغان چەت ئەلگە چىقىش يوللىرىنى تاللاپ ئۆزىگە ۋە باشقىلارغا ئاۋارىچىلىق تېپىپ بېرىدۇ. كىم بۇ سەلبىي تەسىرلەرنى تەھلىل قىلىپ باقتى؟ بىزدە يەنە نۇرغۇنلىغان توغرا بولمىغان قەھرىمانلارلار مەۋجۈت، ئۇلارنىڭ خەلقىمىزنىڭ قىممەت قارىشىغا بولغان تەسىرى ھەم مەلۇم پايدىسى ھەم مەلۇم زىيىنىمۇ بار.
مۇكەممەلىزىم دېگەن ئىككىنجى تېما. بۇ سۆزنى ئۆزەم ياسىغان. مەن ھازىر ئۇيغۇرلارنىڭ كۆز قارىشىدىكى مۇكەممەلىزىم ئىدىيسىنىڭ پۈتۈن مىللەتكە كەلتۈرىۋاتقان غايەت زور زىيىنىنى ئوتتۇرىغا قويماقچىمەن.
مۇكەممەلىزىم ھەر قانداق ئىشتا يۈزدە يۈز پىرسەنت مۇكەممەل بولۇشنى قوغلىشىش بولۇپ، بۇ لايغەزەللىك، قولىنىڭ ئۇچىدا ئىش قىلىشنىڭ قارمۇ-قارشى نۇقتىسى، ئۇنىڭدا تىرىشچانلىقنى ھەددىدىن ئاشۇرىۋېتىدۇ. ئۆزىنى يېتىش مەڭگۈ مۇمكىن بولمىغان نۇقتىغا قاراپ قىستاش مەلۇم دەرىجىدە مۇنەۋۋەر تۇيغۇ بەرسىمۇ، كىشىگە مەڭگۈ قانائەت قىلمايدىغان ئالغا ئىلگىرلەش روھىدەك ھېس قىلدۇرسىمۇ ئەمىليەتتە ئۇلار ئىككىسى بىر-بىرىگە ئوخشاپ كېتىدىغان تامامەن ئىككى نەرسە.
مېنىڭچە مۇكەممەلىزىم كىشىلەرگە ئىنتايىن زىيانلىق بولۇپ، ئۇنىڭ جەمئىيتىمىزگە كەلتۈرگەن زىيىنى زەھەرلىك چېكىملىكتىن ئېشىپ كېتىدۇ. مەن يازغۇچى شائىرلارنىڭ دەرھال قولىدىكى ئىشىنى توختىتىپ، توغرا بولمىغان قەھرىمانلارنى قوغلىشىش ۋە مۇكەممەلىزىمنى سۆكۈش توغىرلىق ئەسەر يېزىپ كىشىلەرنى داۋالىشىنى ئۈمىد قىلىمەن. بۇ گېپىمنى دەسلەپكى قەدەمدە تۆۋەندىكىدەك ئىسپاتلايمەن.
مېنىڭ ئالىي مەكتەپتە ئۆگىنىشى ناھايتى ياخشى ساۋاغداشلىرىم بار ئىدى. ھەممەيلەنگە مەلۇم، ئىچكىرىدىكى ئالىي مەكتەپكە بارىدىغان ئوقۇغۇچىلار كۆپىنچىسى مىللىتىمىز ئىچىدىن تاللانغان، ئۆگىنىشتە ئەڭ مۇنەۋۋەرلەر ئوقۇغۇچىلار، بىراق 6 يىللىق ئۆگىنىش داۋامىدا ئۆزىنىڭ ھاياتقا بولغان ئىشەنچىسىنى، غايىسىنى تاشلىماي قايتىپ چىقالىغانلار ناھايتى ئاز ساننى ئىگىلەيدۇ. مېنىڭ بىر يېققىن دوستۇم بار ئىدى، ھازىر ئويلاپ باقسام ئۇنىڭ ئۆگىنىشتە ھەقىقەتەن خېلى بىڭسى بار ئىكەنتۇق. ئۇنى بىر تالانت ئىگىسى دېيىشكە بولاتتى. بىراق ئۇنىڭ بىردىنبىر كەمچىلىكى مۇكەممەلىزىم پىسخىكىسى بەك ئېغىر ئىدى. ئۇ يا بولمىسا ھەممەيلەننى بېسىپ چۈشۈشنى يا بولمىسا ھېچنىمە قىلماسلىقنى خالايتتى. ئەگەر ياخشى كۈزەتسەك ئەتراپىمىزدا ھەقىقەتەن موشۇنداق كىشىلەرنىڭ كۆپلىگىنى بايقايمىز. بۇنداق كىشىلەر ئەگەر مۇۋاپىق مەدەت بېرىش، ئۈزلۈكسىز رىغبەتلەندۈرۈشكە ئېرىشىپ تۇرسا، پۈتۈن سىنىپنىڭ ئالدى ھەتتا پۈتۈن مەكتەپنىڭ ئالدى ئورنىنى قولدىن بەرمەي ئالقىشقا ئېرىشىپ تۇرسا، ئۇلارنىڭ كۈچ-قۇۋۋەتكە تولۇپ تۇرغانلىقىنى، كېچە-كېچىلەپ ئۆگىنىش قىلىپ ھەممىنى بېسىپ چۈشىدىغانلىقىنى بايقايمىز. بىراق ئۇ ئاغىنە ئالىي مەكتەپتە ئۆزىنى تاشلىۋەتتى. مەسىلە ئۇ ئۆزىگە باشقىلارنىڭ ئۆلچىمىدە باھا بېرىشكە ھەددىدىن ئارتۇق كۆنۈپ كەتكەن بولۇپ، ئىچكىرىدىكى ئالىي مەكتەپتە ئىمتىھان مۇئارىپى ئەمىليەتتە شىنجاڭدىن ئېغىر ئىدى. ئۇنىڭ ھالىدىن خەۋەر ئېلىپ تۇرىدىغان سۆيۈملۈك ئوقۇتقۇچىلىرى يوق، بىر سىنىپتا 150 ئوقۇغۇچى يەنە كېلىپ ئالىي مەكتەپتە چورتلا سىنىپ مەسئۇلى دەيدىغان نەرسە يوق، دەرس ئوقۇتقۇچىلارمۇ ھېچكىمنى تونۇمايتتى. روھىي ئوزۇقتىن ئايرىلىپ قالغان بۇ ئاغىنەم بىرەر يىل تىرىشىپ بېقىپ نەتىجىسى 10مىڭ ھەتتا 100مىڭدىن بىر بولۇپ تاللىنىپ كەلگەن بۇ ساۋاقداشلارنىڭ ئىچىدە كۆزگە كۆرۈنەلمەي ئاخىرى بىراقلا بولدى قىلىۋەتتى، دەرسكىمۇ چىقمايدىغان ياتاقتا كومپىيۇتېر ئويناپلا ئولتۇرىدىغان بولدى. دېمەك ئۇنى گەرچە تۈگەشتى دېمىسەكمۇ ئۇنىڭ ئۆزىگە بولغان ئىشەنچى يەرگە ئۇرۇلدى دېگەن گەپ. ئۇنىڭ قەددىنى رۇسلىشى يەنە شۇ ئاخىرى مەكتەپ پۈتتۈرۈپ شىنجاڭغا قايتقاندىن كېيىن بولدى. دېمەك بىز ئوقۇغۇچىلارنى "قەھرىمانىي" ھېس-تۇيغۇلارغا شۇنچىلىك كۆندۈرىۋەتكەنكى ئۇلار بۇنىڭدىن ئايرىلسا ياشىيالماس بولۇپ قالغان.
ئىككىنجى ساۋاقدىشىم ناھايتى ئىجدىھاتچان بالا بولۇپ، ئۇ ئۆگىنىشنى چىداپ قىلدى. مەكتەپ پۈتتۈرگىچە شىنجاڭدىن كەلگەن ھەممەيلەننىڭ ئالدىدا تۇردى. ھەممىمىز ئۇنىڭغا قايىل بولاتتۇق. بىراق ئەلۋەتتە خەنزۇ بالىلارغا يېتىشەلمەيتتى. ئىمتىھان نومۇرى جەھەتتە. مەنغۇ ئىمتىھاندىن ئۆتەلمىسەم پەرۋا قىلمايتتىم. بىلىم ئۆگەنگەندىكىن بولدىغۇ دەپلا ئويلايتتىم. چۈنكى ئۇ ئىمتىھان نەتىجىلىرىنىڭ كىشىنىڭ بىلىم ئۆگىنىش دەرىجىسىنى قانچىلىك توغرا كۆرسىتىپ بېرەلمەيدىغانلىقىغا ئىشەنچىم كامىل ئىدى. خەنزۇ ئوقۇغۇچىلار كېچىكىدىن ئىمتىھان بېرىپ چېنىققان، ئۇلارنىڭ ئىمتىھاننىڭ ئالدىدىكى ئوقۇتقۇچىلار بىلەن مۇناسىۋەت ئورنىتىپ كېتىشلىرى، ئىمتىھاندىكى كۆز بويامچىلىقلىرىنى كۆرۈپ كۈلگۈم كېلەتتى. مەن ئىمتىھان نەتىجىسى ئارقىلىق ئۆزەمنى ئىسپاتلاشتىن چورتلا ۋاز كەچتىم. ھازىر ئويلاپ باقسام ئەينى چاغدا موشۇ خىيالىمنىڭ ماڭا قانچىلىك پايدا يەتكۈزگەنلىكىنى تەسەۋۋۇر قىلالمايمەن، مەن پەقەت پۈتۈن زېھنىم بىلەن ئۆزەم قىزىققان بىلىملەرنىلا ئۆگەنگەنلىكىم ئۈچۈن، بۇ بىلىملەر خىزمەتكە چىققاندا ماڭا شۇنچىلىك ئەسقاتتى. بىراق نەتىجىلەر ئارخىپ خالتىسىدا قېپقالدى. بىراق ھېلىقى ئىجدىھاتچان ئاغىنىمىز ئۇنداق ئەمەس ئىدى. ئۇ دائىم ئۆزىنىڭ نومۇرى باشقىلارغا يېتەلمىگەنلىكىدىن ئۆكۈنەتتى. ئەمىليەتتى ئۇنىڭ نومۇرى تامامەن لاياقەتلىك نومۇرلار بولۇپ، پەخىرلىنىشكە ئەرزىيتتى. بىراق ئۇ شۇنداق ئۆزىنى قىينايدىغان خىيالنى تاشلىيالمىدى. مەكتەپ پۈتتۈرگەندىن كېيىن بولسا ھەممىمىزدىن ياخشى ئوقۇغان تۇرۇقلۇق ئاشۇ نەتىجىلەر تۈپەيلى ئۆزىنى ئالىي مەكتەپتە ھېچنىمە ئوقۇمىغانغا چىقىرىۋەتتى. ئۆزىگە بولغان ئىشەنچىنىڭ كەمچىللىگى تۈپەيلىدىن چوڭراق شىركەتلەرنىڭ يۈز تۇرانە ئىمتىھانىغىمۇ تۈزۈك قاتنىشالماي خىزمەت تاپالمىغىلى تاس قالدى. ئىشقىلىپ مېنىڭچە ئۇ ئۆزىگە ئىشەنگەن بولسا بۇنىڭدىن نۇرغۇن ياخشى قىلالايتتى. دېمەكچى بولغىنىمنى توغرا ئىپادە قىلدىممۇ يوق ئۇقمايمەن. ئىشقىلىپ بۇنداق يا بايرامدىن يا سايرامدىن دەيدىغان پىسخىكا بىزگە زىيىنى چوڭ بولۇۋاتىدۇ. كۆپىنچە كىشىلەر يا ئەڭ ياخشى بولۇشنى بولمىسا ھېچنىمە بولماسلىقنى كۆزلەيدۇ. ئەمىليەتتە كۆپ سانلىق كىشىلەر ھامان ئوتتۇرىدا قالغۇچىلاردۇر. ئوتتۇرىدا قالغۇچىلار جەمئىيەتنىڭ ئاساسىي ئېقىمىنى تەشكىل قىلغۇچىلار. ئۇلارنىڭ ئۆزىگە بولغان ئىشەنچىنىڭ يوقۇلۇشى پۈتۈن مىللەتكە غايەت زور يوقىتىش بولۇپ ھېسابلىندۇ. بۇ قائىدە جەمئىيەتتىكى ھەممە ساھەلەرگە ئورتاق.
مۇكەممەلىزىم ۋە رىقابەت ئېڭىنىڭ قالايمىقان تەكىتلىنىشى ياشلارنىڭ يۈرىكىگە زەھەردەك سانجىلىۋاتىدۇ. بىزدە پەرزەنتلەرگە چوقۇم سىنىپنىڭ ئالدىنقى قاتارىغا ئۆتۈش، ئۆزى بىلەن نەتىجىسى تەڭ ئورۇندىكى ساۋاغداشلار بىلەن رىقابەتلىشىپ ئۆگىنىشتەك خاتا قاراش سىڭدۈرۈلۋاتىدۇ. نەتىجىدە قالايمىقان رىقابەت كوللىكتىۋىزىملىق روھىنى چۈشكۈنلەشتۈرىدۇ، ئۇنىڭغا مۇكەممەلىزىم قوشۇلۇپ ساۋاغداشلار، خىزمەتداشلار ئۆزئارا كەمچىلىكلىرىنىلا كۆرۈشىدىغان، ئۆزئارا ئارتۇقچىلىقلىرىنى پەقەتلا مەدھىيلەشمەيدىغان ھالەت شەكىللىندۇ، ئەزەلدىنلا تار بولغان جەمئىيەت تېخىمۇ تارلىشىپ كېتىدۇ. بۇ خىل ھالەت ئۇزاق داۋاملاشسا خىزمەت ۋە ئۆگىنىشنىڭ پەقەت مەززىسى قالمايدۇ، كىشىنىڭ كۆڭلى سۇ ئىچمەي چەت ئەلگە چىقىپلا قۇتۇلۇشنى ئويلاپ قالىدۇ. ھېچقانداق روھىي ئوزۇق ۋە ھەمكارلىق بولمايدۇ.
ئۆزەمنىڭ چەت ئەلدە ئىشلەۋاتقانلىقىنى پەش قىلاي، ئازىراق سېلىشتۇرۇشۇمغا رۇخسەت قىلىڭلار. بۇ يەردە خىزمەتداشلار ئارىسىدا رىقابەت بولمايدۇ. رىقابەت بولمايدۇ ئەمەس، ئۇ شەكىلسىز بولىدۇ، تەبىئىي بولىدۇ، ئۇ سىز رىقابەتلەشمىسىڭىزمۇ مەۋجۇد بولۇپ تۇرىدۇ، بىراق تېخىمۇ كۆپ بولدىغىنى خىزمەتداشلار ئارىسىدىكى كوللېكتىۋىزىملىق كىشىنىڭ يۈرەك تارىنى چېكىدۇ. خىزمەتداشلار بىر-بىرىنى ھېسسىيات جەھەتتە ئاۋال قوبۇل قىلىدۇ، گەرچە شەخسىي كۆز قارىشى جەھەتتە ئۇ كىشىنى قەتئىي ياقتۇرمىسىمۇ بىر-بىرىنى بىر كوللېكتىپ ئەزاسى دەپ چىن كۆڭلىدىن قوبۇل قىلىدۇ، ياردىمىنى ئايىمايدۇ، بۇ خىل ھەمكارلىق ۋە كوللېكتىۋىزىملىق باشقا بىر رىقابەتچى كوللىكتىپقا يولۇققاندا تېخىمۇ ئېنىق ئىپادىلنىپ چىقىدۇ، ھەر بىر ئەزا پۈتۈن كۈچى بىلەن بىر-بىرىگە جان دوستلاردەك مۇئامىلە قىلىدۇ، پۈتۈن كۈچىنى چىقارمىغۇچىلار ياكى قارشى تەرەپكە دوستانە مۇئامىلىدە بولۇپ، ساتقۇنلۇق قىلغانلار قاتتىق ئېغىر ئەيىبلەشكە ئۇچرايدۇ. ئادەتتە خىزمەت جەريانىدا خىزمەتداشلارنىڭ قولغا كەلتۈرگەن كېچىككىنە نەتىجىلىرىمۇ مۇئەييەنلەشتۈرۈلىدۇ، مەدھىيلەشنىڭ رولىغا سەل قاراشقا بولمايدۇ، مانا موشۇنداق كەيپىيات ئىچىدە ھېچكىم ھېچكىمدىن "ئېشىپ كەتمىگەن" ياكى "بېسىپ چۈشمىگەن" ئاساستا چەكسىز ھاياتىي كۈچكە ئېرىشىپ ئالغا باسىدۇ.

ھەر قانداق ئىش چەكتىن ئېشىپ كەتسە ئەكسىگە يانغىنىدەك، بىزدىكى مۇكەممەلىزىم ئىدىيسى ئۇيغۇرلارنى تەرەققىي قىلدۇرۇش قىزغىنلىقى بىلەن قوشۇلۇپ ئەكىس تەسىرىنى كۆرسەتكىلى تۇردى، ھەتتا بۇ قىزغىنلىق شۇنچىلىك ئەسەبىي دەرىجىگە يەتتىكى بۇ ھەقتە ھازىرغىچە ئېغىز ئېچىپ بىر نەرسە دېيىشكە ھېچكىم جۈرئەت قىلالمىدى. بۇ ھەقتە تۆۋەندىكىدەك مىساللارنى كەلتۈرىمەن.
ئۇخلاپ ياتقان ئۇيغۇرلارنى ئويغىتىشتا ئەينى چاغدا ئابدۇخالىق ئۇيغۇر ئويغان دەپ توۋلىغاندا ئۇنىڭغا ھەقىقەتەن ياراشقان ئىدى. بىراق ھازىرقى كۈندە يەتتە ياشتىن يەشمىش ياشقىچە بولغان كىشى ئويغىنىشنىڭ نېمىلىكىنى چۈشىنە چۈشەنمەيلا ئويغان دېدىم ئويغان دەپ توۋلاشقا چۈشتى. خەلق خۇددى ئاساۋ ئاتتەك چۆچۈپ ئويغىنىپ نېمە قىلارىنى بىلمەي ئۆز دائىرىسدە قىتىراپ چېپىشقا، ئۇيان-بۇيان ئۈسۈشكە باشلىدى. ئۇيغۇرلار كەينىدە دەپ ماقالە يازسا پۈتۈن خەلق قوللىدى، ھەتتا باشتا ئۇيغۇرلار يانچۇقچى، پاشۋاز دېگەن ماقالىلەرنىڭمۇ خېلى بازىرى چىققان، لېكىن ھازىر ئۇنداقلار ئاستا-ئاستا بېسىقىپ قالدى. ھازىر ئۇيغۇرلار كەينىدە دەپ ماقالە يازىدىغانلارنىڭ ئاساسلىق دەستۇرى پەن-تېخنىكىمىز كەينىدە. پۈتۈن خەلق تەبىئىي پەن بىلىملىرىگە يۈكسەك ئەھمىيەت بەردۇق ھەم بېرىۋاتىمىز، مۇئارىپ "ئوقۇتۇش سۈپىتى"نى يۇقىرى كۆتۈرۈش ئۈچۈن ئوقۇغۇچىلارنى مەجبۇرلاپ قىيىن قىستاققا ئالمىغانلا يېرى قالدى، ئۇندىن باشقىسىنى قىلدى، ھالبۇكى بۇ كىشىلەر شۇنى چۈشەنمىدىكى پەن-تېخنىكىنىڭ تەرەققىياتى ھامان بىر سانائەتنى تۈرتكىلىك كۈچ قىلغاندىلا ئاندىن يۇقۇرى ئۆرلىيەلەيدىغانلىقىنى ھېچكىم ئەسكە ئېلىشمىدى. بىزنىڭ پەرزەنتلىرىمىز زاۋۇتنىڭ تايىنى يوق مۇھىتتا تۇغۇلۇپ ئۆسۈپ، ھەممىسى ئىنژىنىر بولۇشقا بەل باغلىدى. ئاخىرىدا ھەممەيلەن ئىشسىز قالدى. ئاز ساندىكى مۇرادىغا يېتىپ چەت ئەللەردە ئىنژىنىرلىق خىزمەتلىرىگە ئېرىشكەنلەر بولسا، ياۋروپادىكى مەيدىسىنى كېرىپ قويۇپ خاتىرجەم تازىلىق ئىشچىسى بولۇپ ئىشلەۋاتقان كېلىشكەن يىگىتلەرنى، كۆڭلىگە رېستۇران خىزمەتچىسى بولۇشنى پۈكۈپ تىرىشىپ ئۆگىنىۋاتقان چىرايلىق قىزلارنى كۆرگەندە ھەيران قېلىشتى ياكى كۆرمەسكە سېلىشىپ ئۆزىنىڭ "تىرىشىپ" قولغا كەلتۈرگەن نەتىجىلىرىنى داڭلاشقا چۈشتى، ھالبۇكى ئۇلار ئۆزىنىڭ خاتىرجەم تۇرمۇشىنى قۇربان قىلغانلىقىنى، يۇرتىنى سېغىنىش ئوتىدا، ھىجران ئوتىدا كۆيۈۋاتقان يۈرەكلىرىنى ئۇنتۇپ ئۆزلىرىنى ماشىنا ئادەم چاغلاپ قېلىشتى ۋە تېخىمۇ كۆپ كىشىنى ئۆزىگە ئوخشاش بولۇشقا چاقىردى. بۇ چاغدا يۇرتتىكىلەر بولسا ياۋروپانىڭ تازلىق ئىشچىسىمۇ تەبىئىي پەننى يىرتىۋېتىدۇ دەپ ئويلاپ يۈرىشەتتى. ھالبۇكى ئۇلار گېزىت-ژۇرناللاردىكى ئادەم ئالدايدىغان ئاجايىپ-غارايىباتلارنىڭ كىشىلەرگە قانچىلىك زىيان سېلىۋاتقانلىقىنى چۈشىنىشمەيدۇ.
ياۋروپا بىلەن شىنجاڭنىڭ پەرقى زادى قەيەردە؟ بۇ مەن ئىزچىل ئويلىنىۋاتقان بىر سوئال. ياۋروپادا 3000 ياۋرو يۇقىرى مۇئاش ھېسابلىندۇ. شىنجاڭدا 3000يۈەن ھازىر ئانچە يۇقىرى مۇئاش ھېسابلانمايدۇ. مېنىڭ شوپۇر ئاكاممۇ ئۇنىڭدىن كۆپ تاپىدۇ. ياۋروپادا 8 ياۋرو بىلەن سىرتتىن بىر ۋاق ئاددىي تاماق يېگىلى بولىدۇ. شىنجاڭدىمۇ 8 يۈەنگە ئادەتتىكى بىر ۋاق قوساقنى ئەستەرلىگىلى بولىدۇ. ياۋروپادىكى ئاياللارنىڭ كىيىم-كېچەكلىرىمۇ كونا ھەتتا شىنجاڭدىكى ئاياللارغىمۇ يەتمەيدۇ. ھەرگىز كىنولاردىكىدەك ئەمەس. مېنىڭ ھازىر ھېس قىلىشمچە ياۋروپا بىلەن شىنجاڭنىڭ ئەڭ چوڭ پەرقى ياۋروپالىقلار ئۆزىنى ھۆرمەتلەيدۇ، ئۆز خەلقىنى سۆيىدۇ. ئاغزىدىلا ئەمەس، ئۇلار ئۆز يۇرتىنى سۆيۈپ ياشايدۇ. تېجەشلىك بىلەن ھېچقانداق نەرسىنى بۇزۇپ چاچماي كۈن ئۆتكۈزىدۇ. بىز بولساق يۇرتنى ئاغزىمىزدا سۆيۈپ، ئەمىليەتتە يۇرتتىن ئايرىلىشنى شەرەپ دەپ بىلىمىز. كىنو تېلىۋزورغا ئالدىنىپ تاپقان-تەرگىنىمىزنى بۇزۇپ چېچىپ ياشايمىز. مانا بۇ ھەقىقىي پەرق. ئۆز كۆزۈم بىلەن كۆرگەن پەرق.
كىشى كۈرەش قىلىپ ھارغاندا، ئۆزىنىڭ نېمە ئۈچۈن كۈرەش قىلىۋاتقانلىقىنى ئەسلىيەلمەيدۇ. ھامان بىر كۈنى ئۆزىمىز ھېرىپ-چارچاپ قوغلىشىۋاتقان نەرسىنىڭ پەقەت بىر خاتىرجەم تۇرمۇش ئىكەنلىكىنى، خاتىرجەملىكنى بۇزۇۋاتقان كىشىلەرنىڭمۇ دەل ئۆزىمىز ئىكەنلىكىنى تونۇپ يېتىمىز. ياشلارغا توغرا يول كۆرسىتىپ بېرەيلى.

مۇكەممەلىزىم پىسخىكىسىنىڭ تەسىرى ۋە ۋەتىنىمىزنىڭ چىرىكلىك ۋە پارىخورلۇققا قارشى تۇرۇشنىڭ داۋاملىق تەكىتلىنىشى بىلەن ئىنتايىن قىزىق ھېچكىم دىققەت قىلمىغان بىر ئىش يۈز بەردى. يەنى كۆپچىلىك تازا تىللاپ پۇخادىن چىقتى، ئەمەلدارلار بولسا بۇلغانغان كىملىكنى ساقلاپ قېلىۋەردى، خۇددى كوچىدىكى جالاپ مېنى بەرىبىر ياخشى دېمەيدۇ دەپ قىلغىنىنى قىلغاندەك بولدى. يەنە بىر قىزىق ئىش شۇكى ئەمەلدار بولۇش تىلغا ئېلىنسا كىشىلەرنىڭ خىيالىغا ئالدى بىلەن پارىخورلۇق ۋە چىرىكلىك كېلىدىغان بولدى. بۇنىڭ نەتىجىسىدە كۆپچىلىك ئەمەلدار بولۇشقا قىزىقماسلا بولدى. نېمە دەيدىكىن دەپ قالماڭلار، ئەلۋەتتە بىر مەزگىللەردە ئەمەل-مەنسەپ دېسە دۈم چۈشىدىغان بولۇپ كەتكەن، بىراق ھازىرقى ياشلار چوڭ بولغاندىن كېيىن باشلىق بولىمەن، سىياسىيون بولىمەن دەيدىغانلار ئاز. ھازىر كېچىك بالىلاردىن چوڭ بولغاندىن كېيىن نېمە ئىش قىلىسىز دەپ سورىسىڭىز چەت ئەلگە چىقىمەن دەيدىغانلار كۆپ. بۇ بىر خىل خەتەرلىك ئەھۋال. بىز ئۆزىمىزنىڭ ئەھۋالىنىڭ ناچارلىقىنى، كادىرلارنىڭ قارا قوساقلىقى توغىرسىدا ۋايسايمىزيۇ نېمىشقا مۇنەۋۋەر ئوقۇغۇچىلار تىرىشىپ كادىر بولۇشقا، ياخشى كادىر بولۇشقا بەل باغلىمايمىز؟ كادىرلارنىڭ تىللاش ئارقىلىق تۈزىگىلى بولمايدىغانلىقىنى ياغلىق قاپاق ناھايتى ئوبدان ئىسپاتلاپ تۇرۇپتىغۇ!؟ چەت ئەللەردىكى ئېنژىنىر ئالىملاردىن بىزگە ئەمىليەتتە ئۇنچىۋالا چوڭ نەپ تەگمەيدۇ، ماڭا ئىشىنىڭلار. ئۇلار ئېرىشكەن نەتىجىلەرنى كۆرەلمىگەنلىكىم ئەمەس، سوغۇققانلىق بىلەن ئويلانغىنىم، بىرنى بىر دېگىنىم. ئۇلار ئېرىشكەن مۇكاپاتلارمۇ ئۇيغۇرلارنىڭ يۈزىنى ئۇنچە يورۇق قىلىۋېتەلمەيدۇ. چۈنكى چەت ئەلدە ئۇنداق ئادەم ساماندەك. ھېچكىم مىت قىلىپ قويمايدۇ. پەرزەتلەرنى تەبىئىي پەن مۇتەخەسىسى قىلىش ئاتا-ئانىلارنىڭ پەرزەنتلىرىنى ياخشى كۈن كۆرۈشىنى ئۈمىد قىلغانلىقتىن باشقا ئىش ئەمەس خالاس. بىزنىڭ ياشلىرىمىز چوقۇم كۆپلەپ باشقۇرۇش ئىلمى، مەبلەغ سېلىش ئىلمى قاتارلىق ئىجدىمائىي پەنلەرنىمۇ ئۆگىنىشى كېرەك، شۇنداق ئىختىساس ئىگىلىرى كۆپلەپ مەيدانغا چىقىشى كېرەك. بولمىسا تېخنىكلار ئىشتىن سىرتقى يازغان ماقالىلىرى بىلەن مىللەتنى قۇتقۇزالمايدۇ. قىسقىسى مۇكەممەلىزىم ۋە كىشىلەر قەلبىدىكى قەھرىمان ئوبرازى قوشۇلۇپ ياشلارنى ئادەتتىكى ئىشلارنى قىلىشقا قىزىقماس قىلىپ قويىدۇ. نورمال تۇرمۇشنى تۇرمۇش ئەمەس دەپ قارايدىغان بولۇپ قالدۇق. كېمىدا بۇ مېنىڭ ھېس قىلغىنىم.

مۇكەممەلىزىم بىزنىڭ تارقىتىش ۋاستىلىرىدىكى خاتا ئىدىيىلەر بىلەن قوشۇلۇپ غايەت زور ئىسراپچىلىق ۋە بۇلغۇنۇشنى پەيدا قىلدى. مەسلەن ئېيتايلى، ئۇلار تىرىشىپ بېيىغانلىقتىن يېڭى ئۆيگە كۆچۈپ كىردى، يېڭى تېلىۋزور سېتىۋالدى، يېڭى ماشىنا ئالدى... دېگەندەك كىشىلەرنىڭ مېڭىسىنى يۇيىدىغان خەۋەرلەر قۇلاققا سىڭىپ كەتتى، بۇنىڭ بىلەن كىشىلەر بېيىسىلا خۇددى چوقۇم يېڭى ئۆيگە كۆچۈپ كىرىشى كېرەكتەك، ئۆي جاھازلىرى، تېلىۋزور قاتارلىقلارنى بىرەر قۇر يېڭىلىمىسا بولمايدىغاندەك ھېس قىلدىغان بولۇپ كەتتۇق، رەڭسىز تېلىۋزوردىن رەڭلىككە، 17 دىيۇملۇقتىن 24 دىيۇملۇققا، ئادەتتىكى تېلىۋزوردىن سىفىرلىق تېلىۋزور ھەتتا سۇيۇق كىرىستاللىق نېپىز تېلىۋزورلار بىزنىڭ چوقۇم بولمىسا بولمايدىغان ئىستىمال بۇيۇملىرىمىزغا ئايلاندى، ئەگەر يېڭىلانمىسا كونىلىق، زاماننىڭ كەينىدە قالغان دېدۇق. ئۆزبېكلەر ئەسكى دېگەن سۆزنى كونا دېگەن مەنىدە ئىشلەتسە، بىز يامان دېگەن مەنىدە ئىشلەتتۇق. دېمەك شۇنىڭدىنلا بىزنىڭ كونا نەرسىلەرگە قانچىلىق بىر تەرەپلىمە قارايدىغانلىقىمىزنى كۆرۈۋالغىلى بولىدۇ. تېخىمۇ قىزىقارلىق يېرى شۇكى مۇكەممەلىزىم تۈپەيلى كىشىلەر تۇرمۇشىدا بۇ نەرسىلەر كام بولغان تۇرمۇشنى مۇكەممەل ئەمەس دەپ قارىغاچقا پۈتۈن ئۆمرىدىكى مۇھىم نىشانلىرىنىڭ بىرى قىلىپ بېكىتتى ۋە شۇنىڭ ئۈچۈن كېچە-كۈندۈز يۈرەك قېنىنى سەرپ قىلىشتى. ئەمدى ئۆي جاھازلىرىنىڭ كونىلىقى بىلەن پەخىرلىندىغان ياۋروپالىقلارغا قاراپ باقايلى، ئىشلەتكىنىگە 100 يىلدىن ئاشقان ئۆي جاھازلىرىنى تەۋەرۈك دەپ بىلىپ ئەتىۋارلاپ ئىشىلتىشىدۇ. باھاسى ھەتتا يېڭى ئۆي جاھازىسىدىن قىممەت بولىدۇ. ئۆيلىرىدە سۇيۇق كىرىستاللىق كەڭ ئېكران تېلىۋزور تۇرماق 24 دىيۇملۇق تېلىۋزورلارمۇ خەقنىڭ ئۆيىدە ناھايتى ئاز تېپىلىدۇ. سۈرئىتى ئەڭ تېز، نۇرغۇن ئەڭ نوچى تىپتىكى ماشىنىلار بىردەك ياۋروپاغا سېتىلمايدۇ. نېمىشقا دېسىڭىز شىركەتلەرنىڭ بەرگەن جاۋابى ياۋروپالىقلار سېتىۋالمايدۇ. ئۇلارنىڭ بازىرى جۇڭگودا. كىشىلەرنىڭ بېرىدىغان جاۋابى بولسا مېنىڭچە ياۋروپادا سۈرئەت چەكلىمىسى ناھايتى قاتتىق ئىجرا قىلىندۇ. كېرەك قىلمايدىغان يۇقىرى سۈرئەتلىك ئاپتوموبىل سېتىۋېلىپ پۇلنى بۇزۇپ-چېچىشنىڭ ئەھمىيتى نېمە؟ كېرەك بولمىغان ئادەتتىن تاشقىرى ئىستىمال بىزنىڭ ئىقتىسادىي كۈچىمىزنىلا ئىسراپ قىلىپ قالماي، تەبىئىي بايلىقلارنىڭ ۋە مۇھىتنىڭ بۇزغۇنچىلىقىنى كۈچەيتىۋەتتى.

مۇكەممەلىزىم بىزنىڭ ئۆز مىللىتىمىزگە بولغان غورۇرىمىزنى چىرىتمەكتە، ئۆز-ئۆزىمىزگە بولغان ھۈرمىتىمىزنى سۇسلاشتۇرماقتا. كىشىلەر ھازىر مىللەت بولسا ئۇنداق بولسا مۇنداق بولسا دېيىشىدۇ. مىللەتنىڭ ئىچىدىن بىر نەچچە پاھىشە، بىر نەچچە يانچۇقچى چىقىپ تېلىۋزوردا كەڭ تەشۋىق قىلىنىش ئارقىلىق يۈزىمىز چۈشسە، تەشۋىق قىلغانلاردىن كۆرمەي مىللەتتىن كۆرۈشىدۇ. ئەسكى ئادەم چىققان مىللەتتىن تۇغۇلۇپ قالدىم دەپ ئۇيغۇر بولۇپ قالغىنىغا پۇشايمان قىلىشىدۇ. كۆڭلى كۆتۈرۈشمەيدۇ. ئۆزلىرىنىڭ گېپى بويىچە بولسا باشقىلار ئالدىدا ئۇيغۇر ئىكەنلىكىنى تىلغا ئېلىشتىن نومۇس قىلىشارمىش. باشقىلارنىڭ بىر تەرەپلىمە قارىشىدىن ئەنسىرەرمىش! سېپى ئۆزىدىن پىسخىك ئاجىزلىق! باشقىلارنىڭ ياخشى باھاسىغا، ۋاي دېيىشىگە ئېرىشىش شۇنچە مۇھىممۇ؟ نېمىشقا ئۆزىمىزگە چوقۇم باشقىلارنىڭ نۇقتىسىدا تۇرۇپ باھا بېرىمىز؟ ئۆزىمىزگە توغرا باھا بېرىپ ئاجىز بولغان ئىشەنچىمىزنى ئىززەت-ھۈرمىتىمىزنى ساقلىيالمايمىز؟ ئەمىليەتتە ھەر قانداق مىللەتنىڭ ئەسكى ئادەملىرى بارغۇ؟ ھەتتا كىنولاردا ئەسكىلىكنى قاملاشتۇرۇپ ۋايىغا يەتكۈزۈپ قىلىۋەتكەنلەرنى كۆرۈشۈپ قول قويۇپ كېتىمىزغۇ؟ بىز كېچىكىمىزدىن بىر-بىرىمىزنى قىرغىن قىلىشقا كۆندۈرۈلۈپ كەلدۇق. خاتا بولغان مۇئارىپ كۆز قارىشى ئوقۇغۇچىلارنىڭ ئۆگىنىشكە بولغان قىزىقىشىنى قوزغاشنىڭ ئورنىغا ئۇلارنىڭ ئىززەت-ھۈرمىتىنى چۈشۈرۈشنى ئۇلارنى ئۆگىنىشكە مەجبۇرلاشنىڭ ۋاستىسى قىلىپ ئىشلەتتى. سىنىپتا ھەر مەۋسۈملۈك خۇلاسە يىغىنى ئېچىش، نەتىجىلەرنى ئېگىزدىن پەسكە قارىتىپ تىزىپ كەينىدىكى ئوقۇغۇچىلارغا سەن ئۆگىنىشتە ناچار، سەن يارىماس دېگەن ئىدىيەنى سىڭدۈرۈش ئۇلارنى نابۇد قىلىش بولماي نېمە؟ ياخشى ئۆگىنەلمىگەنلىرى ئاشۇنداق بولۇپ تۈگىشىدۇ، ياخشى ئۆگەنگەنلىرى بولسا، باشقىلارنىڭ ماختىشىدىن ئايرىلىپ قالسا پۈتۈن ئالغا ئىلگىرلەش كۈچىدىن ئايرىلىپ قالىدۇ دە ئۈمىدسىزلىكتىن ۋەيران بولىدۇ. مېھىر-مۇھەببەت، ئۆزئارا ھۈرمەت قىلىشىپ ئىشەنچ تىكلەشنىڭ ئورنىغا سىڭدۈرۈلگەن ناتوغرا ئەھمىيەتسىز رىقابەت تۈپەيلى بۇ پەرزەنتلەرنىڭ كىشىلىك ئادىمىي قەدىر-قىممىتى خاتا تەرەققىي قىلىدۇ، چوڭ بولۇپ خىزمەت ئورنىغا چىققاندىمۇ ئۆگەنگەن خۇيى بويىچە باشقىلاردىن ئېشىپ چۈشۈشنىلا كۆزلەيدۇ. ھەتتا نۇرغۇنلىرى بۇنىڭ ئۈچۈن ۋاستە تاللاپ ئولتۇرۇشمايدۇ، بىر-بىرىگە ھەسەت قىلىش، ئورا كولاش، غەيۋەت قىتىغۇرلۇق قىلىشنىڭ ئەدەپ كېتىش سەۋەبىمۇ موشۇ يەردە. بىزنىڭ پىسخىكىمىز شۇ قەدەر ئاجىزكى باشقىلارنىڭ ئىككى ئېغىز ماختىشىغا گول بولۇپ ئۆزىمىزگە بولغان كونتىروللىقىمىزنى يوقىتىپ باشقىلار نېمە قىل دېسە شۇنى قىلدىغان يەرگە كېلىمىز. مانا بۇ پەرق!

"ھاراقكەش" فىنلاندىيلىكلەر

2009-05-13T19:21:00.006+03:00

بۇ يەردە ھېيت-بايرام بولسا ئادەتتە ئۆيدىن تالاغا چىقمايتتىم. بايراملارنىڭ كۆپىنچىسى مېنىڭ بايرىمىم ئەمەس، ئۇنىڭ ئۈستىگە بىللە تەبرىكلىشىپ بەرگۈدەك يېققىن ئاغىنەممۇ يوق ئىدى. شۇڭا بايراملار ماڭا ھېچقانداق چوڭقۇر تەسىر قالدۇرالمىدى. بىراق ۋاپۇ ئۇنىڭغا ئوخشىمىدى. ۋاپۇ دېگېنى بىزنىڭ 1-ماي خەلقئارا ئەمگەكچىلەر كۈنىمىزكەن. 4-ئاينىڭ 30-كۈنى كەچتىن باشلاپلا پۈتۈن شەھەر بايرام قىياپىتىگە چۆمدى، خىيالىڭىزغا ئالايېشىل كىيىنگەن دۇمباقچىلار، ئەجدىھانى كۆتۈرۈپ كوچا ئايلىنىۋاتقانلار كېلىۋاتامدۇ؟ ياق ئۇنداق ئەمەس ...

ھېكايەمنى ئەتىگەندە ئىشقا ماڭغاندىن باشلاي، ئىشقا كېلىۋاتقاندا شەھەر مەركىزىدىكى مەيداندا نۇرغۇن شەھەر پۇقرالىرى يايما يېيىپ ئۆزى ئىشلىگەن يېمەك-ئىچمەكلەرنى سېتىۋاتقانلىقىنى كۆردۈم، ئىدارىدە چۈش بولغاندا Happy wappu!! We gonna party from 1:30 دەپ خەت كەلدى، ۋاھ، چۈشتىن كېيىن تازا قىزىق ئولتىراش بولىدىغان بولدى، ھەجەپ ياخشى دەپ تاقەتسىزلىك بىلەن ساقلىدىم. چۈشتىن كېيىنمۇ بولدى، كافېيخانىدا بىر مۇنچە ئىدارىدىكى ئاياللارنىڭ چۇقان سۈرەنلىرى ئاڭلاندى، بىراق ئىشخانىدىكىلەر ھېچ ئىش بولمىغاندەك ئۆز ئىشىنى قىلىۋەردى...ھېچكىممۇ ۋاي ئولتىراش بولسا چىقىشمامسەن دەپ ئىزدەپ كىرمىدى، مەنمۇ ئامالسىز ئىشىمنى قىلىپ ئولتاردىم، چۇقان-سۈرەنلەر 2 دىن ئاشقاندا تىنجىپ قالدى. ئەمدى چاي ئالغىلى كوفىخانىغا كىرسەم جوزىدا يوغان بىر سېۋەتتە يېرىم شېكەر سەپكەن قۇيماق، يېنىدا ئىككى بوتۇلكا ئىچىپ يېرىم قالغان مىۋە شەربىتى ۋە بىر مۇنچە سۇلياۋ ئىستىكان تۇراتتى. ھە بايامقى ئولتۇرۇشنىڭ ئىزنالىرىكەندە دېدىم. بىر يوغان پاڭزا سېۋەتنىڭ يېنىدا تۇرۇۋېلىپ ئاشقان قۇيماقلارنى يەۋاتاتتى.. بايىقى ۋاراڭ-چۇرۇڭ قىلىشقانلار ئىشخانىلىرىغا كىرىپ ئۆز ئىشلىرىغا كىرىشىپ كەتكەن ئىدى.
ئىشتىن بالدۇرلا چۈشتۈم، ئىشخانىدىكىلەرنىڭ ئېيتىشىچە بۈگۈن فېنلاندىيەدىكى ھەر قانداق ئادەم ھاراق ئىچىدىكەن، بۇنى ئىشتىن چۈشكەندە بىلدىم. بۇرۇن قەھۋە ساتىدىغان كېچىككىنە دۇكانلارمۇ بۈگۈن كوچىغا جىق جوزىلارنى تىزىپ ھاراق ساتقىلى تۇرۇپتۇ، تېخى كۈپكۈندۈزدىلا پۈتۈن شەھەردىكى قاۋاقلار لىق ئادەم بىلەن تولغانئىدى. يەنە نۇرغۇن ئادەم ئۆچرەت ساقلاپ تۇراتتى. ئورۇنلارنى قېرى مومايلار چۈشتىلا كېلىپ ئىگىلىۋاپتۇ، پىۋىسىنى ئىچكىنىچە يولدىن ئۆتكەن-كەچكەنلەرگە مەغرۇر قاراپ ئولتۇرىشاتتى. بۈگۈن مېنىڭمۇ گېلىم قىتىشىپ ئۆزەم يالغۇز بولساممۇ بىر پوتۇلكا پىۋا ئىچىشنى قارار قىلدىم. يامان يېرى بۈگۈن قاۋاقلارنىڭ سودىسىنى قوغداش ئۈچۈن تاللا بازارلارنى بالدۇرلا تاقىۋېتىپتۇ. ئاغىنەمگە تېلىفون قىلىپ قايسى قاۋاق ياخشى دەپ سوراپ يۈرۈپتىمەن، كېيىن بىر مەزگىل ئۆتكەندە بۇ كېچىككىنە شەھەر پۈتۈنلەي بىر قاۋاققىلا ئايلاندى... كىشىلەر بالدۇرلا يەشىكلەپ پىۋىلارنى ھازىرلاپ قويۇپتۇ ئەمەسمۇ، دەريا بويىدىكى چىملىق پىۋا ئىچىشىۋاتقان ياش بالىلارغا لىق تولدى، بۇ خۇددى كىشىگە يۇرتتىكى قالايمىقان تەنتەربىيە مۇسابىقە كۈنلىرىنى ئەسلىتەتتى. كوچىلاردا ئاق شەپكە كىيگەن قىز-يىگىتلەر قوللىرىغا پىۋىلارنى كۆتۈرۈشۈپ ئۇياق بۇياق ماڭاتتى، كۆپىنچىسى ئاللىبۇرۇن مەس بوپ كېتىشكەن، قالايمىقان ۋارقىرىشىپ ناخشا ئېيتىشاتتى، كوچىلار بوتۇلكىلار بىلەن تولۇپ كەتتى، قارىماققا بۇلار بىر يىلدىن بۇيان ئىچىگە يىغىلىپ قالغان ئەسەبىيلىكلىرىنى بىر يولىلا چىقىرىپ تاشلىماقچى بولغاندەك قىلاتتى...بىراق بىر غەلىتە يېرى شۇكى ھېچكىم ئاغزىنى بۇزۇپ تىللاشمايتتى ھەم ئۇرۇشقان كىيىم-كېچەكلىرى توپىغا مىلەنگەن ھېچكىمنى كۆرگىلى بولمايتتى...
مەنمۇ شۇ مەنزىرىلەرنى تاماشا قىلغاچ بىر كوچىنى بويلاپ كېتىۋاتاتتىم، ئالدى تەرەپتىن قوللىرىغا بوتۇلكا كۆتۈرىشىۋالغان يېرىم يالىڭاچ ئىككى مەس قىز بىر-بىرىنى يۆلىشىپ چىقىپ قالدى، ئارىدىن بىرى ماڭا "موي!" دەپ ۋاقىردى، مەنمۇ موي دەپ جاۋاپ قايتۇردۇم، "مىكا ھۈۋە ۋۇتتا ھىچچا مىيو مىيو..%!$#%@" مەن فېنچە ئۇقمايمەن دېدىم، ئۇ ئەمدى ئېنگىلىزچە سۆزلەشكە باشلىدى، ئىچىمدە جىددىيلىشىپ تۇراتتىم، بەلكىم بۇنداق ئىشنى يۇرتتا مەڭگۈ ئۇچراتمىسەم كېرەك. ئۇ ماڭا "بۈگۈن دېگەن ۋاپۇ!! بۈگۈن ھەممە كىشى خوشال بولدىغان كۈن!!!" دېدى، مەن توغرا، دېدىمدە خەپپىي ۋاپۇ! دەپ سول قولۇمنى ئېگىز كۆتۈردۈم، ئۇلارمۇ ئىككىلىسى تەڭلا خەپپىي ۋاپۇ دەپ قوللىرىنى كۆتۈرۈشتى... مەن شۇ چاغدا غىپپىدىلا يان كوچىغا قاراپ بۇرۇلدۇم...

رەسىمدىكىسى مەن ئېيتقان دەريا بويىدىكى چىملىقتا يىغىلىپ ھاراق ئىچىشىۋاتقان ياشلار

ئېرى بىلەن ۋاپۇنى خوشال ئۆتكۈزۈپ، قولىغا كېچىك بالىدەك شارنى قۇچاقلىغىنىچە ئۆيىگە قايتقان 40 نەچچە ياشلار چامىسىدىكى ئايال

بەرقىي مۇنبىرىدە بىرەيلەننىڭ ئېيتىپ بېرىشىچە بۇ ئەسلىدە فىنلاندىيەلىكلەرنىڭ (بارلىق خرىستىيانلار، كاتولىكلەر، ئورتودوكس خرىستىيانلارنىڭ) دىنىي بايرىمى ئىكەن. بۇ بايرامنىڭ بىزچە ئىسمى: «نان، ھاراق شاراپ مۇراسىمى»، ئىنگلىزچە: Eucharistic Prayer. بۇ يەردە «نان» (bread)دېگەندە ئەيسانىڭ گۆشى ، شاراپ دېگەندە ئەيسانىڭ قېنى (blood) كۆزدە تۇتۇلىدۇ. ئۇلارنىڭ بۇ دىنىي مۇراسىمىنىڭ مىڭ ئالتە يۈز يىلغا يېقىن تارىخى بار. بۇ بايرام ياكى مۇراسىم خرىستىيان (the Evangelical Lutheran Church ) ۋە كاتولىكلەردە مۇھىم دىنىي بايراملاردىن بىرى بولۇپ ھېساپلىنىدۇ. ئۇلار بۇ كۈنى ھاراق ئىچىپ مەست بولغىنىنى ئىبادەت دەپ بىلىدۇ. ھېلىمۇ ئۇ كۈنىسى ھاراق ئىچمەپتىمەن، بولمىسا ئەيسانىڭ قېنىنى ئىچكەن بولاركەنمەن.

The Anaphora is the most solemn part of the Divine liturgy, Mass, or other Christian Communion rite where the offerings of bread and wine are consecrated as the body and blood of Christ. This is the usual name for this part of the Liturgy in Eastern Christianity, but it is more often called the Eucharistic Prayer. When the Roman Rite had a single Eucharistic Prayer or Anaphora, it was called the Canon of the Mass.
Other parts of an anaphora include (not always in the same order) the priest's pronouncing, within the framework of a short account of the Last Supper, the words of Jesus Christ who changed the bread and wine into his body and blood (the "Words of Institution"); the Anamnesis, a remembrance of Christ of the mysteries of his death, resurrection and ascension; the Oblation, an expression of offering of the sacrifice of Christ, usually tied with the offerings of the congregation; the Epiclesis, asking God the Father to send the Holy Spirit for the consecration of the bread and wine and for the sanctification of those who will receive them; the Intercessions or Diptychs, praying for the living and the dead, and also expressing communion with the chief pastors of the Church on earth and the saints in heaven; and a concluding doxology.

پىئانىنو ۋە كىنو

2009-05-06T21:23:00.002+03:00

پىئانىستلار بىلەن پروگىراممېرلار بىر نۇقتىدا ئوخشىشىدۇ، ھەممىسى كونۇپكا تاختىسىنى چالىدۇ، پىئانىستلار پىئانىنونىڭ كونۇپكا تاختىسىنى چېلىپ ئۆز ھېسسىياتلىرىنى ئىپادىلەيدۇ، پروگىراممېرلار بولسا، كومپىيۇتېرنىڭ كونۇپكا تاختىسى بىلەن كىشىلىك دۇنيادىكى ھەقىقەتلەرنىلا ئىپادىلىيەلەيدۇ، كومپىيۇتېرنىڭ كونۇپكا تاختىسىدىن ئۆز ھېسسىياتلىرىنى ئىپادىلەيدىغان مۇزىكا چالغىلى بولمايدۇ، بىز ئۆز ھېسسىياتىمىزنى ئىپادىلەش ئۈچۈن ئاغزىمىزغا ياكى قەلەمگە تايىنىشىمىز كېرەك.

نېمىشقىكىن پىئانىنونى بەك ياخشى كۆرۈپ قالدىم. بەلكىم خىزمەتكە چىققاندىن كېيىن كىشى ئۆمرىدە قىلالايدىغان ئىشلارنىڭ ئەمىليەتتە ناھايتى چەكلىك ئىكەنلىكىنى ھېس قىلغانلىقىمدىن بولسا كېرەك. كۆڭلۈمدىكى ھېسسىياتلىرىمنى پىئانىنو ئارقىلىق ئىپادىلمەكچىدۇرمەن. پىئانىنونى ياخشى كۆرىمەن دېگىنىم بىلەن ئۇنى ئۆگىنىشكىمۇ ۋاقىت چىقىرالمايمەن. ئۇنى پىنسىيەگە چىققاندىن كېيىن ئۆگىنىشكە ئېلىپ قويدۇم. ئەمىليەتتە ياخشى كۆرىمەن گەپنى قىلىشقا لايىق ئەمەسمەن، چۈنكى كىشىلەر ئادەتتە بىر نەرسىنى ياخشى كۆرىمەن دېگەن سۆز ئارقىلىق ئۆزىنىڭ شۇ كەسپنىڭ ئەھلى ئىكەنلىكىدىن بىشارەت بېرىدىغان بولۇپ كەتتى. مەن بولسام ئاسانلا پىئانىنونى ياخشى كۆرىمەن، پۇتبولنى ياخشى كۆرىمەن دەپ ئاغزىمغا كەلگەننى دەۋېرىمەن، ئەمىليەتتە داڭلىق پىئانىستلارنى ساناپ بېقىڭ دېسە، بېتخوۋىن بىلەن موزاتتىن نېرىغا ئانچە ئۆتەلمەيمەن.
مەن ئەسلىدە پىئانىنونى تېما قىلىپ ئىشلەنگەن كىنولارنى ياخشى كۆرىمەن دېسەم بولىدۇ، چۈنكى موشۇ كەمگىچە شۇنداق كىنولارنى ئەڭ كۆپ كۆرگەن كىشى بولسام كېرەك. تۆۋەندە بۇ كىنولارنى تونۇشتۇراي...
ئالدىدىكى ئۈچ كىنو ياخشى، تەۋسىيە قىلىمەن، كېيىنكى ئىككىسى مۇناسىۋەتلىك بولغاچقا تىزىپ قويدۇم.

1. دېڭىزدىكى پىئانىست
The Legend of 1900(1998)
海上钢琴师

From Drop Box

1900 يىلى ئاتلانتىك ئوكياننى كېسىپ ئۆتىۋاتقان پاراخوتتا بىر بوۋاق تۇغۇلىدۇ ھەم تاشلىۋېتىلدۇ. كېيىن بۇ بوۋاق دېڭىزدىكى بىر قارا تەنلىك ئىشچى تەرىپىدىن بېقىۋېلىنىپ، پۈتۈن ئۆمرىدە پاراخوتتىن چۈشۈپ باقمايدۇ. ئۇ كېچىكىدىن پىئانىنوغا ھەۋەس قىلغاچقا كېمىدە پىئانىستلىق قىلىپ كۈن كەچۈرىدۇ، داڭقى كەڭ تارقىلىدۇ، بىر كۈنلەردە ئۆزىنى جاز مۇزىكىسىنىڭ ئۇستازى دەۋالغان بىرى بۇ كىشىگە جەڭ ئېلان قىلىدۇ... بۇ كىشىنىڭ ئىسمى 1900...
2. پىئانىست
The Pianist(2002)
钢琴家

From Drop Box

پولشالىق يەھۇدىي پىئانىست ئەسلىدە دۆلەتلىك رادىئو ئىستانسىسىدا پىئانىنو چالاتتى، فاشىستلار باستۇرۇپ كەلگەندىن كېيىن ئۇ ئامالسىز پىئانىنونى سېتىۋېتىشكە مەجبۇر بولىدۇ، ئۇلار ھەممىسى ئەتراپى قورشالغان ئالاھىدە رايونغا ئەۋەتىلدۇ، كىشىلەر پويىزلاردا يىراق-يىراقلارغا توشۇلاتتى، بىراق ھېچكىم قايتىپ كەلمەيتتى، ئاخىرى سوۋىتلار ئۇنى خارابىلىككە ئايلانغان ئۆينىڭ تورۇسىغا مۆكۈۋالغان يېرىدىن تاپقاندا سوغۇققا چىدىيالماي فاشىستلارنىڭ پەلتوسىنى كىيىۋالغانلىقىنى كۆرۈپ ئېتىۋەتكىلى قىل قالىدۇ...
3. يالغۇز پىئانىست ئىتالىيە
Piano, solo(1995) Italy
寂寞钢琴师

From Drop Box

ئۇ ئەسلىدە ئائىلىسىدىكىلەر بىلەن ئافرىقىدا چوڭ بولغان، ئۇ چاغلاردا دادىسى ئافرىقىدا ئىشلەيتتى، بىر چىقىپ كەتسە ئايلاپ قايتىپ كەلمەيتتى، بۇنداق چاغلاردا ئۇ تولىمۇ يالغۇزلۇق ھېس قىلاتتى، كۆپ ۋاقىتلىرىنى ئاپىسى بىلەن پىئانىنو چېلىشنى ئۆگىنىپ ئۆتكۈزەتتى، بىر قېتىملىق قاتناش ھادىسىسدە ئانىسى تۈگەپ كېتىدۇ، ئۇنىڭ كېچىككىنە قەلبىنە مەن ئانامنى ئۆلۈشىگە سەۋەبچى بولدۇم دېگەندىن باشقا ھېچنىمە قالمايدۇ...
كېين ئۇ ئىتالىيەگە قايتىپ پىئانىنو چېلىپ داڭق چىقىرىدۇ، چىرايلىق قىز دوست تاپىدۇ، بىراق يېققىن ھەمراھىنىڭ ئۆزىنى ئۆلتۈرۋېلىشى تۈپەيلىدىن كېچىكىدىكى جاراھىتى قايتا قوزغىلىدۇ، ئۇ نۇرغۇن مەزگىلنى ئۆزىنىڭ پىسخىك كېسىلى بىلەن قارشىلىشىپ ئۆتكۈزىدۇ، ئاخىرى ھاياتىنى تاماملاشنى تاللايدۇ...
http://www.tom365.com/movie_2004/html/6533.html
4. پىئانىنو دەرسى
The Piano (1993)
钢琴课

From Drop Box

بۇ پىئانىنو ئوقۇتقۇچىسى ئەسلىدە ئوقۇتقۇچى ئەمەس، ئۇ قانداقتۇ بەلكىم پۇلنى دەپ بىر يەر ئىگىسىگە ئۆيلىندۇ، ئۇنىڭ ئېرى پىئانىنوغا پەقەتلا قىزىقمايتتى، يەنە كېلىپ يارىماس ئىدى، ئۇزاق مەزگىل زېرىكىشلىك تۇرمۇش ئاخىرى بۇ ئايال بىلەن خوشنىسىنىڭ ئارىسىدا مۇھەببەت پەيدا بولۇشىغا سەۋەب بولۇپ قالىدۇ...
5. پىئانىنو ئوقۇتقۇچىسى
The Piano Teacher (2001) France
钢琴老师

From Drop Box

فىرانسىيلىك داڭلىق پىئانىست ئايال ئەسلىدە بىر پۇتبول ئەتىرتىنىڭ قاۋۇل ئەزاسىغا پىئانىنو دەرس بېرەتتى، باشتا بۇ يىگىت ئۆزىنى باسالماي بۇ ئايالغا چاخچاق قىلىدۇ، لېكىن بۇ ئايالنىڭ پىسخىك كېسىلى بار ئىدى، ئۇ باشقىلار تەرىپىدىن خورلىنىشنى بەك تېتىپ باققۇسى بار ئىدى، ئاخىرىدا ئۆزى ئۈمىد قىلغان خورلۇققا ئېرىشكەندىن كېيىن بولسا ئازاپقا چىدىماي ئۆزىنى ئۆلتۈرىۋالىدۇ.

Nokia يانفونلىرىنىڭ قاتتىق ۋە يۇمشاق فورماتلاش كودى

2009-05-05T20:22:00.002+03:00

Nokia پەچەت جۇمۇ، ھې ھې... بۈگۈن يېڭى بىر ھۈنەرنى ئۆگىنىۋالدىم.
نەچچە كۈندىن fontrouter نىڭ كودى بىلەن ئېتىشىپ، ئاخىرى يۈز بەردى، نوكىيا E71 سۆيۈملۈك يانفونۇم قوزغالماسلا بولدى، pc suite مۇ تونۇماسلا بولدى توردىن ئىزدىسەم بىر جايلاردا مەخسۇس قورال بىلەن سېستىمىنى قايتىدىن ئورنىتىش كېرەك دەپتۇ، ئۇ قورالنى مىڭ قىلىپمۇ چۈشۈرەلمەي تازا جىلە بولۇپ تۇرغاندا بىر يەردىن بۇ ئۇسۇلنى ئۆگىنىۋالدىم.
قاتتىق فورماتلاش: "*" ، "3" ۋە تېلىفون ئۇرۇش كونۇپكىسىنى بېسىپ تۇرۇپ، دىققەت ھەرگىز قويۇۋەتمەڭ، يانفوننى قوزغىتىڭ، كۆك رەڭلىك Nokia دېگەن خەت كۆرۈنگىچە، بىر مىنۇتقىمۇ قالماي، يانفونىڭىزنىڭ ئىچكى ساقلىغۇچىغا ئورنىتىلغان ھەممە نەرسە تازلىنىپ، سېستىمىڭىز زاۋۇتتىن چىققان ھالەتكە كېلىدىكەن. شۇنداق قىلىپ ئوڭشىلىپ قالدى.
يۇمشاق فورماتلاش: بۇ ئۇسۇلنى ئىشىلتىش ئۈچۈن يانفون چوقۇم ئاۋال قوزغىتىلىشى كېرەك.

*#7370#

يۇقارقى كودنى كىرگۈزۈڭ. سىزدىن مەخپىي نومۇرنى سورايدۇ، دەسلەپكى مەخپىي نومۇرى 12345. نەتىجىسى يۇقارقى ئۇسۇل بىلەن ئوخشاش.

blogger دا widget نى مەلۇم بەتتە ياكى باش بەتتىلا كۆرۈندىغان قىلىش

2009-04-19T14:32:00.006+03:00

بۇ تېمىدا ئۇلانمىلار، گۇگېل ئېلان دېگەندەك بىلوگېر ئېلىمېنتلىرىنى قانداق قىلىپ باش بەتتىلا ياكى تارماق تېمىلاردىلا كۆرۈندىغان قىلىش چۈشەندۈرۈلدى.

ئادەتتە مەسلەن ئۇلانمىلار، ئارخىپ، ئەدسېنس، سۈرەت دېگەندەك بىلوگ ئېلىمېنتلىرى بىلوگېرنىڭ ھەر بىر بېتىدە كۆرۈندۇ. قانداق قىلىپ بەزى يان تەرەپتىكى ھەر بىر بەتتە كۆرۈنۈشى ھاجەتسىز ئېلىمېنتلارنى پەقەت باش بەتتىلا كۆرۈندىغان قىلىپ تەڭشىگىلى بولىدۇ، ياكى بەزى ئېلىمېنتلارنى پەقەت تارماق بەتلەردىلا ياكى ھەتتا پەقەت مۇقىم بىر بەتتىلا كۆرۈندىغان قىلىپ تەڭشىگىلى بولىدۇ، ئەگەر سىز شۇنداق قىلماقچى بولسىڭىز تۆۋەندىكىگە قۇلاق سېلىڭ.

بىلوگېر باش بەتتىلا كۆرۈندىغان ئېلىمېنتلار:

ئادەتتىكىگە ئوخشاش يېڭى ئېلىمېنت قوشماقچى بولسىڭىز بىلوگىڭىزنىڭ ئارقا سۇپىسىغا كىرىپ، dashboard » Layout » Add a Gadget دېگەننى تاللاپ، ئۆزىڭىز قوشماقچى بولغان ئېلىمېنتنى قوشۇپ ساقلاڭ.

ئىككىنجى قەدەمدە بىز ئۇسلۇب ئېلىمېنتنىڭ ئىچىگە ئازراق كودنى قوشۇشىمىزغا توغرا كېلىدۇ. شۇنىڭ بىلەن ئۇ پەقەت باش بەتتىلا كۆرۈندۇ. html تەھرىرلەش ھالىتىگە كىرىپ 'Expand Widget Templates' دېگەننى چېكىپ، پۈتۈن كودنى كۆرسىتىغان قىلىڭ.

دىققەت: ئادەتتە ئېلىمېنتنىڭ كودى مۇنداق باشلىندۇ...


<b:widget id=

مەسلەن خەتكۈچ ئېلىمېنتىنىڭ كودى مۇنداق بولىدۇ.


<b:widget id='Label1' locked='false' title='Title' type='Label'>

html نىڭ بولسا مۇنداق:


<b:widget id='HTML1' locked='false' title='' type='HTML'>

ئۇلانمىلارنىڭ مۇنداق:


<b:widget id='LinkList2' locked='false' title='Title' type='LinkList'>

(ئەگەر سىز ھەر بىر ئېلىمېنتنىڭ كودىنىڭ قانداق بولدىغانلىقىنى ئېنىق بىلمەكچى بولسىڭىز، پەقەت جاھاننامىدە بىلوگىڭىزنى ئېچىپ، ئۇنىڭ كودىنى كۆرسىتىپ، ئىچىدىن ئىزدىسىڭىزلا بولىدۇ.
Firefox : View » Page Source
In IE : View » Source )

widget id نىڭ ئاستىدا يەنە بىر b:includable نىڭ بارلىقىنى كۆرىسىز..


<b:includable id='main'>

بۇ چاغدا ئىشلار ئاساسەن تاماملانغان بولىدۇ، پەقەت بىزنىڭ ئازراق كودنى b:includable نىڭ ئاستىغا كۆچۈرۈپ چاپلىشىمىزلا كېرەك بولىدۇ.

مانا بۇ كود:


<b:if cond='data:blog.url == data:blog.homepageUrl'>

ئاخىرىدا ئۇنى بۇ كود b:if بىلەن ياپىمىز.
مانا مۇنداق:


</b:if>
</b:includable>

ئەڭ ئاخىرىدا تۆۋەندىكى سۈرەتكە ئوخشاپراق كېتىدىغان بىر نەرسە پۈتۈپ چىقىدۇ.

ئىش پۈتتى! ساقلاشنى ئۇنتۇپ قالماڭ.
ئەمدى سىز بەلگىلىگەن ئېلىمېنت پەقەت باش بەتتىلا كۆرۈنىدۇ.

تارماق بەتلەردىلا يەنى باش بەتتىن باشقا بەتلەردىلا كۆرۈنىدىغان قىلىش ئۈچۈن يۇقارقى ئوخشاش ئۇسۇلدا بۇنىڭ ئورنىغا


<b:if cond='data:blog.url == data:blog.homepageUrl'>

تۆۋەندىكى كودنى ئىشىلتىڭ:


<b:if cond='data:blog.pageType == "item"'>

ئېلىمېنتنى پەقەت ئالاھىدە بىر تېما ئادرىسىدىلا كۆرۈندىغان قىلىش:

ئۇنىڭ ئۈچۈن باش بەتتە كۆرۈندىغان قىلىشقا ئىشلەتكەن تۆۋەندىكى كودنىڭ ئورنىغا:


<b:if cond='data:blog.url == data:blog.homepageUrl'>

مانا بۇ كودنى ئىشىلتىڭ:
Blog Post URL نى سىز كۆرسەتمەكچى بولغان بەتنىڭ ئادرىسىنى تولدۇرۇپ قويسىڭىزلا بولىدۇ.


<b:if cond='data:blog.url == "Blog Post  URL"'>

بارلىق تېمىلار

2009-04-19T13:59:00.003+03:00

blogger دا بارلىق تېمىلارنىڭ مۇندەرىجىسىنى بىر تېمىدا يىغىنچاق قىلىپ كۆرۈندىغان قىلغىلى بولىدۇ. بۇنىڭ ئۈچۈن ئىككى باسقۇچنى ئورۇنداش كېرەك.

1. ماۋۇ كودنى چۈشۈرۈپ، ئۇ ئارقىلىق بىلوگىڭىزغا يېڭى html/JavaScript خىلىدىكى Widget تىن بىرنى قوشۇڭ. ئۇنى ئەڭ ياخشىسى تېما كۆرۈندىغان جاينىڭ ئۈستىگە قوشۇڭ. شۇنداق قىلسىڭىز بىلوگىڭىزدىكى تېمىلارنىڭ تىزىملىكى ھەر بىر بەتتىكى تېمىنىڭ ئۈستىدە ھەم باش بەتتىمۇ كۆرۈندىغان بولىدۇ.
2. ئەمدى بىر ئامال قىلىپ بۇ مۇندەرىجىنى پەقەت بىر ئالاھىدە تېمىنىڭ ئۈستىدىلا كۆرۈندىغان قىلىمىز.
يېڭى تېمىدىن بىرنى يېزىڭ. ماۋزۇسىنى مۇندەرىجە دەمسىز، بارلىق تېمىلار دەمسىز بىر نەرسە دەڭ. ئاندىن ئۇ تېمىنىڭ ئادرىسىنى ساقلىۋېلىڭ.
3. قانداق قىلىپ مەلۇم widget نى مەلۇم بەتتىلا ياكى باش بەتتىلا كۆرۈندىغان قىلغىلى بولىدۇ دېگەن تېمىدا چۈشەندۈرۈلگىنى بويىچە ئۇنى پەقەت ئاشۇ تېمىدىلا كۆرۈندىغان قىلىپ ئۆزگەرتىۋېلىڭ.

يانفون كىنولىرىنى ۋە كىنو قويغۇچنى چۈشۈرۈۋېلىڭ

2009-04-18T20:19:00.008+03:00

Step Up 2
舞出我人生2
شوخ-شوخ دەسسە 2

«شوخ-شوخ دەسسە» نىڭ بىرىنجى بۆلۈمى 2006-يىلى 10مىليونلۇق ئەرزان مەبلەغ بىلەن 100مىليونلۇق بېلەت كىرىمى يارىتىپ كىشىلەرنى ھاڭ-تاڭ قالدۇرغان. قىزغىن مۇزىكا ۋە زامانىۋى كوچا ئۇسۇلى نۇرغۇن مۇزىكا ھەم ئۇسسۇل مەستانىلىرىنى ئۆزىگە جەلىپ قىلغان ئىدى. 2-بۆلۈمى ئەسلىدىكى ھېكايىنى پۈتۈنلەي باشقىچە يېڭىلاپ، يېڭىچە تۈستە تاماشىبىنلار بىلەن يۈز كۆرۈشتى. قېنى قۇرۇق گەپنى قويۇپ، چۈشۈرۈش ئادرىسى.
بۇ يەردىن چۈشۈرۈلگەن فىلىم يانفوندا كۆرۈشكە ماس كېلىدۇ. چۈشۈرۈش ئۈچۈن مەخسۇس دېتال ئورنىتىش كېرەك بولىدۇ.

Kiefer Sutherland ئۆزىنىڭ 24 سائەتتىكى ئالاھىدە ئىپادىسىگە تايىنىپ ئېيمىي، ئالتۇن يەرشارى ۋە SAG مۇكاپاتىغا ئېرىشتى.ئۇ ئىشلىگەن فىلىملەردىن يەنە "Phone Booth," "To End All Wars," "Dark City," "Truth or Consequences, N.M." (ئۆزى رېژىستسورلۇق قىلغان.), "Eye for an Eye," "A Time to Kill," "The Three Musketeers," "A Few Good Men" "The Vanishing" "The Lost Boys" "Young Guns" ۋە "Stand By Me" .
Sutherland نىڭ نام شۆھرىتى ئۇنىڭ ئەڭ ياخشى باھاغا ئېرىشكەن "A Soldier's Sweetheart" ۋە "Last Light" لار ئارقىلىق تونۇلغان. ئۇنىڭ ئىچىدە Last Light تېخى ئۇ تۇنجى رېژىستسورلۇق قىلغان فىلىم ئىدى.

24 سائەتنىڭ 7-بۆلۈمىنىڭ كىنو نەشىرى. قۇتۇلدۇرۇش 1-بۆلۈمنى چۈشۈرۈڭ.

24 سائەتنىڭ 7-بۆلۈمىنىڭ كىنو نەشىرى. قۇتۇلدۇرۇش 2-بۆلۈمنى چۈشۈرۈڭ.

24 سائەت فىلىمىنىڭ 7-بۆلۈمى، يانفون نۇسخىسى

[24 سائەت فىلىمىنىڭ 7-بۆلۈمى].24.S07E01.08AM.TO.09AM.720p.HDTV.x264-DIMENSION.mp4

[24 سائەت فىلىمىنىڭ 7-بۆلۈمى].24.S07E02.09AM.TO.10AM.720p.HDTV.x264-DIMENSION.mp4

[24 سائەت فىلىمىنىڭ 7-بۆلۈمى].24.S07E03.10AM.TO.11AM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E04.11AM.TO.12PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E05.12PM.TO.01PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E06.01PM.TO.02PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E07.02PM.TO.03PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E08.03PM.TO.04PM.720p.HDTV.x264-DIMENSION.mp4

[24 سائەت فىلىمىنىڭ 7-بۆلۈمى].24.S07E09.04PM.TO.05PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E10.05PM.TO.06PM.720p.HDTV.X264-DIMENSION.mp4

[24 سائەت فىلىمىنىڭ 7-بۆلۈمى].24.S07E11.06PM.TO.07PM.720p.HDTV.x264-DIMENSION.mp4

بۇ فىلىملەرنى قويۇش ئۈچۈن نۆۋەتتىكى ئەڭ ياخشى يانفون كىنو قويغۇچ CorePlayer نى چۈشۈرىۋېلىڭ.
بۇ قويغۇچنى ئورناتقاندىن كېيىن يانفونىڭىزدا ياخشى كۆرىدىغان كىنونى كۆرەلمەي قېلىشتىن ئەنسىرىمىسىڭىزمۇ بولىدۇ.

قوللايدىغان ئاۋاز شەكىللىرى:
MP3, AAC, MKA, WMA, WAV, OGG, Speex, WAVPACK, FLAC, MPC, AMR, ADPCM, ALaw, MuLaw, Midi
سىن فورماتلىرى:
H.264 (AVC), MKV, MPEG-1, MPEG-4 part 2 (ASP), DivX, XviD, MJPEG
Containers: Matroska, TS, PS, 3GPP, MOV, AVI, MPEG-4, NSV

English Product Description:for pda365.com

CorePlayer™ Mobile and Pro are at the center of the CoreCodec™ Universe for manipulating multimedia content on your desktop, mobile phone, portable media player, PDA, GPS, or convergence device. CorePlayer is designed to be a next-generation multimedia platform that will extend upon what you thought were limits in playing back fluid multimedia, with its simple yet extremely powerful interface and features that is designed to empower the CoreCodec Community.

See why companies like Joost, SanDisk, DivX, NeoNode, Elgato and more are using CoreCodec technology and why the Chicago Suntimes times says that CorePlayer, "actually has a user interface designed with bipeds in mind."

Technology Overview
Built-In YouTube Support
Flash/FLV Container Support
Bluetooth ready!* (A2DP and AVRCP)
Support for over 15 Languages (30+ more coming soon!)
Podcast, Enhanced Podcast, CoreCaster Ready
GPU: Intel 2700g, ATI Imageon, QTv (Limited Support), Marvell Monahan Processors (more coming soon!)
Operating System: Symbian (all), CE 3+4, CE Embedded 5+6, Windows Mobile/Smartphone (5.x - 6.x), Palm, Windows (NT 4.0 - Vista), OS X, and Linux (OEM only)
CPU: x86 (32bit and 64bit), Intel, Altivec/PowerPC, ARM9, ARM11, MIPS
CoreUI 'Universal skins' Widget. Allows you to create a unique custom user interface exactly how you want it!
Best in Class audio and video codecs like CoreAVC our High Definition H.264 video decoder
CoreTheque media library allows for easy management of your playlists and bookmarks
Audio Formats:
MP3, MP2, AAC, MKA, WMA, Midi*, WAV, OGG, Speex, WAVPACK, TTA, FLAC, MPC, AMR, ADPCM, ALaw, MuLaw, G.729, GSM

Video Formats:
H.264 (AVC), AVCHD, MKV, MPEG-1, MPEG-4 part 2 (ASP), DivX, XviD, WMV*, Theora*, Dirac*, MJPEG, MSVIDEO1

Image Formats:
JPEG (420, 422, 440, EXIF Headers)*, BMP, GIF, PNG, TIFF, MJPEG

Container Formats:
Flash/FLV, Matroska, ASF, ASX, AVI, PS, M2TS, TS, 3GPP, MOV, MPEG-4, OGM, NSV*

Streaming Formats:
HTTP, UDP, UDP Unicast, RDP, RTP. RTSP, RTCP (keep alive), ASX, ASF, Multicast, HTTP Tunneling

Additional Features:
Google Data, Benchmarking, Integrated Pocket IE/IE Support, SMB Browsin, FTP*, ICMP*, UPNP*

يانفوننىڭ نەشىرىنى كۆتۈرۈش

windows media player 11 تەكشۈرۈشتىن ئۆتكۈزۈش

2009-04-18T12:49:00.003+03:00

مۇزىكا قويغۇچلارنىڭ ئىچىدە يەنىلا windows media player نى ياخشى كۆرىمەن. چۈنكى ئۇنىڭ ئۈن-سىن ئامبىرى ئىقتىدارى ناھايتى كۈچلۈك. ئۆتكەندە بىر ياماق كېلىپ، يېڭى نەشىردىكى قويغۇچنى ئورنىتىمەن دېگەنتى، ماقۇل دەپلا ئورنىتىۋېتىپتىمەن. بىراق ئورنىتىپ بولغاندىن كېيىن windows نىڭ ئوغىرلانغان نەشىرى ئىكەنلىكىنى ئېنىقلايمەن دەپ تۇرۇۋالدى. توردىن ئىزدەپ بۇنى ھەل قىلىش چارىسىنى تاپتىم. تۆۋەندىكى بولاقنى چۈشۈرۈپ يېشىپ ئىجرا قىلىۋەتكەندىن كېيىن windows media player نى خاتىرجەم قوزغىتىپ ئىشىلتىۋېرىڭ. شۇنچىلىك ئاددىي. بۇ سېستىمىڭىزنىڭ نومۇرىنى قانۇنلۇق نومۇرغا ئۆزگەرتىپ قويىدىكەن. شۇنىڭ بىلەن ھېچكىم ئېنىقلىيالماي قالىدۇ.

فىنلاندىيەدە كىتابخانىغا بېرىشتىن تەسرات

2009-04-14T21:08:00.001+03:00

فېنلاندىيەگە كېلىپ خىزمەت قىلغىلى ئۈچ ئاي بولا-بولمايلا فېنلاندىيە كىملىكىنى بېجىرىشكە ئالدىرىدىم. مەقسىتىم باشقا ئەمەس، بۇ مۇز قاپاق خەقلەرنىڭ ئارىسىدا تۈزۈكرەك مۇڭداشقۇدەك بىر كىشى تاپالماي ئىچىم بەك سىقىلىپ كەتكەنئىدى. خىزمەتتىن چۈشكەن ۋاقتلىرىمنىڭ كۆپىنچىسىنى سەلكىن، بىلىك، بەرقى قاتارلىق مۇنبەرلەرنى ئارىلاپ ئۆتكۈزەتتىم. شۇ يەرلەردە گەپلىشىپ، باشقىلارنىڭ يازمىلىرىنى ئوقۇسام ئۆزەمنى خۇددى شىنجاڭنىڭ بىر يەرلىرىنى كېزىۋاتقاندەك ھېس قىلىپ ئىچىم بوشاپ قالاتتى. كىملىك بىجىرىشتىكى مەقسىتىم بىرسىدىن فېنلاندىيەدە كىملىك بولسىلا ھەر قانداق كىتابخانىدىن ھەقسىز كىتاب ئارىيەت ئالغىلى بولىدۇ دەپ ئاڭلىغان. شۇڭا تېزرەك كىملىك بىجىرۋېلىپ بوش ۋاقىتلىرىمدا كۆپرەك كىتاب كۆرۈۋالاي دەپ ئالدىرايتتىم.

كىملىك بىجىرىش جەريانى توغىرلىق قىسقىچە توختىلاي. ماڭا تەسىر قىلغان بىرىنجى ئىشى ھۆكۆمەت ئورگانلىرىنىڭ قولايلىقلىشىشى ئىدى. مەن خىزمەت مۇناسىۋىتى بىلەن يېقىندا كۈندە خېلسىنكى شەھىرىگە قاتناپ ئىشلەۋاتقان ئىدىم. شىركەت ئورۇنلاشتۇرغان ياتاق تەمپېرا شەھىرىدە بولۇپ، ئىككىسىنىڭ ئارلىقى ماشىنىدا 2 سائەت كېلەتتى. ئۇ چاغ بىر دۈيشەنبە كۈنى بولۇپ، شىركەتنىڭ خېلسىنكىدىكى تارمىقىدىكى كاتىپىنى ئىزدەپ باردىم. ئۇ باشتا ماڭا سەن تەمپېرادا تۇرۇۋاتقان بولغاندىكىن تەمپېرادا بېجىرىشىڭ كېرەك. مەن تەمپېرادىكى ئادرىسىنى دەپ بېرەي دېدى. مەن بۇ ھەپتە جۈمە كۈنگىچە موشۇ يەردە ئىشلەيدىغانلىقىمنى تەمپېراغا قايتىپ بېجىرسەم بۇ ئىشنىڭ كەينىگە سۈرۈلۈپ كېتىدىغانلىقىنى چۈشەندۈرۈپ تۇرۇۋالدىم. ئۇ توختا ئەمىسە مەن تېلىفون قىلىپ باقاي دەپ قويۇپ بىر كىملەرگە تېلىفون قىلىپ كەتتى ۋە ئۇلار قوشۇلدى دەپ ماڭا بىر ئادرىسنى تۇتقۇزۇپ قويدى. شۇنداق قىلىپ خېلسىنكىدا تۇرۇپلا تەمپېرانىڭ "نوپوسى"نى بىجىرىۋالدىم. بۇ ئىشنىڭ ئالدى كەينىگە نەچچە سائەتمۇ ۋاقىت كەتمىدى. كېيىن ئاڭلىسام خېلسىنكىدىكى ئىدارە بۇنى تەمپېرادىكى ئىدارىگە ئەۋەتىپ بېرىدىكەن. ئاخىرىدا پۈتكەندىن كېيىن تەمپېرادىكى ئىدارە كىملىكنى مېنىڭ ئۆيۈمگە پوچتىدىن ھەقسىز ئەۋەتىپ بەردى. بۇ ئىشنى كۆرۈپ ئۆزەمنىڭ تۇغۇلۇپ ئۆسكەن يېزامدا ئەينى چاغدا كىملىك بېجىرىش ئۈچۈن ئون قېتىمدەك چاپقانلىقىمنى بىر يىلدىن ئارتۇق ۋاقىت سەرپ قىلغىنىمنى ئويلىسام كۈلگۈم كەلدى. مەن ئۈرۈمچىدە تۇرۇپ تۇرپاننىڭ كىملىگىنى بېجىرىش مۇمكىنمىدۇ دەپ ئويلىنىپ قالدىم.

شۇنداق قىلىپ كىملىكنى ئالدىم. كىملىك دېسىلا بىر سۈرىتىم چۈشۈرۈلگەن قاتتىق كارتا ئېسىمگە كېلەتتى. بىراق ئۆيۈمگە كەلگىنى بىر پارچە قەغەز، ئۈستىدە تۇغۇلغان يىل ئاي كۈنۈمنى قوشۇپ ئاران 12 خانلىق بىر نومۇر باركەن. خىزمەتداشلىرىمنىڭ ئېيتىشىچە بۇ قەغەزنى يېنىمدا ئېلىپ يۈرۈشنىڭ ھاجىتى يوقمىش. پەقەت تۇغۇلغان يىل ئاي كۈنۈمنى چىقىرىۋېتىپ قالغان تۆت خانلىق ساننى ئېسىمدە تۇتۇۋالساملا بولىدىكەن. ما ئىشنى كۆرۈڭ دېدىم ئىچىمدە.

قېنى ئەمدى كىتابخانىلارنى ئارىلاپ باقىلى. باشتا بىر يەكشەنبە كۈنى تەمپېرادىكى مەركىزى كىتابخانىغا باردىم. بىراق يەكشەنبە كۈنى بولغاچقا كىتابخانىنىڭ چوڭ بىر بۆلىكى ئېچىلماپتۇ. پەقەت دۈيشەنبىدىن شەنبىگىچىلا ئېچىلىدىكەن. بىراق كېچىكرەك بىر بۆلىكى ئېچىلىپتۇ. ئۇ بۆلىكىدە قارىسام ساپلا فېنلاندىيە ۋە دۇنيانىڭ تارىخىغا ۋە مەدىنيىتىگە ئائىت كىتابلار باردەك قىلاتتى. كۆپىنچىسى فېنلاندىيە تىلىدا يېزىلغان بولغاچقا ئانچە ئايرىيالمىدىم. بىر كىتابتا جۇڭگو تونۇشتۇرۇلغان بولۇپ ئىچىدە كونا ھەربىي فورما كىيگەن بىرسىنىڭ سەددىچىندا ھىجىيىپ تۇرغان رەسىمى بولۇپ ئۇنىڭغا جۇڭگونىڭ ھەربىي كىيىمى دەپ تونۇشتۇرۇلغان ئىدى. دېمەك كىيىم-كېچەك مەدىنيىتىگە دائىر كىتابكەن. يەنە ئېسىمدە قالغىنى ناپولىئوننىڭ تەرجىمھالى تۇرىدۇ. سومكامنى ئاسقىنىمچە كىتابخانىنىڭ ئىچىگە كىرىپ ھەممە يېرىگە كىرىپ ئايلىنىپ چىقساممۇ ھېچكىم سەن كىم، كىتابخانا كارتاڭ بارمۇ دەپ قويمىدى. بىلگەن بولسام چاندۇرماي بالدۇرراقلا كېلەتتىمكەن دېدىم ئىچىمدە.

كېچىكىمدە قانداق تونۇشۇپ قالغىنىم ئېسىمدە يوق. قومۇل ۋىلايەتلىك كىتابخانىغا بېرىشقا ئامراقتىم. ئۆيىمىز يېزىدا بولغاچقا ھەر قېتىم ۋېلسىپىت مىنىپ يېتىپ بارغىچە بىرەر سائەتكە يېقىن ۋاقىت كېتەتتى. شەنبە-يەكشەنبە كۈنلىرى بېرىپ كىتاب ئوقۇپ، كىتاب ئارىيەت ئېلىۋېلىپ يېنىپ كېلەتتىم. ئۇ جايدا كىنىشكە بېجىرىشكە توغرا كېلەتتى. ئەڭ بېشىدا كىنىشكىنى 15 يۈەنگە بېجىرگىنىم ئېسىمدە. ئەينى چاغدا ئۇ پۇلمۇ ماڭا ئاز پۇل ئەمەس ئىدى. كېيىن مەن ئالىي مەكتەپكە چىقىشقا يېقىنلاشقاندا 2000-يىللىرى 50 سومغا ئۆسكىنى ئېسىمدە. ئەڭ يېڭى ژۇرنال ۋە كىتابلار خېلى بار ئىدى. ئۇيغۇرچە كىتابخانا بىلەن خەنزۇچە كىتابخانا ئايرىۋېتىلگەن بولۇپ خەنزۇچە كىتابخانا دائىم ۋاراڭ-چۇرۇڭ، ئادەم كۆپ ئىدى. ئۇيغۇرچە كىتابخانا دائىم جىمجىت ئىدى. بالىلار ئاساسەن يوق، ئاندا-ساندا پىشقەدەملەرنىڭ ژۇرنال كۆرۈپ ئولتۇرغىنىنى كۆرەتتىم. ئۇ يەردە ئىشلەيدىغان ئاكاش-ئاچاشلار مېنى تونۇيتتى، ھەم بەك ياقتۇراتتى. كېيىن ئۇيغۇرچە كىتابخانىنىڭ كىنىشكىسى بىلەن خەنزۇچە كىتاب ئارىيەت ئالسىمۇ بولىدىغانلىقىنى بىلىپ، بىر مەزگىل خەنزۇچە كومپىيۇتېرغا ئائىت ژۇرناللارنىڭ ئۆتكەن يىللىق توپلاملىرىنى ئارىيەت ئېلىپ ئوقۇپ كەتكەنئىدىم.

شۇنداق قىلىپ ئىككىنجى ھەپتىسى تەمپېرا ئۇنۋېرسىتىتىنىڭ كىتابخانىسىغا باردىم. بۇ قېتىم قورقمايلا ئىچكىرىگە قاراپ كېتىۋەردىم. ھېچكىم مېنى توختاڭ، سومكا ئېلىپ كىرسىڭىز بولمايدۇ، كىنىشكىڭىز بارمۇ دېمىدى. خۇشچىراي بىر ئايالدىن ئېنگىلىزچە كىتابلار قەيەردە دەپ سورىسام كۈلۈپ تۇرۇپ ھەممە يەردە بار، سىزنىڭ قانداق كىتاب كۆرۈشىڭىزگە باغلىق، بىرىنجى قەۋەت دەرسلىك كىتابلار، ئىككىنجى قەۋەت ئاممىباب كىتابلار، ئۈچىنجى قەۋەت ژۇرنال دەپ چۈشەندۈرۈپ كەتتى. رەھمەت دەپ قويۇپ، قېنى تەمپېرا ئۇنۋېرسىتىدا ئوقۇيالمىساممۇ بۇلارنىڭ دەرسلىك كىتابلىرىنى بىر ئوغىرلىقچە ئۆگىنىۋالاي دەپ دەرسلىك كىتابلارنى قېزىشقا ماڭدىم. قىزىق يېرى دەرسىك كىتاب دەپ ئېيتقان جاھازلاردا پۈتۈنلەي دېگۈدەك شۇ ساھەدىكى دۇنيادىكى ئەڭ داڭدار تونۇلغان شەخىسلەر يازغان ئەسەرلەر تۇراتتى. دېمەك بۇلار ئالىي مەكتەپتە بىزگە ئوخشاش مەخسۇس دەرسلىك تۈزۈپ، شۇ بويىچە ئۆتۈپ يۈرمەيدىكەن. پەقەت ئەڭ يېڭى ئەسەرلەرنى دەرسلىك سۈپىتىدە ئىشىلتىدىكەن. دەپ ئويلىدىم.

فېنلانلىق ئوغۇل قىزلار ھورۇن كېلەرمىش. بۇ مېنىڭ ۋېنگىرىيەلىك خىزمەتدىشىم دەپ بەرگەن. فېنلاندىيەنىڭ بۈگۈنكى كۈنىنى ئۇلارنىڭ ئاتا-بوۋىلىرى تىرىشىپ ياراتقان. بۇ ياشلار كومپىيۇتېر پىروگىرامما تۈزۈش دېگەندەك قىيىن كەسىپلەرگە قىزىقمايدىكەن. شۇڭا بۇنداق ئىشلار بىزدەك چەت ئەللىك ئىشچىلارغا قالىدىكەن. فېنلار پەقەت باشقۇرۇشنىلا ئۆگىنەرمىش. دېمىسىمۇ شىركەتتە باشلىقلارنىڭ ھەممىسى ساپلا فېنلاندىيەلىك، ئىشچىلارنىڭ ھەممىسى ھىندىستانلىق، پورتۇگالىيلىك، ۋېنگىرىيەلىك، ئېرلاندىيەلىك، جۇڭگولۇق...يەنە نۇرغۇن. ھەي ئۇيغۇر ئوغۇل قىزلار موشۇ يەردە بولغان بولسا تەغدىرى قانداق بولار دەپ ئويلىدىم. بىز شۇنداق تىرىشچان جاپاكەشتەك ھېس قىلىمەن.

شۇلارنى ئويلاپ توختا بۇلارنىڭ باشقۇرۇش ئىلمىنى بىر تەتقىق قىلىپ باقاي دېدىمدە دۇنياغا داڭلىق بىرسى چىقارغان بازار باشقۇرۇش دېگەن كىتابنىڭ 12-نەشىرىنى كۆتۈرۈپ مۇنۇنى ئارىيەتكە ئالىمەن دېدىم. كىتابخانا كارتىڭىز بارمۇ، يوق. ئەمىسە پاسپورتىڭىز، ياكى شۇنىڭغا ئوخشايدىغان بىرەر نەرسىڭىزچۇ، ئاپلا ھېلىقى خىزمەتدىشىمنىڭ گېپىگە كىرىپ ھېلىقى تۆت خانلىق سان ئەسقاتىدۇ دەپ ھېچنىمىنى ئالماي كەپتىمەن. ئاخىرى ئەسقاتمىدى. شۇنداق بولسىمۇ بىر جەدىۋەل بېرىپ بۇنى تولدۇرۇپ قويۇڭ. سىز كېيىنكى قېتىم پاسپورتىڭىزنى ئالغاچ كەلگىچە بىز كارتىڭىزنى بېجىرگەش تۇرايلى دېدى. شۇنداق قىلىپ بىر جەدىۋەلنى تولدۇرۇپ قويۇپ قايتىپ كەتتىم. كېيىنكى ھەپتىسى بارسام راستىنلا كارتىنى تەييار قىلىپ قويۇپتۇ. بۇ قېتىم ئۆزەمنى بىلىپ ئۆز كەسپىمگە سادىق بولاي دەپ سۈنئىي ئەقلىي ئىقتىدار دېگەن كىتابنىڭ بىرىنجى تومىنى كۆتۈرۈپ يېنىپ كەلدىم. ئىشقىلىپ فېنلاندىيەدە كىتابخانىدىن كىتاب ئارىيەت ئېلىش ئۈچۈن پەقەت پاسپورت بولسىلا كۇپايە ئىكەن. فېنلاندىيە كىملىكىمۇ كەتمەيدىكەن. ئەگەر سىلەرمۇ فېنلاندىيەگە كېلىپ قالساڭلار مەندەك كىملىك ساقلاپ 3 ئاينى زايە قىلىۋەتمەڭلار. يەنە كىتاب ئارىيەت ئېلىش ھەقسىز بولغىنى بىلەن، كىتابنى بەلگىلەنگەن ۋاقىت ئىچىدە يەنى دەرسلىك كىتابلار 2 ھەپتە، باشقا كىتابلار 4 ھەپتە، ژۇرناللارنى پەقەت ھەپتە ئاخىرىدىلا ئارىيەت ئالغىلى بولىدىكەن. ۋاقتىدا قايتۇرۇڭلار. بولمىسا ئېغىر جەرىمانىسى باركەن. مېنى دەپ قويمىدى دەپ ئاغرىنماڭلار.

ئەڭ يېڭى خەۋەرلەر

2009-04-01T15:05:00.002+03:00

بۇ تېمىغا ئۆزەم يېقىندا چەت ئەل تورلىرىدىن كۆرگەن بىر قىسىم ئۇيغۇرلارغا ئائىت مۇھىم خەۋەرلەردىن دوكلات بەرمەكچىمەن.

نوكىيا ئۇيغۇرچە يانفون بازارغا سالماقچى.
مۇنبەردىكى تورداشلارنىڭ قىزغىن ئىنكاسلىرى ئاخىرى نوكىياغا يېتىپ باردى، ئەقلىي يانفون بازىرىدىكى كەسكىن رىقابەت ئاخىرى ئەقلىي يانفون زومىگەرلىرىنى ئۇيغۇرلاردىن ئىبارەت بۇ كېچىككىنە بازارغا سەل قاراشقا بولمايدىغانلىقىنى ھېس قىلدۇردى. نوكىيا ئاخىرى سامساڭ، موتورولا قاتارلىق رىقابەتچىلىرىنىڭ بېسىمى ئاستىدا ئۇيغۇرچە يانفون ئىشلەپ بازارغا سالدىغانلىقىنى ئېلان قىلدى. ئۇرۇمچىدىكى تارماق شىركىتى بەلكىم بۇ يىل يازلاردا رەسىمىي ئېچىلىپ بىر تۈركۈم ئۇيغۇر پىروگىراممېرلار قوبۇل قىلىنىشى مۇمكىن. بۇلار كەلگۈسىدىكى ئۇيغۇرچىلاشتۇرۇش ۋە بەزى باشقا يانفون پىروگراممىلىرىنى ئىشلەش قاتارلىق خىزمەتلەرگە مەسئۇل بولىدۇ.

بىل گەيتىس فوندى جەمئىيتى ئۇيغۇرلارغا بېرىدىغان ياردىمىنى كۈچەيتىشنى قارار قىلدى.
بىل گەيتىس فوندى جەمئىيتى ئۆزىنىڭ شىنجاڭ ئۇيغۇر ئاپتونۇم رايونىنىڭ كىتابخانا قۇرۇلۇشى، ئەيدىز كېسىلىنىڭ ئالدىنى ئېلىش قاتارلىق ساھەلەرگە بېرىدىغان ياردىمىنى بۇرۇنقىدىن نەچچە ھەسسە كۆپەيتىدىغانلىقىنى بىلدۇردى. بۇ ياردەملەرنىڭ نەچچە مىليون دوللاردىن بىراقلا نەچچە يۈز مىليون دوللارغا يېتىپ بېرىشىدا ئۈمىد باركەن، كەلگۈسى 20 يىل ئىچىدە بېرىلدىغان ئومۇمىي ياردەم دەسمىيسى بىل گەيتىس فوندى جەمئىيتىنىڭ ئەسلىدىكى ئومۇمىي بايلىقىنىڭ 10% گە يېتىدىكەن.

مەملىكىتىمىز تەڭرىتاغ ياقىسىنى بويلاپ يامغۇرلۇق ئورمان بەرپا قىلىشى مۇمكىن
دۇنياۋى ھاۋا كىلىماتنىڭ ئۆزگىرىشى ۋە مەملىكىتىمىزنىڭ ھاۋارايىنى سۈنئىي كونتىرول قىلىش تېخنىكىسىنىڭ تەرەققىياتى نەتىجىسىدە، دۆلەت ئاجراتقان غەربىي رايوننى ئېچىش مەبلىغىنىڭ 20%نى شىنجاڭنىڭ سۇ مەسىلىسىنى ھەل قىلىشقا قارىتىلدىغانلىقى بېكىتىلىپتۇ. بۇ پۇل بىلەن كەلگۈسى 20 يىللىق تىرىشچانلىق ئارقىلىق تەدرىجىي ھالدا تەڭرىتاغنىڭ ئىككى يېقىدىكى ئويمانلىقلاردا ھاۋا كېلىماتى ئىنتايىن نەم بولغان ئىسسىق بەلغاغ ئورمانلىقى بەرپا قىلىندىكەن. ئۇ ئورمانلىق بەرپا قىلىنغاندىن كېيىن شىنجاڭنىڭ ھاۋا كېلىماتى پۈتۈنلەي ئۆزگىرىپ كېتىشى مۇمكىنكەن. سۇ مەسىلىسى ئۈزۈل كېسىل ھەل بولۇش بىلەنلا قالماي، شىنجاڭنىڭ كەڭ يەر بايلىقىدىن تېخىمۇ ئۈنۈملۈك پايدىلنىش مۇمكىنكەن.

گۇگېل ئۇيغۇرچە تەرجىمە قىلىشنى تەرەققىي قىلدۇرماقچى
بۇ نۆۋەتنى ئۇزۇن ساقلاپ ئاخىرى بىزگىمۇ كەپتۇ، google translator ئەمدى ئاخىرى ئۇيغۇرچىدىن باشقا تىللارغا تەرجىمە قىلىش ئىقتىدارى قوشماقچى. ئۇلارنىڭ ئاپتوماتلاشقان ئۇچۇر يىغىش ماشىنا ئادىمى توردىن تېزلىكتە ئۇيغۇرچە ھەم ماس ھالدىكى باشقا تىلدىكى ماتىرياللارنى تاپالايدۇ. مەسلەن، ئوخشاش بىر توربەتنىڭ ھەم ئۇيغۇرچە ھەم ئىنگىلىزچە مەزمۇنى بولسا، گۇگېل دەرھال بۇلارنى يىغىپ توپلايدۇ، ھەم تەھلىل قىلىش ئارقىلىق ئۆزىنىڭ تەرجىمە سۆزلۈك ئامبىرىنى تەييارلايدۇ. بۇ يىل ئاخىرىغىچە بىزمۇ بۇ ئىقتىدارنى كۆرەلىشىمىز مۇمكىن.

تەكلىماكاننىڭ ئاسىتىدىن تاشقا ئايلانغان تاشقى پىلانت ئادىمى تېپىلىپتۇ
ئېلىمىز ئارخىلوگلىرى لوپنور كۆلى بويىدىكى سىرلىق رايونغا بولغان بوشاشماي تىرىشچانلىق بىلەن ئىزدىنىشى نەتىجىسىدە، بىر چىڭ قۇلۇپلىۋېتىلگەن يەر ئاستى ئامبىرىنى بايقىغان. بۇ رايوننى سىرلىق دېيىشتىكى سەۋەب بەزىلەرنىڭ ئالدىنقى ئەسىرنىڭ كېيىنكى يېرىمىدا بۇ رايونغا تەكشۈرۈشكە كىرگەنلەرنىڭ تۇيۇقسىز سىرلىق يوقاپ كەتكەنلىكىگە، ھەم چىخسىلاۋىيە ھەم ياپونلۇق ئېكىسپىلىتسىيچىلەرنىڭ بىرلىكتە قۇملۇقتا ياشايدىغان، شەكلى خۇددى بېلىققا ئوخشايدىغان، ئىنتايىن يوغان قۇملۇق مەخلۇقىنى رەسىمگە تارتىۋالغانلىقى سەۋەب بولغان. بەزى ئالىملار بۇ يەردە سىرلىق يوقاپ كەتكەنلەر بۇ رايوندا ئېلىپ بېرىلغان ئاتوم سىنىقى بىلەن مۇناسىۋەتلىك دېگەن قاراشلارنى ئوتتۇرغا قويغان بولسىمۇ ئېلىمىز تەتقىقاتچىلىرى ئىنتايىن ئاقىلانىلىك بىلەن ئىنكار قىلغانتى. ھە راست ھېلىقى قۇلۇپلاقلىق ئۆيدە تېپىلغان ئۆيدىن يەنە ئىشكاپتەك چوڭلۇقتىكى نەچچە يالتىراپ تۇرىدىغان سۇيۇقلۇق قاچىلانغان ئەينەك ساندۇق بولۇپ، ئالىملار بۇنى كومپىيۇتىر بولۇشى مۇمكىن دەپ قىياس قىلىشماقتا، بۇ يەر ئاستى ئۆيىنىڭ ھاجەتخانىسىدا، قولىغا تازلىق قەغىزىنى تۇتۇپ، چىشلىرىنى كىرىشتۈرگىنىچە ئولتۇرۇپ تاشقا ئايلىنىپ قالغان بىر تاشقى پىلانت ئادىمى بايقالغان بولۇپ، ئۇ ئەينى چاغدا ئىچى سۈرۈپ كېتىپ ئالەم ئايروپىلانىغا كېچىكىپ قېلىپ، يەر شارىدا قېلىپ قالغان بولۇشى مۇمكىنكەن. بۇ ھەقتىكى ھەر قانداق سۈرەت ۋە خەۋەرلەر قامال قىلىنغان. ئالىملار ئۇنىڭ چىراي شەكلى قەدىمقى يۈەنمۇ ئادىمىگە بەكمۇ ئوخشايدىغانلىقىنى ئاشكارلىغان. تېخىمۇ ئىچكىرلىگەن تەتقىقاتلار داۋاملىشىۋاتىدۇ.

يادرو قورالىنىڭ بىر بۆلۈكى يۈتۈپ كەتكەن
ئېلىمىزنىڭ پۈتۈنلۈكى، تاشقى دۈشمەنلەرگە قارشى تۇرۇشتا ئىنتايىن مۇھىم بولغان يادرو قورالىنىڭ بىر بۆلۈكى يۈتۈپ كەتكەنلىكى ھەققىدىكى غۇلغۇلا پۈتۈن يەرنى قاپلىدى. ئەينى چاغدىكى مەسئۇل خادىمنىڭ ئېيتىشىچە ئۆزىنىڭ ناھايتى ساق ھالدا ئۇ بۆلەكنى ماشىنىنىڭ ئارقا ساندۇقىغا سېلىپ ئىشىكنى يېپىپ ئاندىن 5 يۇلتۇزلۇق مېھمانخانىدىكى تەبرىكلەش ئولتۇرىشىغا كەتكەنلىكى ئېسىدىكەن. ئۇ زاپچاسنىڭ قويۇپ قويغان ئامباردىن قانداق يۈتۈپ كەتكەنلىكى، ھەم بۇ ئىشنىڭ 30 يىلدىن بۇيان تېخى ئاشكارلانمىغانلىقى تېخى بىر سىر بولۇپ تۇرماقتا.

ئىمتىھان

2009-03-16T11:28:00.003+02:00

ئىمتىھان

ئىمتىھان،
كۆرەڭلەپ تۇرارسەن قامچاڭنى شىلتىپ،
ھەر بىرىمىزنىڭ بېشىدا.
ھېچكىم قېچىپ قۇتۇلالماس،
پەيلىڭ ياماندۇر،
ئىشسىز قويىمەن دەيسەن،
تارتىۋالىمەن دەيسەن مال-بىساتىمىزنى.
قالارمىز ئاچ-توق كوچىدا،
داڭقېتىپ تۇرغۇنىمىزچە،
نېمىنى خاتا قىلىپ قويغۇنىمىزنى ھېچ بىلمەيمىز،
تاللاشنىمۇ يا بوش ئورۇننىمۇ؟

ھەي ئىمتىھان سېنى دەپ،
قانچىلىغان يۈرەكلەر پۇچۇلاندى،
قانچىلىغان ئۆسمۈرلەر بولدى ناكا،
قانچىلىغان قىزلار بولدى خازان،
قانچىلىغان داچەنلەر خەجلەندى،
قانچىلىغان بەللەر مۈكچەيدى؟
كىم-كىملەر بىلەن بىللە ياتتى؟
كىملەر باي بولدى،
كىملەرنىڭ بالىلىرى ماڭدى ئوقۇشقا؟

ئىمتىھان سەن بويۇندىكى سىرتماق،
ئادەمىيلىكنىڭ دۈشمىنى.
خوشاللىقنىڭ كۈشەندىسى،
ئەركىنلىكنىڭ قەپىزى.
كىشنەپ تۇرغان تەبىئىتىمنى كۆندۈردۈڭ،
ئۆزەڭنىڭ تۈگىمەس كوتۇلداشلىرىڭغا.
سەندىن مەڭگۈ قۇتۇلسام دەيمەن،
قايتىپ بارسام ئاشۇ يايلاققا،
ئوغۇز دادام ياشىغان،
ئات چاپتۇرسام، ئوقيا ئاتسام،
جەرەن گۆشى پىشقاندا،
خوتۇنۇم چىقسا ئەتكەن چاينى كۆتۈرۈپ،
بالام چىقسا ئاغزىنى تامشىم.
ياشىسام ئىمتىھانسىز ئاشۇ يايلاقتا.

blogger نىڭ ئۈستىدىكى navigation bar نى يوق قىلىۋېتىش

2009-03-15T09:10:00.010+02:00

blogger نىڭ ئۈستىدىكى navigation bar نى يوق قىلىۋەتكەندە بىلوگنى تېخىمۇ چىرايلىق قىلىپ خۇددى مۇستەقىل تور بېكەتتەك تۇيغۇ بەرگىلى بولىدۇ. ئەمىليەتتە بۇ ناھايتى ئاسان.

ئۇسلۇبنىڭ ئىچىدىن تۆۋەندىكى كودنى ئىزدەپ تېپىڭ.
<b:skin><![CDATA[

ئۇنىڭ كەينىگە */ نىڭ ئالدىغا تۆۋەندىكى كودنى قوشۇپ قويۇڭ.

#navbar-iframe {
display: none !important;
}

ساقلاڭ.

blogger غا خەتكۈچ تۇمانى قوشۇۋېلىڭ

2009-03-15T08:44:00.008+02:00

bloggerلارغا نىسپەتەن خەتكۈچ ئىنتايىن مۇھىم بولۇپ، ئۇ ھەم كۆرۈرمەنلەرگە قولايلىق ئېلىپ كەلسە ھەم ئىزدەش ماتورىغىمۇ قولايلىق ئېلىپ ئېلىدۇ. تۆۋەندىكى ئۇسۇللار ئارقىلىق بىلوگىڭىزغا خەتكۈچ تۇمانى ھاسىل قىلىۋېلىڭ. پەقەت blogspot نىڭ بلوگىغىلا ئىشلەيدۇ.

بۇ جەرياننى ئىشلەش ئالدىدا ئەڭ ياخشىسى ھازىرقى ئۇسلۇبىڭىزنى ساقلىۋېلىڭ.

سىز چوقۇم بىر label دەيدىغان widget نى بىلوگېڭىزغا ئاۋۋال قوشۇۋېلىشىڭىز كېرەك. ئورنىنى كېيىن تەڭشىۋالسىڭىز بولىدۇ.

1. بلوگىڭىزنىڭ كەينى سۇپىسىغا كىرىڭ.
2. سۇپىدىن layout نى تاللاڭ.

3. edit html دېگەننى تاللاڭ.
4. ئەمدى ]]></b:skin> دېگەن كودنى ctrl+f بېسىپ ئىزدەپ تېپىپ، ئۇنى ئۆچۈرېۋېتىپ ئورنىغا تۆۋەندىكى ئۇلانمىدىن چۈشۈرگەن كودنى چاپلاڭ.

بۇ يەرنى بېسىپ كودنى چۈشۈرۈڭ.

5. ئەمدى بىر ساقلىۋېتىپ يەنە تۆۋەندىكى كودنى ئىزدەڭ.

<b:widget id=’Label1′ locked=’false’ title=’Labels’ type=’Label’/>

6. يۇقارقى كودنى تۆۋەندىكى ئۇلانمىدىن چۈشۈرگەن كودقا ئالماشتۇرۋېتىڭ.

بۇ يەرنى بېسىپ كودنى چۈشۈرۈڭ.

كودنىڭ ئىچىدىن فونت ۋە رەڭگى دېگەندەك پارامېتىرلىرىنى تەڭشىۋالغىلى بولىدۇ.

كومپىيۇتېرىڭىز قارا ئېكران بولىۋالسا...

2009-03-14T09:39:00.005+02:00

كومپىيۇتېرنىڭ قارا ئېكران بولۇشىنى كەلتۈرۈپ چىقىرىدىغان ئامىللار ناھايتى كۆپ، ئۇلارنى ئاساسلىقى يۇمشاق دېتال سەۋەبىدىن ياكى قاتتىق دېتال سەۋەبىدىن دەپ ئايرىشقا بولىدۇ. يۇمشاق دېتال سەۋەبىدىن قارا ئېكران بولۇش ئادەتتە ۋىرۇسنىڭ ياكى مېكروسوفتنىڭ ھۇجۇمىغا ئۇچراشتىن ياكى سېستىمىنىڭ مەلۇم پارامېتىرلىرىنىڭ خاتا تەڭشىلىپ قېلىشىدىن يۈز بېرىدۇ. بۇنداق ئەھۋاللارنى تۈزەش ئوڭاي، ھەر بىر خىل ئامىلغا ماس ھالدا ئېنتىرنىتتىن تۈزەش ئۇسۇللىرىنى تاپقىلى بولىدۇ. ئۇنداقتا زادى يۇمشاق دېتال ياكى قاتتىق دېتال ئىكەنلىكىنى قانداق ئاجىرتىمىز؟

ئەگەر سېستىما يۇمشاق دېتال سەۋەبىدىن بولسا، ئادەتتە ئېكران قوزغاتقاندىلا قارا بولىۋالمايدۇ، ئەڭ كام دېگەندە سېستىمىنىڭ ئۆزىنى تەكشۈرۈش جەريانلىرىدىكى تېگى قارا ئۆزى ئاق خەتلەر ئېكراندا نورمال كۆرۈنىدۇ. ھەتتا بەزىدە سېستىما نورمال قوزغىلىپ ئىشىلتىپ بىر ۋاقىتقا كەلگەندە قارا بولۇۋېلىشىمۇ مۇمكىن، بۇنداق ئەھۋاللارنى ئاساسەن يۇمشاق دېتال سەۋەبىدىن دەپ ھۆكۈم قىلىشقا بولىدۇ، بەزىدە بۇزۇلۇش ئالدىدا تۇرغان، لېكىن تېخى تولۇق بۇزۇلۇپ كەتمىگەن ئىچكى سىغىم كارتىسىمۇ موشۇ خىلدىكى ھالەتنى پەيدا قىلالايدۇ.
ئەگەر سېستىمىڭىزنىڭ قارا ئېكران بولۇۋېلىشىنى يۇمشاق دېتال پەيدا قىلغان دەپ ھېس قىلسىڭىز، ئاۋال ئۆزىڭىزدىن يېقىندىن بۇيان سېستىمىنىڭ بىر قانداق يېرىگە ئۆزگەرتىش قىلدىممۇ يوق دەپ سوراپ بېقىڭ. مەسلەن، يېڭى ئورناتقان ماسلاشتۇرغۇچى پىروگىرامما 驱动程序 نىڭ قاتتىق دېتالغا بولۇپمۇ سۈرەت كارتىسى بىلەن ماسلاشماسلىقى قارا ئېكران پەيدا قىلغۇچى مۇھىم سەۋەب. ئەگەر سىزنىڭ سۈرەت كارتىڭىز 3D سۈرئەت ئاشۇرۇشنى قوللىمىسا، سىز 3D سۈرئەت ئاشۇرغۇچى پىروگىراممىنى قاچىلىۋالسىڭىزمۇ ئويۇن ۋە كىنو قويغان چاغدا كومپىيۇتېر قارا ئېكران بولۇۋالىدۇ. يەنە تىزگىن تاختىدىن كۆرسىتىش دېگەننى قوزغىتىپ سوئاللارغا جاۋاب بېرىش دېگەن كارتىسىدىن قاتتىق دېتال سۈرئىتىنى ئاشۇرۇش دېگەننى پۇتۈن دېگەندىن يوق دېگەنگە سۈرۈپ سىناپ بېقىڭ.

ئەگەر كومپىيۇتېرىڭىز قوزغىلىپلا قارا ئېكران بولۇۋالسا قاتتىق دېتالنىڭ سەۋەبىدىن بولۇشى ئېھتىمالغا ناھايتى يېققىن. زادى قايسى دېتالنىڭ سەۋەبىنى ئايرىپ چىقىش كېرەك، شۇنىڭدا ماس دېتالنى ئالماشتۇرۇش ياكى تۈزىتىش ئارقىلىق ئوڭشىۋالغىلى بولىدۇ.
1. سېستىما قوزغالغاندا ھېچقانداق چىراقمۇ يانمايدۇ. شامالدۇرغۇچنىڭ ياكى سېستىمىنىڭ بىپ قىلغان ئاۋازىمۇ چىقمايدۇ.
بۇ چوقۇم توك مەنبەسىنىڭ چاتىقى. ئادەتتە توك مەنبەسى بۇزۇلۇپ كەتمىسىمۇ بۇنداق ئەھۋاللار بولىدۇ. مەسلەن، توك بېسىمى يەتمەي قالسا ياكى ئۇلىنىشى سەل بوشاپ ياخشى تېگىشمەي قالغان بولۇشى مۇمكىن.
2. كومپىيۇتېر قوزغالغاندا توكنىڭ چىرىقى يانىدۇ. بىراق بىپ قىلغان ئاۋاز ئاڭلانمايدۇ. ئېكرانغا ھېچنىمە چىقمايدۇ. شامالدۇرغۇچنىڭ ئايلىنىۋاتقان ئاۋازىنى ئاڭلىغىلى بولىدۇ.
بۇ خىل ئەھۋالغا قارىغاندا ئاساسەن توك مەنبەسىنىڭ چاتىقى ئىكەنلىكىنى چىقىرىپ تاشلاشقا بولىدۇ. بىراق bios ئۆزىنى تەكشۈرمەيلا قارا ئېكران بولىۋالغانلىقتىن بۇنىڭ سەۋەبىنى ئېكران، سۈرەت كارتا، ئىچكى سىغىم كارتا، CPU ، مەركىزى تاختىلاردىن ئىزدەش كېرەك.

ئەگەر سىزدە بىر قەدەر ئىشەنچىسىز ئىچكى سىغىم كارتىسى بولسا، مەسلەن جۇڭگونىڭ ماركىسى دېگەندەك، ئۇنى ئېلىۋېتىپ سىناپ بېقىڭ. مەن دەل موشۇ ئەھۋالغا ئۇچىردىم، باشتا مەن تېخى ئېكرانىم ئۆلگەن ئوخشايدۇ دەپ ئېكران بىلەن ئىككى ھەپتە ھەپىلىشىپ يۈرۈپتىمەن، كېيىن ئۆزەم قوشۇۋالغان ماركىسىنىڭ نېمىلىكىنىمۇ بىلمەيدىغان سىغىم كارتىنى ئېلىۋېتىپ قوزغاتسام، كومپىيۇتېرىم ۋاللىدە يېنىپ كەتتى. ئەگەر سىزدە بىرلا كارتا بولسىمۇ ئۇنى ئېلىۋېتىپ قوزغىتىپ بېقىڭ. ئەگەر بۇ قېتىم بىپ قىلسا، سىغىم كارتىنىڭ ئىشى ئەمەس.
سىغىم كارتىنىڭ ئىشى ئەمەسلىكىنى بىلسىڭىز، قالغان زاپچاسلارنى پەقەت ئالماشتۇرۇپ بېقىش ئارقىلىقلا زادى قايسىسىنىڭ مەسىلىسى ئىكەنلىكىنى بىلگىلى بولىدۇ. مەسلەن ئاۋال باشقا بىر ئېكران تېپىپ كېلىپ، ئالماشتۇرۇپ سىناپ بېقىڭ. ئەگەر يەنە ئوڭشالمىسا، cpu، يەنە ئوڭشالمىسا سۈرەت كارتىسى، مەركىزى تاختا بۇلارنى بىر-بىرلەپ ئالماشتۇرۇپ باقسىڭىز بولىدۇ.

3. ئەگەر سېستىما قوزغىلىۋېتىپ bios ئۆزىنى تەكشۈرۈش جەريانىدا مەغلۇپ بولغانلىقى تۈپەيلى سېستىما قارا ئېكران بولۇۋالسا.
دېمەك بۇ جەرياندا سېستىمىنىڭ چىرىقى يانىدۇ، شامالدۇرغۇچ نورمال ئايلىنىدۇ. ھەتتا قاتتىق دېسكىنىڭ ئايلىنىۋاتقان ئاۋازىنىمۇ ئاڭلىغىلى بولىدۇ. بىپ قىلغان ئاۋازمۇ ئاڭلىنىدۇ. پەقەت ئېكراندا ھېچنىمە كۆرۈنمەيدۇ. بۇ خىل ئەھۋالدا توك مەنبەسىنى ئاساسەن ساق دەپ ھۆكۈم قىلغىلى بولىدۇ، مەركىزى تاختىنىڭ مۇھىم توك يوللىرىدىمۇ چاتاق يوق، ھەتتا ئىچكى سىغىمنىڭ ئالدىنقى 64 kb يېرىمۇ ساق ئىكەنلىكىنى بىلىۋالغىلى بولىدۇ. بۇنىڭدا ئاساسلىقى ئېكران، سۈرەت كارتىسى ئاندىن قالسا ئىچكى سىغىم ۋە مەركىزى تاختىنىڭ چاتىقى بولۇشى مۇمكىن.

ئەگەر سېستىما ئۆزىنى تەكشۈرۈش جەريانىدا دۇ دۇ دۇ قىلغان قىسقا ئاۋاز توختىماي ئاڭلانسا، سېستىمىنىڭ بىرەر جايى قىسقا ئۇلىنىش يەنى ماس بولۇپ قالغان بولۇشى مۇمكىن، دەرھال توكتىن ئايرىپ توك سىملىرىنى بىرەر قۇر تەكشۈرۈپ بېقىڭ، پەقەت تاپالمىسىڭىز زاپچاسلارنى بىر-بىرلەپ توك مەنبەسىدىن ئايرىۋېتىپ سىناپ بېقىڭ. قايسى زاپچاسنى مەركىزى تاختىدىن ئايرىۋېتىپ قوزغاتقاندا دۇدۇ ئاۋاز يوقالغان بولسا شۇ زاپچاسنىڭ ئىشى بولۇشى مۇمكىن.

دىققەت: زاپچاسلارنى چىقىرىپ ئۇلاش جەريانىدا توكتىن ئايرىۋېتىڭ.

ئەگەر سىزنىڭ ئاڭلىغىنىڭىز بىر قەدەر ئۇزۇنغا سوزۇلغان دۇ......... ئاۋاز بولسا چوقۇم ئىچكى سىغىمنىڭ چاتىقى. ئىچكى سىغىمنى چىقىرىپ پاكىز سۈرتۈپ قايتا سېلىپ سىناپ بېقىڭ، ئەگەر بولمىسا، ئالماشتۇرۇپ سىناپ بېقىڭ.
ئەگەر سىزنىڭ ئاڭلىغىنىڭىز بىر قەدەر چىقىراق دادادا ئاۋاز بولسا، ھەمدە كونۇپكا تاختىسىنىڭ ئوڭ تەرەپ ئۈستىدىكى ئۈچ چىراقنىڭ ھەممىسى يانغان بولسا، دېمەك سېستىما ئۆزىنى تەكشۈرۈشتىن ئۆتۈپتۇ. بەلكىم ئېكراننىڭ چاتىقى. ئېكراننىڭ توكقا ئۇلانغانلىقىنى تەكشۈرۈپ بېقىڭ. ئېكراننىڭ تەڭشەكلىرىنىڭ ئۆزگەرتىپ بېقىڭ. پەقەت بولمىسا باشقا ئېكرانغا ئالماشتۇرۇپ سىناڭ.
ئەگەر سىزنىڭ ئاڭلىغىنىڭىز بىر ئۇزۇن ئىككى قىسقا ياكى بىر ئۇزۇن ئۈچ قىسقا ئاۋاز بولسا، كۆرسىتىش سېستىمىسىنىڭ كاشىلىسىكەن. ئادەتتە سۈرەت كارتىسىنىڭ مەركىزى تاختىغا جايلاشتۇرۇشى ياخشى تېگىشمەسلىكتىن كېلىپ چىقىدۇ. يەنە ئېكراننىڭ كومپىيۇتېرغا ئۇلانغان سىگنال سىمىنىڭ مۇۋاپىق بولغان بولمىغانلىقىنىمۇ تەكشۈرۈپ بېقىڭ.

ئەگەر يۇقارقى ئۇسۇللاردىمۇ كومپىيۇتېرىڭىزنىڭ كاشىلىسىنى تاپالمىغان بولسىڭىز ئاساسلىق زاپچاسلارنى بىر-بىرلەپ ئالماشتۇرۇپ سىناپ كۆرۈڭ.

يۇك چۈشۈرۈش

2009-03-07T14:07:00.008+02:00

دۇنيادىكى ئەڭ ياخشى ۋىرۇسخور Norton 2007 نىڭ مەڭگۈلۈك ھەقسىز نەشىرىنى چۈشۈرېۋېلىڭ.

ئىنگىلىزچە كىتابلارنى چۈشۈرېۋېلىڭ:

http://cid-57d71b00ef544fbd.skydrive.live.com/browse.aspx/eynek

سىنلىق: ئامرىكىنى ئۆزگەرتكەن بۆرە-Lobo

2009-03-07T11:07:00.008+02:00

ئامرىكىنى ئۆزگەرتكەن بۆرە - Lobo
The Wolf that Changed America

BBC تەبىئەت

1983 - يىلى يېڭىلمەس ئوۋچى دەپ نام ئالغان ئېرنىست Ernest Thompson Seton يېڭى مېكسىكا شىتاتىغا يېتىپ كەلدى، ئۇنىڭ شۇ جايدىكى پادىچىلار تەرىپىدىن ياللانغان بولۇپ، ۋەزىپىسى كالا توپىغا ئارام بەرمەيۋاتقان بىر بۆرە توپىنىڭ ئاتامانى Lobo نى يوقىتىش ئىدى.
ئېرنىست مەخسۇس بۆرە ئۆلتۈرۈشنىڭ پىرى بولۇپ ئۇ بۆرىنى قانداق جايلاش كېرەك دېگەن مەخسۇس قوللانما كىتاب يېزىپ چىققان. شۇڭلاشقا ئۇ ئۆزىگە ناھايتى قاتتىق ئىشەنچ قىلاتتى. ئۇ پادىچىلارغا بىر ئىككى ھەپتىنىڭ ئىچىدە بۇ بۆرىنى كۆزدىن يوق قىلىش توغىرسىدا ۋەدە بەردى.

ئېرنىست تەبىئەتنى قىزغىن سۆيىدىغان كىشى ئىدى. ئۇ يېڭى مېكسىكا شىتاتىنىڭ تەبىئىي مۇھىتى تەرىپىدىن قاتتىق جەلپ قىلىندى. يېڭى كەلگەن بىر نەچچە كۈندە ئۇ توختىماي ئەتراپتىكى بۇغا، كەكلىك قاتارلىق ھەر خىل ياۋايى ھايۋانلارنى ئىنچىكىلىك بىلەن كۈزەتسە، يەنە بىر تەرەپتىن ئۇلارنىڭ رەسىمىنى سىزىپ كۈزەتكەنلىرى ھەققىدە خاتىرە يازاتتى، تەبىئەتتىكى بۇ جانىدارلار ئۇنىڭغا ئىنتايىن سۆيۈملۈك، گۇناسىز ھەم ئاجىز بىلىنەتتى. ئەمما ئۇ بىر ئوۋچى ئائىلىسىدىن كېلىپ چىققان، ئاتا كەسپىدىن تارتىپ ھەممەيلەن تەرىپىدىن ۋەھشىي قاتىل دەپ قاراپ كەلگەن بۆرىنى يوقىتىشنى مەقسەت قىلىپ كەلگەچكە، بۆرىگە، پەقەت بۆرىگىلا بولغان قارىشى باشقىچە ئىدى. ئۇ بۆرىنى ھايۋانلارنىڭ دۈشمىنى دەپ بىلەتتى ھەم ئۇنى كۆزدىن يوقىتىشنى ئۆزىنىڭ بۇرچى ھېسابلايتتى، ئۆزىنىڭ بۆرە يوقىتىشقا قانچىلىك ئۇستا ئىكەنلىكىدىن پەخىرلىنەتتى.

ئېرنىست مۇھىت بىلەن تونۇشىۋالغاندىن كېيىن خىزمىتىنى باشلىۋەتتى، تا موشۇ كەمگىچە Lobo ھەر كۈنى ئەتراپتىكى پادىچىلارنىڭ بىر كالىسىنىڭ جېنىغا زامىن بولاتتى، بىراق ئېرنىست تېخى ئۇنىڭ قارىسىنىمۇ كۆرۈپ باقمىدى.

ئېرنىست بىرىنجى قەدەمدە ئۆزىنىڭ ئەڭ زەھەرخەندە ئۇسۇلىنى ئىشلەتتى. ئۇ پارچە-پارچە گۆشلەرنىڭ ئارىسىغا زەھەر سېلىپ ئۇلارنى ئەپچىللىك بىلەن دالىنىڭ ھەر جايلىرىغا ئورۇنلاشتۇردى. بۆرىنىڭ پۇراش سېزىمى ناھايتى ئۆتكۈر بولغاچقا ئۇ گۆشلەردىن ئادەمنىڭ ياكى مېتالنىڭ پۇرىقىنى پۇراپلا قالسا ئۇنى يېمەيتتى. شۇڭلاشقا ئېرنىست باشتىن - ئاخىر بۇ ئىشلارنى پەلەي كىيىپ قىلدى، گۆشلەرنى ئورۇنلاشتۇرغاندىمۇ ئاتتىن چۈشمىدى.

ئەتىسى ئۇ ئۆزىگە ناھايتى ئىشەنگەن ھالدا ئەتراپتىن بۆرە جەسىتىنى ئىزدەشكە ماڭدى. بىرىنجى پارچە گۆشنىڭ يوق تۇرغانلىقىنى كۆرۈپ ناھايتى خوشال ھالدا ئالدىدا ئۇزۇن بولمىغان جايدا چوقۇم بۆرە جەسىتىنى بايقايمەن دەپ ئويلىدى، بىراق ماڭا ماڭا ئىككىنجى ۋە ئۈچىنجى پارچە گۆشلەرنىڭمۇ يوق تۇرغانلىقىنى بايقىدى. ئاخىرىدا ئۇ ئۆزىنىڭ بۆرە تەرىپىدىن مەسخىرە قىلىنغانلىقىنى ھېس قىلدى، ئۇ ئۆزىنىڭ زەھەر سېلىنغان گۆشلىرىنىڭ ھەممىسىنىڭ Lobo تەرىپىدىن بىر يەرگە دۆۋىلەپ قويۇلغانلىقىنى ھەم ئۇنىڭ ئۈستىگە تەرەت قىلىپ قويغانلىقىنى كۆردى.

بۇ قېتىم ئۇ يەنە بىر خىل ئۇسۇلنى سىنىدى، ئۇ نۇرغۇن جايلارغا قاپقان قويۇۋەتتى. بۇ قاپقانلار بۆرىنىڭ پۇتىنى قىسىپ ئۇنى قىيناپ ئۆلتۈرۈش ئۈچۈن لايھىيلەنگەن بولۇپ، ئېرنىست بۇلار بىلەن سانسىزلىغان بۆرىلەرنىڭ جېنىغا زامىن بولغانئىدى. ئەمدى بۇ ئۇسۇلنى يېڭى مېكسىكا شىتاتىدىكى ئەڭ ئاخىرقى بىر بۆرە توپىنىڭ ئاتامىنىغا ئىشىلتىپ سىناپ باقماقچى بولدى.

بىراق بۇ قېتىممۇ نەتىجە يەنە ئالدىنقى قېتىم بىلەن ئوخشاش بولدى، قاپقاقلارنىڭ ھەممىسى Lobo تەرىپىدىن يېشىۋېتىلگەن بولۇپ، ھېچقايسى قاپقاققا بىرەر نەرسە ئېلىنمىغان ئىدى. قارىماققا ئەسلىدە ئىككى ھەپتىگە پىلانلانغان بۇ ۋەزىپە ئۇزۇن سوزۇلۇپ كېتىدىغاندەك قىلاتتى. ئېرنىست بىر تەرەپتىن جىلە بولسا، بىر تەرەپتىن چارە ئىزدەيتتى. قىلمىغىنى قالمىدى، ئۇ شۇنداق قىلىپ يېڭى مېكسىكا شىتاتىدا ئۇچ ئايدىن ئارتۇق تۇرۇپ قالدى. تېخى ھېچبىر نەتىجە چىقمىدى. بۇ جەرياندا ئۇ تەبىئەتتىكى جانلىقلارنى تېخىمۇ كۆپ كۈزەتتى ۋە ئۇلارنى چۈشەندى. بىر قېتىم ئۇ بىر توپ ياۋا كالا توپىنى (buffalo) بايقاپ قالدى. بەلكىم بۇ كېچىك بىر توپ ياۋا كالىمۇ يېڭى مېكسىكا شىتاتىدا قېپقالغان ئەڭ ئاخىرقى بىر توپ ياۋا كالا بولىشى مۇمكىن ئىدى. ئۇ توساتتىن بۆرىلەرنىڭ مەسىلىسىنى بۆرىلەر كەلتۈرۈپ چىقارمىغان بەلكى ئادەملەر كەلتۈرۈپ چىقارغانلىقىنى ھېس قىلدى. چۈنكى بۆرىلەر تارىختىن بۇيان موشۇ ياۋا كالىلار توپىغا تايىنىپ ياشاپ كەلگەن. بىراق ھازىر بولسا ياۋا كالىلارنىڭ نەسلىنى ئادەملەر قۇرۇتىۋەتكەنئىدى. بۆرىلەر بولسا ناھايتى تېزلا تۇرقى ياۋا كالىغا ئوخشاپ كېتىدىغان بىراق ئوۋلاش ياۋا كالىغا قارىغاندا ناھايتى ئاسان بولغان كالىنى نىشان قىلىۋالدى.

بىراق بۇمۇ ئېرنىستنىڭ كۆز قارىشىدىكى بۆرىگە بولغان تەسىرىنى ئۆزگەرتەلمىدى. ئۇ ھامان بۇ بۆرىنى يېڭىشنىلا ئويلايتتى، غەلبىگە بولغان ئىنتىزارلىق ئۇنىڭ پۈتۈن پىكىر - خىيالىنى ئىگىلىگەن بولۇپ، ھازىر ئۇ پۈتۈن كۈچى بىلەن چارە ئىزدەيتتى ئەمما ئەقىللىق Lobo بۇنىڭغا بىر - بىرلەپ تاقابىل تۇراتتى.

بىر كۈنى ئۇنىڭغا شۇنداق بىر پۇرسەت كەلدى. ئۇ توساتتىن Lobo نىڭ بىر چىشى بۆرە بىلەن مۇھەببەتلىشىۋاتقانلىقىنى بايقاپ قالدى. ئۇ تۈكلىرى ئاپپاق چىرايلىق بىر چىشى بۆرە بولۇپ Lobo غا شۇنداق ماس كەلگەنئىدى. ئۇلار ئىككىسى ناھايتى ئىجىل بولۇپ چۆپلۈكلەر ئارىسىدا چېپىشاتتى. بۇنى كۆرگەن ئېرنىستنىڭ كاللىسىغا يېڭى بىر شۇم ئەقىل كەلدى.

ئۇ چىشى بۆرىنىڭ تۇرىدىغان جايىنى ئىزدەپ تاپتى ۋە ئۇ جايغا قاپقان قويدى. قاپقاننىڭ ئۈستىگە ئۆلۈك كالىنىڭ بېشىنى تاشلاپ قويدى. ئۇ بۆرىنىڭ ئۆلگەن ھايۋان بىلەن كارى بولمايدىغانلىقىنى بىلەتتى. ئۇ بۇ كېچىنى ناھايتى ئەنسىز ۋە جىددىيلىكتە ئۆتكۈزدى ۋە تاڭنى ناھايتى تەستە ئاتقۇزدى. ئۇ ئۆزىنىڭ ئەتە چوقۇم نەتىجىگە ئېرىشىدىغانلىقىنى بىلەتتى.

دېگەندەك ئۇ ئەتىسى قاپقانغا چۈشكەن چىشى بۆرىنى ۋە ئۇنىڭ قېشىدا تۇرغان Lobo نى كۆردى. Lobo ئېرنىستنى كۆرۈپ ئاستا كېتىپ قالدى. ماڭغاندا ئۇ ئاستا ئاستا مەشۇقىغا بۇرۇلۇپ قاراپ قوياتتى. ئېرنىست بولسا خوشاللانغان ھالدا مىلتىقىنى چىقاردى ۋە ئۇنىڭ مېڭىسىگە قارىتىپ ئوق ئۈزدى.

تۇنجى نەتىجىسىدىن خوشاللانغان ئېرنىست كۈندىلىك خاتىرىسىنى يېزىۋاتاتتى. بۇ چاغدا ئۇ ئويلاپمۇ باقمىغان بىر ئىش يۈز بەردى. Lobo ئۆز مەشۇقىنى ئىزدەپ ئېرنىستنىڭ ئۆيىگە كەلگەنئىدى. جىددىيلىشىپ كەتكەن ئېرنىست چىراقنى ۋە مىلتىقنى كۆتۈرۈپ چىقىپ ئوق ئۈزدى بىراق تەگمىدى. Lobo ئاستا كېتىپ قالدى. بۇ كېچىدە ئېرنىست Lobo نىڭ ناھايتى ئېچىنىشلىق ھۇۋلىغان ئاۋازىنى ئاڭلىدى. گەرچە ئۇ ئۈچ ئايدىن بېرى ھەر كۈنى Lobo نىڭ مەغرۇر ھۇۋلىغان ئاۋازىنى ئاڭلاپ تۇرسىمۇ بۇنداق ئېچىنىشلىق ھۇۋلىشىنى تۇنجى قېتىم ئاڭلىشى ئىدى. بۇ ئاۋاز ئىككى - ئۈچ كۈن توختىمىدى. ئېرنىستنىڭ كۆڭلى سەل غەش بولۇپ قالدى. شۇنداقتىمۇ ئۇنىڭ غەلبە قىلىشىغا بىر قەدەملا قالغان ئىدى. ئاخىرى ئۇ ئىشىنى داۋاملاشتۇردى.

ئۇ پۇتۇن پادىچىلار ۋە ئۆزىدىكى ھەممە قاپقانلارنى يىغدى، جەمئىي 150 قاپقاننى دالىغا قويۇۋەتتى. ھەم Lobo نىڭ مەشۇغىنىڭ جەسىتىنى ئاتقا سۆرىتىپ بۇ قاپقانلارنىڭ ئەتراپىدا ئايلاندۇردى. ھەممە جاي Lobo نىڭ مەشۇغىنىڭ پۇرىقى بىلەن تولدى.

ئەتىسى ئۇ ئۆز كۆزىگە ئىشەنمىدى. ئۇ Lobo نى تۆت پۇتى تۆت قاپقانغا قىسىلغان ھالەتتە كۆردى. بۆرىلەر توپىنىڭ ئاتامانى تۆت قاپقان ئاران تۇتۇپ قالالىغانئىدى. ئېرنىست مىلتىقىنى چىقىرىپ Lobo غا تەڭلىدى يۇ يالتىيىپ قالدى. چۈنكى ئۇ Lobo نى ئۆلتۈرۈشتىن غەلبىنى ئەمەس بىر خىل ئۆز - ئۆزىنى ئەيىبلەش تۇيغۇسىنى ھېس قىلدى. Lobo ۋە ئۇنىڭ يېڭىلمەس توپى بۇ كەڭ دالىنىڭ ئەسلىدىكى خوجايىنلىرى ئىدى. Lobo ئەڭ ئاخىرغىچە ئۆز مەشۇقىنى تاشلاپ قويمىدى. ئۇنىڭ بۇ غورۇرى ئېرنىستنى تەسىرلەندۈگەنئىدى. ئېرنىست Lobo نى ئۆلۈمدىن قۇتۇلدۇرماقچى بولدى. Lobo نى يېشىپ ئۆزى تۇرۇۋاتقان جايغا ئېلىپ كەلدى. Lobo قىلچە قارشىلىق كۆرسەتمىدى. ئۇ ئېرنىستقا قاراپمۇ قويمايتتى. Lobo نىڭ كۆزلىرى دائىم يىراق بىر نۇقتىغا تىكىلىپ تۇراتتى. ئەپسۇس ئېرنىست Lobo نى قۇتۇلدۇرۋېلىشقا كېچىككەنئىدى. Lobo بىر نەچچە كۈندىن كېيىن ئۆلۈپ كەتتى. ئېرنىست ئۇنى مەشۇقىنىڭ قېشىغا دەپنە قىلدى.

ئېرنىست بۇ ئىشتىن كېيىن قاتتىق ئويلاندى. قىلغىنىغا پۇشايمان قىلدى. ئەينى چاغا ئامرىكا يېڭى قۇرۇلغان، كۆڭلىگە چوڭ ئارمانلارنى پۈككەن كىشىلەر بىلەن تولغان بولۇپ، ئۇلار ئۆز قىلمىشلىرىنىڭ ئەتراپتىكى مۇھىتقا قانداق تەسىر كۆرسىتىۋاتقانلىقىنى تېخى تونۇپ يېتىشمىگەنئىدى. ئېرنىست ئۆز خاتىرىسىنى بىر كىتاب قىلىپ يېزىپ چىقتى. كىتابنىڭ ئىسمى مەن كۆرگەن ئەڭ ياۋايى ھايۋان قويدى. كىتابىدا ئۇ ئۆزىنى قارا نىيەت ئەسكى ئادەم، Lobo نى بولسا مەغرۇر باتۇر قىلىپ تەسۋىرلىدى. بۇ كىتاب ئامرىكا ۋە غەربىي ياۋروپادا قاتتىق غۇلغۇلە قوزغىدى.بەزى كىشىلەر ئېرنىستنى Lobo نى ئۆلتۈرگەنلىكى ئۈچۈن ئەيىبلىسە بەزى كىشىلەر ئېرنىستنى بۇ كىتابنى يېزىپ باشقىلارغا بۇ ھېكايىنى سۆزلەپ بەرگىنى ئۈچۈن ئەيىبلەشتى. ئېرنىستمۇ ئۆزىنى باشقىلارغا چۈشەندۈرۈشكە ئامالسىز قالدى. ئەمما ئۇ شۇ كۈندىن كېيىن بىرەر بۆرىنىمۇ ئۆلتۈرۈپ باقمىدى. ئۇنىڭ تەسىرىدە ئامرىكا ياۋايى ھايۋانات ۋە ئۆسۈملۈك باغچىلىرى قۇرۇلۇپ ياۋايى ھايۋانلار قوغدالدى. ئېرنىست كىشىلەرنى تەبىئەتنىڭ قوينىغا بېرىپ تەبىئەتنى ھەقىقىي ھېس قىلىپ بېقىشقا ئۈندىدى. شۇنىڭ بىلەن كىشىلەردە تەبىئەت قوينىغا قايتىش، ئۇنى ھەقىقىي چۈشىنىش ئىستەكلىرى تۇغۇلدى. ئامرىكا ھۆكۈمىتى قانۇنلارنى تۈزەپ ھايۋانلارنى ھەقىقىي قوغداشقا باشلىدى. ئېرنىست ياق Lobo ئامرىكىنىڭ ئۆزگىرىشىگە سەۋەبچى بولدى.

مەنبەسى:

http://www.pbs.org/wnet/nature/episodes/the-wolf-that-changed-america/video-full-episode/4414/

12مۇقام

2009-03-07T10:31:00.010+02:00

1-راك مۇقامى

3-سىگاھ مۇقامى

4-چارىگاھ مۇقامى

6-ئۆزھال مۇقامى

7-ئەجەم مۇقامى

8-ئوششاق مۇقامى

9-بايات مۇقامى

10-ناۋا مۇقامى

11-مۇشاۋېرەك مۇقامى

12-ئىراق مۇقامى

مۇقام تېكىستلىرىنى چۈشۈرىۋېلىڭ.

ئۇيغۇر 12 مۇقام تورى دىن ئېلىندى.

ubuntu رىڭىزنى MPlayer دا سايرىتىۋېتىڭ...

2009-03-06T21:16:00.008+02:00

بىز ئىشلەتكەن ubuntu مۇ ياڭراپ تۇرمىسا ئاسان زېرىكىپ قالامدۇقكىن دەيمەن. ubuntu ئەسلىدە بار ubuntu قويغۇچلىرىنىڭ ئىقتىدارى چەكلىك بولۇپ، نۇرغۇن فورماتتىكى ئۈن-سىنلارنى قوللىمايدۇ. تۆۋەندىكى ئۇسۇل بىلەن MPlayer نى ئورنىتىۋالسىڭىز نۇرغۇن فورماتتىكى ئۈن - سىنلارنى قويۇشتىن قىينالمايسىز. mpeg 1/2/4, DivX 3/4/5, windows media 7/8/9, real audio/video نىڭ 9-نەشىرىگىچە، quicktime 5/6، vivo 1/2 ۋە باشقا نۇرغۇن فورماتلار بار. vcd/dvd قويۇش ئىقتىدارلىرى بار.

MPlayer نى ubuntu 8.1 گە ئورنىتىش

sudo gedit /etc/apt/sources.list

يۇقارقى كوماندا بىلەن ئېچىلغان ھۈججەتتە بۇ ئىككى قۇر بارمۇ يوق قاراپ بېقىڭ، بولمىسا قوشۇپ قويۇڭ.

deb http://archive.ubuntu.com/ubuntu intrepid universe multiverse
deb-src http://archive.ubuntu.com/ubuntu intrepid universe multiverse

بۇ كوماندىنى ئىجرا قىلىڭ.

sudo apt-get update

sudo apt-get install mplayer

ئەمدى Applications—>Sound&Video—> Mplayer Movie Player دىن MPlayer نى كۆرەلەيسىز.

sudo apt-get install smplayer

بۇ كوماندا ئارقىلىق vcd/dvd قويۇش ئىقتىدارلىرىنى ئورنىتىسىز.

sudo apt-get install smplayer-themes

بۇ كوماندا ئارقىلىق چىرايلىق تېرىلىرىنى ئورنىتىسىز.

ھەر خىل windows قا خاس بولغان سىنلارنى قويۇش ئۈچۈن يەنە شۇلارغا بولغان قوللىغۇچى پىروگىراممىلارنى ئورنىتىشقا توغرا كېلىدۇ. بۇنىڭ ئۈچۈن تۆۋەندىكى بۇيرۇقلارنى ئىجرا قىلىڭ.

sudo wget http://www.medibuntu.org/sources.list.d/intrepid.list --output-document=/etc/apt/sources.list.d/medibuntu.list

sudo apt-get update

sudo apt-get install medibuntu-keyring

sudo apt-get update

sudo apt-get install w32codecs libdvdcss2

ئاخىرىدا firefox جاھاننامىسىگە بولغان قوللاشنى ئورنىتىۋالسىڭىز تور بەتلەرگە قىستۇرۇلغان ئۈن-سىنلارنى بىمالال كۆرەلەيسىز.

sudo apt-get install mozilla-mplayer

windows قاچىلىغاندىن كېيىن ubuntu نى ئەسلىگە كەلتۈرۈش

2009-03-06T20:43:00.009+02:00

بۇ يازمىدا قانداق قىلىپ boot-loader يەنى قوزغاتقۇچى پىروگىراممىنىڭ كاشىلىسىدىن قۇتۇلۇش ياكى ئەسلىگە كەلتۈرۈش چۈشەندۈرۈلىدۇ. بۇ مەسىلە دائىم windows نى قايتا قاچىلىغاندىن كېيىن كۆرۈلگەچكە موشۇنداق تېما قويدۇم.

1. ubuntu نىڭ قوزغاتقۇچى دېسكىسىدىن قوزغىتىڭ. 8.04 ياكى ئۇنىڭدىن كېيىنكى نەشىرىنى ئىشىلتىڭ.

2. تېكىست كۆزنىكىنى ئېچىڭ.يەنى Applications -> Accessories -> Terminal

3. تۆۋەندىكى كوماندا ئارقىلىق grub قا root ھوقۇقىنى بېرىڭ.

sudo grub

4. بۇ كوماندىنى ئىجرا قىلسىڭىز مۇنداقراق بىر نەرسىگە ئېرىشىسىز. مەسلەن (hd1 , 5)

find /boot/grub/stage1

ئەگەر Error 15: File not found دېگەن خاتالىق چىقىۋالسا، تۆۋەندىكى كوماندىنى سىناپ كۆرۈڭ.

find /grub/stage1

5. ئەمدى بۇ كوماندىنى بېرىڭ.

grub> root (hdX,Y)

x, y لار ئابايا ئېرىشكەن 1 ۋە 5 دېگەندەك سانلاردىن ئىبارەت.
6. Grub نڭ قاچىلاڭ.

grub> setup (hd0)

7. چېكىنىڭ.

grub> quit

ئەمدى قاتتىق دېسكىدىن قوزغاتسىڭىز Grub ئەسلىگە كېلىدۇ.

Grub قايتا ئورناتقاندىن كېيىن windows قوزغالماي قېلىشى مۇمكىن. /boot/grub/menu.lst ھۈججىتىنى تەھرىرلەش ئارقىلىق بۇنى تۈزىتىۋالغىلى بولىدۇ. (menu.lst دىكى L نىڭ كېچىك يېزىلىشى)

gksu gedit /boot/grub/menu.lst

بۇ كوماندا ئارقىلىق ئۇ ھۈججەتنى ئېچىڭ. (ubuntu دا.)

title Windows XP/Vista # You can use any title you wish, this will appear on your grub boot menu
rootnoverify (hd0,0) #(hd0,0) will be most common, you may need to adjust accordingly
makeactive
chainloader +1

يۇقارقى كودنى ئۇ ھۈججەتكە قوشۇپ قويسىڭىز بولىدۇ. بۇنىڭ ئىچىدىكى (hd0, 0)قىسمى كۆپ قىسىم كومپىيۇتېرلارغا ماس كېلىدۇ. ئەگەر سىزنىڭ windows ىڭىز c دېسكىغا ئورنىتىلمىغان بولسا بەلكىم ئۇنى ئۆزگەرتىشىڭىز مۇمكىن.

تېخىمۇ كۆپ grub مەسىلىلىرىگە ئائىت ماتىرياللارنى بۇ يەردىن كۆرۈڭ.

ubuntu رىڭىز قوزغالماي قالسا...

2009-03-06T19:13:00.010+02:00

ubuntu ئىشلەتكۈچىلەر دۇچ كېلىدىغان بىر تاسادىبىي خەتەر سېستىمىڭىز خاتالىق يۈز بېرىپ قوزغىلالماي قېلىشى مۇمكىن، شۇنداق، ubuntu بەزىدە موشۇنداق ئەھۋالغا ئۇچرايدۇ، بىراق بۇ ubuntu نىڭ ناچار ئىكەنلىكىدىن دېرەك بەرمەيدۇ. ubuntu يەنىلا ناھايتى سۆيۈملۈك، ئىلغار سېستىما. تۆۋەندە مەن قانداق قىلىپ سېستىمىنىڭ قوزغىلالماي قېلىشىنىڭ ئالدىنى ئېلىش، ئەگەر راستىنلا شۇنداق ئەھۋالغا دۇچ كەلگەندە قانداق قىلىش كېرەكلىكىنى تونۇشتۇرىمەن.

1-قائىدە: ئەگەر ubuntu بىلەن windows تەڭ قاچىلانغان كومپىيۇتېرغا windows نى قايتا قاچىلاش تۈپەيلىدىن ubuntu قوزغالماي قالغان بولسا، ھەرگىز ubuntu نى قايتا قاچىلىۋەتمەڭ. چۈنكى بۇ پەقەت Grub يەنى يول باشلىغۇچى پىروگىراممىنىڭ ئۆچۈپ كەتكەنلىكىدىنلا بولىدۇ. ئەسلىدىكى ubuntu يەنىلا ئۆز جايىدا ساپساق. تۆۋەندىكى تېمىدا بۇ مەسىلىنى ھەل قىلىش چۈشەندۈرۈلدى.

windows قاچىلىغاندىن كېيىن ubuntu نى ئەسلىگە كەلتۈرۈش

2-قائىدە: ماسلاشتۇرغۇچى پىروگىرامما - 驱动程序 - driver - ئورناتقاندا ئەگەر خاتالىق يۈز بەرسە، ھەرگىز كومپىيۇتېرنى قايتا قوزغاتسام تۈزۈلۈپ قېلىشى مۇمكىن دەپ خام خىيال قىلىپ كومپىيۇتېرنى قايتا قوزغىتىۋەتمەڭ!!!!
بۇ ساۋاقنى مەن "قاراڭغۇ يەكشەنبە" دەپ ئاتالغان ئۆتكەن ھەپتىنىڭ ئاخىرىدا بېشىمدىن ئۆتكۈزگەن. شۇ چاغدا مېنىڭ بېشىمغا ئىككى ئىش كەلگەن. بىرى ئۆزەمنىڭ ئامراق ئىشىلتىۋاتقان thinkped r51e كومپىيۇتېرىمنىڭ ئېكرانى ئۆلدى. شۇنىڭ بىلەن ئۇنى چۇۋۇۋەتتىم.ئۇنى ھازىرغىچە تۈزىيەلمىدىم.

يەنە بىرى ئۆزەم ئىشىلتىۋاتقان شىركەتنىڭ dell D620 نى سىمسىز تورغا چىقىش مەسىلىسىنى ھەل قىلىمەن دەپ بۇ تور بېكەتتىن سىمسىز تور كارتىسىنىڭ ماسلاشتۇرغۇچى پىروگىراممىسىنى چۈشۈرۈپ قاچىلىدىم.
http://linuxwireless.org/en/users/Download
ماسلاشتۇرغۇچى پىروگىراممىنى قوزغاتقاندا مەسىلە كۆرۈلدى. شۇنىڭ بىلەن مەن windows تىكى ئادىتىم بويىچە، ھەممە ئىشلارنىڭ ھەل قىلىش چارىسى قايتا قوزغىتىش دەپلا كومپىيۇتېرنى قايتا قوزغىتىۋېتىپتىمەن. شۇنىڭ بىلەن ubuntu قايتا قوزغالماي تۇرىۋالدى بەك جاپا تارتىپ كەتتىم، نۇرغۇن سىناقلار ئارقىلىق ئاخىرى ئەسلىگە كەلتۈردۇم. چۈنكى ubuntu نى قايتا قاچىلاشقۇ ئاسان، بىراق دېسكىدا مېنىڭ ئىككى ئايلىق خىزمىتىم بار ئىدى يەنە كېلىپ ئۇ دېسكا مەخپىيلەشتۇرۇلگەن بولغاچقا باشقا ئامال يوچ ئىدى. قۇرۇق گەپنى توختىتىپ بۇزۇلغان ubuntu نى قانداق قىلىپ قوزغاتقانلىقىمنى سۆزلەي.

ماڭا ئېنىقكى مەسىلە چوقۇم سېستىما قوزغالغان چاغدا بايا ئورناتقان ماسلاشتۇرغۇچى پىروگىراممىنى قوزغىتالماسلىقتىن چىققان ئىدى. ئۇ module نىڭ ئىسمى iwl3945 بولۇپ، سېستىما يادروسى قوزغىلىپ بولغاندىن كېيىن بارلىق سېستىمىغا كېرەكلىك بولغان ماسلاشتۇرغۇچى پىروگىراممىلارنى ئورۇنلاشتۇرغاندا چىققان ئىدى. شۇڭلاشقا ھەل قىلىش چارىسى ئەلۋەتتە مەسىلە بار module نى قوزغىتىشتىن چەكلەش. Google ئەپەندىدىن تولا سوراپ يۈرۈپ ئاخىرى ئۇبانتۇنىڭ ئىچىدە /etc/modprob.d/blacklist دەيدىغان بىر ھۈججەتنىڭ بارلىقىنى ، ئەگەر شۇ ھۈججەتنىڭ ئارقىغا blacklist iwl3945 دەپ قوشۇپ قويساملا سېستىما قوزغاتقاندا موشۇ قارا تىزىملىكتىكى مودۇلنى قوزغاتمايدىغانلىقىنى بىلدىم.

بىراق مەسىلە سېستىما پەقەتلا قوزغالمىغاچقا ماڭا ئۇ ھۈججەتنى ئېچىپ تەھرىرلەشكە ئامال يوق ئىدى. ئەگەر قاتتىق دېسكا مەخپىيلەشتۈرۈلمىگەن بولسىمۇ، ubuntu نىڭ دېسكىسىنى سېلىپلا قوزغىتىپ ئاندىن بۇ ھۈججەتنى تەھرىرلەش ئىمكانىيتى بار ئىدى. كۆپ ئىزدىنىپ ئاخىرى ubuntu يادروسىنىڭ قوزغىتىش پارامىتىرلىرىنى ئۆزگەرتىش ئارقىلىق ubuntu نى بىخەتەر ھالەتتە قوزغاتقىلى بولىدىغانلىقىنى بىلدىم.

دىققەت: ئەگەر سىزنىڭ يولۇققىنىڭىز ئادەتتىكى مەسىلە بولسا مەن بايا دېگەندەك دېسكىدىن قوزغىتىش ئۇسۇلىنى ئاۋال سىناپ بېقىڭ. چۈنكى ئۇ ئاسانراق. يەنە بىر خىل ئامال Grub نىڭ ئىچىدىن recovery mode دېگەننى تاللىسىڭىزمۇ قوزغىلىپ كېتىشى مۇمكىن. بۇ يەردە سۆزلەنگەن ئۇسۇلنى ئەڭ ئاخىرىدا ئىشلەتسىڭىز بولىدۇ.

سېستىما قوزغىلىپ بۇ ھالەتكە كەلگەندە، بىرىنجى ياكى ئىككىنجى ئۇسۇلنى تاللاپ، e نى باسىسىز. شۇنىڭ بىلەن سېستىما تۆۋەندىكى يادرو قوزغىتىش پارامېتىرلىرىنى تەھرىرلەش ھالىتىگە كېلىدۇ.

نۇر بەلگىسىنى kernel يەنى يادرو دېگەن قۇرغا توغىرلاپ يەنە e نى بېسىڭ. شۇنىڭ بىلەن بۇ قۇردىكى پارامېتىرلارنى تەھرىرلەش ھالىتىگە كىرىسىز. تۆۋەندىكى رەسىمدىكىدەك.

ro يەنى read-only دېگەن مەنىدە بولۇپ، بۇ ھالەتتە قوزغاتسىڭىز قاتتىق دېسكىنى پەقەت ئوقۇغۇلىلىلا بولىدىغان ھالەتتە ئاچىدۇ، بۇنداق ھالەتتە ھەر قانداق ئۆزگەرتىشلىرىڭىز بىكار بولۇپ كېتىدۇ. شۇڭلاشقا ئۇنى rw يەنى read-write دەپ ئۆزگەرتىڭ.
ئاخىرىدا بۇ قۇرنىڭ كەينىگە break=init دەپ قوشۇڭ. شۇنىڭدا سېستىما قوزغىتىلىش دەۋرىدە،
باشقا پىروگىراممىلارنى قوزغىتىش ئالدىدا توختايدۇ.

تېخىمۇ كۆپ يادرو قوزغىلىش پارامېتىرلىرىنى بۇ يەردىن كۆرۈڭ.

ئەمدى enter نى بېسىپ قايتىڭ، ئاندىن b نى بېسىپ سېستىمىنى قوزغىتىڭ.
سېستىمىڭىز ئەمدى قوزغىلىپ، تېكىست ھالىتىگە كىرىدۇ. help كوماندىسى ئارقىلىق بۇ ھالەتتە ئىجرا قىلغىلى بولىدىغان بارلىق كوماندىلارنى كۆرەلەيسىز. شۇنى ئېسىڭىزدە تۇتۇشىڭىز كېرەككى، ئەسلىدىكى قاتتىق دېسكىدىكى ھۈججەت سېستىمىسى ھازىرقى ھالەتتە root دېگەن مۇندەرىجىگە ئۇلىندۇ. يەنى ھازىرقى ھالەتتە / مۇندەرىجىسىنىڭ ئاستىدىكى ھۈججەت سېستىمىسى ئىچكى ساقلىغۇچتىكى مەۋھۈم ھۈججەت سېستىمىسى. /root مۇندەرىجىسىنىڭ ئاستىدىكىلا ھەقىقىي قاتتىق دېسكىدىكى ھۈججەت سېستىمىسى.

ئاخىرىدا مەن تۆۋەندىكى بۇيرۇق ئارقىلىق مۇۋەپپىقىيەتلىك ھالدا "blacklist iwl3945" نى /etc/modprob.d/blacklist ھۈججەتنىڭ كەينىگە قوشالىدىم.
echo "blacklist iwl3945" >> /root/etc/modprob.d/blacklist
more /root/etc/modprob.d/blacklist
كوماندىسى ئارقىلىق بۇنى تەكشۈرۈپ كۆرگىلى بولىدۇ.
سېستىمىنى قايتا قوزغاتقانتىم ئەسلىگە كەپتۇ. شۇنىڭ بىلەن ھېلىقى گەپ ئاڭلىمايدىغان ماسلاشتۇرغۇچى پروگىراممىنى make uninstall بۇيرۇقى بىلەن ئۆچۈرىۋەتتىم. ئۇ مەسىلىنىمۇ كېيىن بۇ تېمامدىكى ئامال بىلەن تۈزىتىۋالدىم.

ubuntu دا سىمسىز تورغا چىقىش

ubuntu دا rar شەكلىدە پرىسلانغان ھۈججەتلەرنى يېشىش

2009-03-06T18:47:00.007+02:00

ھازىرقى ubuntu لار گەرچە نۇرغۇن شەكىلدىكى پرىسلانغان ھۈججەتلەرنى يېشەلىسىمۇ، لېكىن قانۇنىي مەسىلە تۈپەيلىدىن rar شەكلىدىكى ھۈججەتلەرنى يېشىش ماتورىنى قوشۇپ تارقاتمايدۇ، بىراق بۇ شەكىلدىكى پىرىسلانغان ھۈججەتلەر windows دا كۆپ قوللىنىلدۇ. بۇ خىلدىكى ھۈججەتلەرنى يېشىش ماتورىنى ئورنىتىش ئۇچۈن تۆۋەندىكى كوماندىنى ئىجرا قىلىڭ.

sudo apt-get install unrar

كومپىيۇتېرىڭىز تورغا ئۇلاقلىق ھالەتتە ئىجرا قىلسىڭىز بۇ كود يەشكۈچى پىروگىراممىنى ئاسانلا سىزگە ئورنىتىپ بېرىدۇ. شۇنىڭدىن كېيىن سىز unrar دېگەن كوماندىنى ئىجرا قىلىش ياكى مائۇسنىڭ ئوڭ كونۇپكىسىنى چېكىپ extract this file نى تاللاش ئارقىلىق بۇ خىلدىكى ھۈججەتلەرنى ئاسانلا يېشەلەيسىز.

ubuntu دا سىمسىز تورغا چىقىش

2009-03-06T15:33:00.009+02:00

ubuntu نىڭ قاتتىق دېتاللارغا بولغان قوللىشى يامان ئەمەس، نۇرغۇن جايلىرىنى تەڭشەپ ئولتۇرۇش ھاجەتسىز، بىراق Dell D620 دېگەندەك خاتىرە كومپىيوتېرلاردا سىمسىز تورغا چىقىشقا توغرا كەلگەندە يەنىلا ئانچە مۇنچە تەڭشەش كېرەك بولىدۇ.

كۆپلىگەن سىمسىز تور كارتىلىرىنى ھازىر ubuntu ئۆزىلا تونۇيدۇ. ئەگەر تونۇمىسا تۆۋەندىكى بەتتىن مۇۋاپىق ماسلاشتۇرغۇچى پروگىراممىنى تاپىمىز.

https://help.ubuntu.com/community/WifiDocs/WirelessCardsSupported

ئۆزىڭىزنىڭ كارتىسىنىڭ قانداق كارتا ئىكەنلىكىنى بىلىش ئۈچۈن بۇ كوماندىنى ئىشىلتىڭ:

lspci -v | less

wireless دېگەننى ئۆز ئىچىگە ئالغان قۇردا كۆرسىتىلگىنى سىزنىڭ تور كارتىڭىز بولىدۇ.

system->preference->networking دېگەن يەردىن سىمسىز تورغا تەڭشەش ئېلىپ بارغىلى بولىدۇ. بىراق بۇنداق ئىشلەتكەندە سەل ئاۋارىچىلىق بولىدۇ. بۇنىڭ ئۇچۈن بىر نەچچە يۇمشاق دېتال بولاقلىرىنى چۈشۈرۈپ قاچىلىشىڭىزغا توغرا كېلىدۇ. يەنى network-manager, wifi-radarۋە network-manager-gnome دېگەندەك.
قاچىلاش ئۇسۇلى ئاساسەن ئوخشاش يەنى:

sudo apt-get install [بولاق ئىسمى]

system->preference->network نى ئېچىپ unlock ئارقىلىق ئاچقاندىن كېيىن wireless connection نى تاللاپ properties نىڭ ئىچىدىن enable roaming mode دېگەننى تاللاپ قويساقلا سىمسىز تورنى ئۆزى wifi-radar ئارقىلىق تېپىپ ئۇلىندۇ. ئەگەر مەخپىي نومۇرى بار شەخسىي سىمسىز تورغا ئۇلىماقچى بولساق سىمسىز تورنىڭ ئىسمى ۋە مەخپىي نومۇرى قاتارلىقلارنى كىرگۈزگەندىن كېيىن enable roaming mode نى تاللاپ قويساقلا بولىدۇ. بۇ چاغدا ئۈستەلنىڭ ئوڭ تەرەپ ئۈستى تەرىپىدە ئىنتېرنېت ئۇلىنىشلىرىنى كۆرسىتىدىغان يېرىدە بار بولغان سىمسىز تورلارنىڭ تىزىملىكى كۆرۈنىدۇ. شۇلارنىڭ خالىغىنىنى تاللاپ سىمسىز تورغا ئۇلىۋالغىلى بولىدۇ.

ئاخىرىدا ئۆزەم يولۇققان بىر كاشىلا ۋە ئۇنى قانداق ھەل قىلغانلىقىم توغىرلىق قىسقىغىنە توختىلاي.
مەن ئىشلەتكەن Dell D620 ubuntu نى ئورنىتىپ بولغاندىن كېيىن سىمسىز تورغا پەقەت چىققىلى ئۇنىمىدى. سىمسىز تور مۇلازىمىتى بار جايلاردىمۇ سىمسىز تورنى پەقەت بايقىيالمىدى. بىراق lspci دىن سىمسىز تور كارتامنى توغرا تونىغانلىقىنى بىلدىم. sudo ifconfig wlan0 up ئارقىلىق سىمسىز كارتىنى قوزغاپ باقماقچى بولساممۇ بولمىدى. ئاخىرى sudo less /var/log/syslog كوماندا ئارقىلىق سېستىمىنىڭ كۈندىلىك خاتىرىسىنى تەكشۈرگەندە تۆۋەندىكىدەك قۇرلارنى بايقىدىم.

Mar 3 22:43:10 ubuntu kernel: [10815.193487] firmware: requesting iwlwifi-3945-1.ucode
Mar 3 22:43:10 ubuntu firmware_helper[20163]: main: error loading '/lib/firmware/iwlwifi-3945-1.ucode' for device '/devices/pci0000:00/0000:00:1c.1/0000:03:00.0/firmware/0000:03:00.0' with driver '(unknown)'
Mar 3 22:43:10 ubuntu kernel: [10815.198958] iwl3945: iwlwifi-3945-1.ucode firmware file req failed: Reason -2
Mar 3 22:43:10 ubuntu kernel: [10815.198967] iwl3945: Could not read microcode: -2
Mar 3 22:43:10 ubuntu kernel: [10815.199082] iwl3945 0000:03:00.0: PCI INT A disabled

بۇنىڭ دېمەكچى بولغىنى /lib/firmware دېگەن جايدىن iwlwifi-3945-1.ucode دېگەن ھۈججەتنى تاپالمىدىم بولۇپ بۇ linux يادروسىنىڭ 2.6.24 ۋە 2.6.27 نەشىرلىرىنىڭ پەرقى تۈپەيلىدىن كېلىپ چىققان ماسلاشتۇرغۇچى پىروگىراممىنىڭ چاتىقى ئىكەن. نۇرغۇن Google دىن سوراش ئارقىلىق ئەڭ ئاخىرقى ھەل قىلىش ئۇسۇلى تۆۋەندىكى ئورۇندىن ماس كېلىدىغان ucode ھۈججىتىنى چۈشۈرۈپ /lib/firmware نىڭ ئاستىغا كۆچۈرۈپ قويۇش بولدى.
http://intellinuxwireless.org/?n=Downloads
ھۈججەتنى چۈشۈرۈپ يەشكەندىن كېيىن ئىسمى iwlwifi-3945-1.ucode بولماسلىقى مۇمكىن، مەسلەن مەن چۈشۈرۈپ يەشكەندە iwlwifi-3945-2.ucode ئىكەندۇق. ئۇنىڭ ئىسمىنى ئۆزگەرتىپ كۆچۈرۈپ قويسىڭىز تامامەن بولىدۇ. ئاخىرىدا بىر قېتىم قايتا قوزغىتىش كېرەك بولىدۇ.

SymbianSigned ھەققىدە چۈشەنچە

2009-02-17T17:02:00.006+02:00

كۈمۈش ئوق كىرگۈزگۈچنى ئېلان قىلغاندىن كېيىن نۇرغۇن دوستلار نېمىشقا ئۇنى ئورنىتىش ئۈچۈن يانفوننى يېشىش كېرەكلىكىنى چۈشەنمەي قالدى، بەزىلەر مەندىن بىرەر ئامال تاپسىڭىز بولمامدۇ دەپ سوراشتى، مەن بۇنىڭ پەقەت بىرلا ئامالى بار، يەنى پۇل خەجلەپ symbian signed تىن ئۆتكۈزۈش دەپ جاۋاب بەردىم. تۆۋەندە بۇ ھەقتە ئازراق توختىلىمەن.

نېمىشقا symbian يانفونلارغا ئورنتىىلغان يۇمشاق دېتاللارنىڭ بىخەتەرلىك مەسىلىسىگە ئالاھىدە دىققەت قىلدىغانلىقى ھەققىدە يانفونلارغا يۇمشاق دېتال ئورنىتىش دېگەن تېمىدا تەپسىلىي توختالغان، يەنى خاككېرلارنىڭ كىشىلەر يانفونىدىكى پۇلنى خالىغانچە ئىشىلتىپ كەتمەسلىكى ئۈچۈن، چۈنكى بۇنى پىروگىرامما ئارقىلىق ئەمەلگە ئاشۇرغىلى بولىدۇ، شۇڭلاشقا symbian شىركىتى بۇنداق ئىقتىدارلاغا ئىگە پىروگىراممىلارنىڭ كەڭ تارقىلىپ كېتىشىنىڭ ئالدىنى ئېلىش ئۈچۈن پىروگىراممىلارنى بىخەتەرلىك دەرىجىسىگە ئايرىغان، ھەم شۇ دەرىجىگە ئاساسەن قانداق سىناقلاردىن ئۆتكۈزۈش كېرەكلىكىنى بېكىتىپ چىققان. مانا بۇ سىناقلاردىن ئۆتكەن دېتاللارلا بارلىق يانفونلارغا ھېچقانداق ئاۋارىچىلىقسىز بىۋاستە قاچىلىغىلى بولىدۇ. بىراق بۇنداق سىناق ئۈچۈن دوللار خەجلەيدىغان گەپ، بەزىلەر مەندىن زادى قانچىلىك پۇل كېتىدۇ دەپ سوراشتى، مەن ئۆز مۆلچىرىمچە ھېسابلىسام كەم دېگەندە 300 دوللاردىن ئارتۇق پۇل كېتىدۇ. تۆۋەندە بۇ پۇلنىڭ قانداق خەجلىندىغانلىقىنى چۈشەندۈرىمەن.
بىز symbian signed نىڭ باش بېتىگە چىقىپ قاراپ باقايلى، بۇ يەردىن ئەڭ يېڭى ئۇچۇرلارغا ئىگە بولالايمىز.
ئادرىسى:
http://www.symbiansigned.com
تۆۋەندىكى سۈرەت ئۇلارنىڭ ئەڭ يېڭى مۇلازىمىتىكەن. دېمەك ھازىر تۆت خىل مۇلازىمەت بار دېگەن گەپ.يەنى open signed online, open signed offline, express signed, certified signed.

ئاۋۋال publisher id بىلەن imei restriction دېگەنگە ئىزاھات بېرەي.
publisher id دېگىنى بىر يىلدا 200 دوللار دېگەن گەپ. يەنى بۇلاردىن يىللىقىنى 200 دوللاردىن سېتىۋالىدىغان سىزنىڭ سالاھىيتىڭىزنى بىلدۈرىدىغان بىر نومۇر. ئەگەر سىزنىڭ ئىمزا شەكلىڭىز بۇنى تەلەپ قىلسا سىز كام دېگەندە 200 دوللار خەجلەيدىغانلىقىڭىزنى چۈشەندۇرىدۇ.
imei restriction دېگىنى مەلۇم بىر ياكى بىر نەچچە ئېنىق imei دىكى يانفونلارغىلا قاچىلىغىلى بولامدۇ ياكى بارلىق يانفونلارغا قاچىلىغىلى بولامدۇ دېگىنى. دېمەك كۈمۈش ئوق كىرگۈزگۈچنى كۆپچىلىككە قولايلىق قىلىش ئۈچۈن ئەلۋەتتە بارلىق يانفونلارغا قاچىلىغىلى بولىدىغان قىلىشىمىز كېرەكتى. شۇڭلاشقا بىزنىڭ پەقەت ieme restriction no بولغان ئاستىدىكى ئىككى تۈرلا ماس كېلىدۇ. يۇقارقى ئىككى خىل تاللاش بىزگە ماس كەلمەيدۇ، ئۇ پەقەت يۇمشاق دېتال يازىدىغانلارغىلا ماس كېلىدۇ.
يامان بولغىنى تۆۋەندىكى ئىككى تاللاش يەنى express signed بىلەن certified signed ئىككىلىسىلا publisher id تەلەپ قىلىدۇ. 200 دوللارنى خەجلىمىسەك بولمايدۇ دېگەن گەپ. يەنە قاراپ باقايلى.

Express Signed offers a fast and cost effective signing route for most applications, with some restrictions on the Capabilities available....
مانا بۇ express signedنىڭ چۈشەندۈرۈشى، يەنى بۇنىڭ بىلەن ئىمزا قويۇلغان يۇمشاق دېتاللارغا مەلۇم چەكلىمىلەر قويۇلغان. ئۇنداقتا بىزنىڭ كۈمۈش ئوق كىرگۈزگۈچ قانداق ئىقتىدارلارنى تەلەپ قىلىدۇ؟
كىرگۈزگۈچنىڭ ئاساسىي قىسمى بىر fep plugin دەيدىغان قۇرۇلما بويىچە ياسالغان بولۇپ بۇنى سىمبىيەن كەلگۈسىدىكى كىرگۈزگۈچ ياسىغۇچىلار ئۈچۈن ئالاھىدە بېكىتكەن، بۇ كىرگۈزگۈچ يانفوندىكى بارلىق باشقا پىروگىراممىلار تەرىپىدىن ئىشىلتىلدۇ، شۇڭا ئۇ يادروغا بىۋاستە باغلانغان بولىدۇ. يەنى سىز كىرگۈزگۈچ ئارقىلىق يانفوننىڭ خەت يازغىلى بولىدىغانلكى يېرىگە خەت يازالايسىز، بۇ باشقا پىروگىراممىلار تەرىپىدىن ئىشىلتىلگەنلىكىنى چۈشەندۈرىدۇ. شۇ سەۋەبلەر تۈپەيلى symbian بۇنداق يۇمشاق دېتاللارنىڭ كېرەكلىك ھوقۇقىنى ئەڭ يۇقىرى قىلىپ بېكىتكەن، شۇ سەۋەبتىن بىزنىڭ express signed نى ئىشىلتىش ھوقۇقىمىز يوق، express signed ئارقىلىق ئىمزا قويساق ئورناتقان ۋاقىتتا 权限不足دېگەن خاتالىق ئۇچۇرى چىقىۋېلىپ ئورنىتىلمايدۇ. ئاخىرىدا بىزنىڭ پەقەت ئەڭ ئاخىرقى تاللىشىمىز certified signقالدى.
ئەمدى جەدىۋەلدىكى ئەڭ ئاخىرقى بىر ئاتالغۇindependent test house دېگەنگە چۈشەنچە بېرەي، بۇنىڭ مەنىسى چوقۇم symbian بېكىتكەن symbian signed سىناق مۇلازىمىتى بىلەن تەمىنلەيدىغان شىركەتلەرگە بېرىپ بۇنى سىناتقۇزۇش كېرەك. شۇلارنىڭ سىنىقىدىن ئۆتكۈزسەك ئاندىن بۇ ھوقۇققا ئېرىشەلەيمىز، يەنە تېخى ھەر بىر يېڭى نەشىرىنى ئېلان قىلغاندا يەنە بىر قېتىم قايتىلاش توغرا كېلىدۇ. بۇنىڭغا مەلۇم خىراجەت كېتىدۇ. مەن ئەڭ ئاز دېگەندە 100 دوللار دەپ پەرەز قىلدىم، ئەمىليەتتە بۇنىڭدىن كۆپ بولۇشى ئېنىق. شۇ سەۋەبلەر تۈپەيلىدىن كۈمۈش ئوق كىرگۈزگۈچنى ئورنىتىش ئۇچۇن يولۇققان ئاۋارىچىلىققا ئۆزرىلىكمەن، مەن ئەڭ ئاسان يول بىلەن ئورنىتىش يانفوننى يېشىش ئۇسۇلىنى كۆرسىتىپ بەردىم. ئەگەر يانفونىڭىزنىڭ سېستىمىسىنى يېڭىلىۋەتكەن بولسىڭىز بۇ ئۇسۇلمۇ ئەسقاتماسلىقى مۇمكىن. شۇڭلاشقا كۆپچىلىكنىڭ توغرا چۈشىنىشىنى ئۈمىد قىلىمەن.

Tesseract OCR

2009-02-14T09:30:00.010+02:00

Tesseract OCR-Optical Character Recognition ئەسلىدە سودا خاراكتېرلىك OCR ماتورى بولۇپ، ئۇ ئەسلىدە HP تەرىپىدىن 1985-يىلدىن 1995-يىلغىچە ئون يىل تەتقىق قىلىپ ئىشلەنگەن. 1995 - يىلىغا كەلگەندە بۇ OCR ماتورى دۇنيادىكى ئەڭ ياخشى ئۈچ OCR ماتورىنىڭ بىرى بولۇپ قالغان. 2005-يىلى HP تەرىپىدىن كودى ئېلان قىلىۋېتىلگەن. ھازىر ئۇ ماتور گۇگىل تەرىپىدىن تېخىمۇ تەرەققىي قىلدۇرۇلۇپ ياسىلىۋاتىدۇ.

كود ئاساسەن Apache 2.0 License دا ئېلان قىلىنغان. tesseractTrainer.py قىسمى GPL ئىجازەتنامىسى بويىچە ئېلان قىلىنغان.
قوللايدىغان سېستىمىلار:

Ubuntu 6.06 (x86/32, x86/64)
Ubuntu 6.10 (x86/32, x86/64)
Windows (x86/32)
recent Linux distributions (x86/32, x86/64)
Mac OS X (x86, PPC)

ئەڭ يېڭى ئىككىنجى نەشىرىنىڭ يېڭى ئىقتىدارلىرى:

ئېنگىلىزچە، فرانسۇزچە، ئىتالىيانچە، گېرمانچە، ئىسپانچە، دانىيەچە قوللايدۇ.
باشقا تىللاردا مەشىق قىلدۇرۇشنىمۇ قوللايدۇ.

Support for English, French, Italian, German, Spanish, Dutch
Scripts to test accuracy against the original 1995 tests run by UNLV
Ability to train in other languages and scripts

يېتەرسىزلىكلىرى:
Tesseract باشتا پەقەت ئىنگىلىزچە قوللاش ئۈچۈنلا ياسالغان بولۇپ، كېيىن ئۆزگەرتىلىش ئارقىلىق 2-نەشىرىدىن باشلاپ يۇنىكودلۇق تىللارنى قوللاشقا باشلىغان. بىراق ھازىرچە پەقەت سولدىن ئوڭغا يېزىلدىغان تىللارنىلا قوللايدىكەن، ئوڭدىن سولغا يېزىلدىغان تىللارنى ئازراق تونۇيدىكەن، بىراق نەتىجىسىنى سولدىن ئوڭغا قىلىپ چىقىرىپ بېرىدىكەن. ئاستىدىن ئۈستىگە ياكى ئۈستىدىن ئاستىغا يېزىلدىغان تىللارنى چورتلا قوللىمايدىكەن، خەنزۇچە قاتارلىق خەت سانى 256 دىن ئېشىپ كېتىدىغان تىللاردا بەك ئاستا ئىشلىگەچكە ئاساسەن ئىشلەتكىلى بولمايدىكەن. ئەرەبچىگە ئوخشاش ئۇلىنىپ يېزىلدىغان تىللارنى قوللاش ئۈچۈن بەزى يېڭى ئالاھىدە ئالگورىزىملارنى قوشۇشقا توغرا كېلىدىكەن، ھازىرچە بۇنداق ئالگورىزىم تېخى قوشۇلماپتۇ.
باش بېتى:http://code.google.com/p/tesseract-ocr/

مۇناسىۋەتلىك تۈرلەر:

ocropus :http://code.google.com/p/ocropus/

ocropus بولسا Tesseract OCR غا مۇناسىۋەتلىك يەنە بىر گۇگىلنىڭ تۈرى بولۇپ، ئۇنىڭ ئاساسلىق ۋەزىپىسى Tesseract OCR ماتورىنىڭ بەت يۈزىنى ئانالىز قىلىش ئىقتىدارىنى ئاشۇرۇش ۋە شۇ ئارقىلىق مۇرەككەپ بەت شەكلى، بۆلەكلەردىن تېكىستلەرنى توغرا ئانالىز قىلىپ چىقىش. ھازىر Tesseract OCR كېيىنكى قەدەمدە بۇ تۈرنى ئۆزىگە قوشۇۋېلىشنى ئويلىشىۋېتىپتۇ.

OCRopus Wiki

يەنە بىر تىلغا ئېلىشقا ئەرزىيدىغان تەجىربىخانا IUPR بولۇپ، ئۇلار OCROPUS نىڭ ئاساسلىق تەتقىقاتچىلىرى ئىكەن. بۇلارنىمۇ گۇگېل ئىقتىسادىي جەھەتتىن قوللايدىكەن.

IUPR:http://www.iupr.org

مۇناسىۋەتلىك خەۋەرلەر:

Google Relaunches OCR Software 2006-8-30
Announcing Tesseract OCR 2006-8-30
Open-Source OCR Software, Sponsored by Google 2007-4-10

مىللەتچىلەر ۋە مىللەتپەرۋەرلەر

2009-02-09T16:03:00.006+02:00

يېقىندا كاللامغا تۇيۇقسىز مىللەتچىلەر ۋە مىللەتپەرۋەرلەرنىڭ پەرقى توغىرلىق شۇنداق خىيال كېلىپ قالدى. ئۇلارنىڭ پەرقىنى مۇنداق ئاجىرتىشقا بولىدىكەن.

مىللەتچىلەر مىللەتنىڭ شوئارىنى ئەڭ ئۈنلۈك توۋلىغۇچىلاردۇر، بۇنداق كىشىلەرنىڭ كېيىن ئۆسۈپ يېتىلىپ مىللەتپەرۋەرلەرگە ئۆزگىرىش ئېھتىماللىقى بولسىمۇ، لېكىن ئۇنىڭ ئالدىدا ئۇلار ئۆزىنىڭ نېمە ئىش قىلىۋاتقانلىقى توغىرسىدا ئانچە ئېنىق تونۇشقا ئىگە بولمايدۇ. مىللەتچىلەرنىڭ مىللەتنى تەرەققىي قىلدۇرۇش، زامانىۋىلاشتۇرۇش ئىستىكى ناھايتى كۈچلۈك بولسىمۇ لېكىن قولىدىن كېلىدىغان ئەمىلىي ئىشلار چەكلىك بولىدۇ، ياكى كېچىك كۆرۈپ قىلمايدۇ. ئۇلار ئادەتتە ئۆزىنىڭ بەزى كېچىك نەتىجىلىرىنى كۆپۈرۈپ ئۇلۇغ قىلىپ كۆرسىتىشكە، شۇ ئارقىلىق ئۆزىگە جەڭ غەلبىسىگە ئېرىشكەندەك، باشقىلارغا قوماندانلىق قىلىۋاتقاندەك تۇيغۇغا كېلىشكە ئامراق كېلىدۇ. تېخىمۇ غەلىتە يېرى شۇكى بۇنداقلار ئادەتتە مىللەتنى ئانچە - مۇنچە سۆكۈپ تۇرۇشنى ئۆزىگە ئادەت قىلىۋالىدۇ. شۇنىڭدا ئۇلارنىڭ ئىلغارلىقى تېخىمۇ نامايەنلىنىدۇ. ئۇلار بەزى چاغلاردا مىللەتنىڭ ئىچىدىن قولىدىن ئىش كېلىدىغان كىشىلەرنىڭ ياكى چوڭراق ئىشلارنىڭ روياپقا چىقىشىنى ئانچە خالىمايدۇ، بەزى چاغلاردا ھەتتا بىزدە ئۇنچىلىك ئىقتىدار تېخى بارلىققا كەلمىدى ياكى پالانچى ئۇنداق مۇنداق دېگەندەك گەپلەر بىلەن كەسكىن ھۆكۈم چىقىرىدۇ، شۇنداق قىلىپ ئۆزىنىڭ يۇقىرى ئاۋازى ئارقىلىق باشقىلارنىڭ يولىنى توسىدۇ، چۈنكى مىللەت بەك تېز تەرەققىي قىلىپ كەتسە ئۇلار تەرەققىياتنىڭ كەينىدە قالغاندەك ھېسىياتقا كېلىپ قېلىشتىن تېخىمۇ قورقىدۇ. ئۇلار مەڭگۈ ئۆزىنىڭ مىللىتىنى ئاجىزە ئۆزىنى بولسا ئىلغارلىقنىڭ ۋەكىلى ۋە ساخاۋەتچى قىلىپ كۆرسىتىشنى خالايدۇ.
مىللەتپەرۋەرلەر بولسا مىللەتنىڭ تەرەققىي قىلىشىنى چىن كۆڭلىدىن خالىغۇچىلاردۇر، لېكىن ئۇلار كۆڭلىدىكىنى ئالدىراپ سىرتقا چىقارمايدۇ، ئۇلار كەمتەرلىك بىلەن ئاۋۋال ئەتراپىنى كۈزىتىدۇ، مىللەت ئۈچۈن تۆھپە قوشىدىغان كېچىككىنە ئىشلارنىمۇ بوش قويۇۋەتمەيدۇ، چوڭ گەپ قىلمايدۇ، ئۆزىنىڭ قىلغان ئەتكەنلىرىنى ھەممەيلەنگە بىلدۈرۈشكە ئۇنچە ئالدىرىمايدۇ. مىللەتنىڭ تەرەققىياتى جەريانىدا قولغا كەلتۈرگەن ھەر بىر نەتىجىسى ئۇلار ئۈچۈن زور خوشاللىق بېغىشلايدۇ، ھەم دەرھال كېيىنكى قەدەم ئۈچۈن ئۇلۇغۋار پىلانلارنى كۆڭلىگە پۈكىدۇ. مىللەتپەرۋەرلەر مىللەتچىلەرنىڭ ئۆزىدىن يىراقراق تۇرۇشىنى بەكرەك خالايدۇ.

كۈمۈش ئوق يۇمشاق دېتال ياساش ۋە ئۇيغۇرچىلاشتۇرۇش مۇلازىمىتى

2009-02-08T13:48:00.007+02:00

كۈمۈش ئوق يۇمشاق دېتال ياساش ۋە ئۇيغۇرچىلاشتۇرۇش مۇلازىمىتىگە كەلگىنىڭىزنى قارشى ئالىمىز!
كۈمۈش ئوق بىلوگى بۈگۈندىن باشلاپ ھەر خىل يۇمشاق دېتال ياساش ۋە يۇمشاق دېتاللارنى ئۇيغۇرچىلاشتۇرۇش مۇلازىمىتىنى يولغا قويۇشنى قارار قىلدۇق. مۇلازىمەت دائىرىسى تۆۋەندىكىچە:

Symbian S60 نىڭ 2- ۋە 3-نەشىرىدىكى يۇمشاق دېتاللارنى ئىشلەش ۋە ئۇيغۇرچىلاشتۇرۇش
Windows ۋە Linux يۇمشاق دېتاللارنى ئىشلەش ۋە ئۇيغۇرچىلاشتۇرۇش، بۇنداق يۇمشاق دېتاللار ئاساسلىقى C/C++ تىلىدا Gtk+ ياكى Qt يۇمشاق دېتال قورالىنى ئىشىلتىپ ياسىلدۇ، شۇڭلاشقا ياسالغاندىن كېيىن ئاساسەن بار بولغان بارلىق سېستىمىلاردا ئىجرا بولىدۇ.
Android يانفون يۇمشاق دېتاللىرى ئىشلەش ۋە ئۇيغۇرچىلاشتۇرۇش. بۇنىڭدا Java نى ئىشىلتىمىز.

ئەسكەرتىشلەر:
بىزنىڭ مۇلازىمەت دائىرىمىز ئاساسلىقى يۇقارقى دائىرىنى ئۆز ئىچىگە ئالىدۇ ۋە بۇ ئاساستا كېڭىيىشى مۇمكىن، بىراق تۆۋەندىكى دائىرىلەرنى ئۆز ئىچىگە ئالمايدۇ.

تور بەت ياساش ۋە ئۇيغۇرچىلاشتۇرۇش
كودى يوق يۇمشاق دېتاللارنى ئۇيغۇرچىلاشتۇرۇش
ئېلان ئىشلەش، سۈرەت تەھرىرلەش

ئەگەر سىزدە مۇۋاپىق تۈر بولسا بىز بىلەن ئالاقە قىلىشىڭىزنى قارشى ئالىمىز. ئالاقىلىشىش ئېلخەت ئادرىسى:

دىيارىم تورىنىڭ زۇلپىقار بارات زىيارىتى

2009-02-07T17:47:00.006+02:00

دىيارىم تور بېكىتى زۇلپىقار بارات ئەپەندىنى زىيارەت قىلىپ بۇ فىلىمنى ئىشلەپ چىقىپتۇ، ئەمما مەن ئۇنى كۆرۈش ئۈچۈن بەك قىينالدىم، يەنى تور سۈرئىتىنىڭ ئاستىلىقى، ھۈججەتنىڭ چوڭلۇقى دېگەندەك سەۋەبلەر تۈپەيلىدىن. شۇڭلاشقا بۇ ياخشى سۆھبەتنىڭ تېخىمۇ كۆپ كىشىلەر تەرىپىدىن بەھرىمەن بولۇشى ئۈچۈن ئۇنى چۈشۈرۈپ كېچىكلىتىپ گۇگېل بوشلۇقىغا يوللاپ قويدۇم. دىيارىم تورىنىڭ بۇنىڭغا بەك خاپا بولۇپ كەتمەسلىكىنى ئۈمىد قىلىمەن. ئەسلى ھوقۇقى دىيارىم تور بېكىتىگە تەۋە.
دىيارىم تور ئادرىسى:http://www.diyarim.com/

تۆۋەندىكى كودنى كۆچۈرۈپ بۇنى ئۆزىڭىزنىڭ تور بېتىدە ئېلان قىلىۋالسىڭىز بولىدۇ.
ياخشى نەرسىلەردىن كۆپچىلىك ئورتاق بەھرىمەن بولايلى.

ئەڭ ئالقىشقا ئېرىشىۋاتقان 30 مۇزىكا

2009-01-29T23:08:00.004+02:00

ئەڭ ئالقىشقا ئېرىشىۋاتقان 30 مۇزىكا
Billboard top 30

Symbian يانفونلارنى يېشىش ئۇسۇلى-يېڭى

2009-01-29T22:20:00.006+02:00

Symbian يانفونلارنى يېشىش ئۇسۇلى

دىققەت: بۇ ئۇسۇل يېڭىلاندى، ھازىر بۇ ئۇسۇل بىلەن 2009-يىلى 5-ئايغىچە بولغان ئەڭ يېڭى نەشىردىكى سېستىمىلارنىمۇ يەشكىلى بولىدۇ. 5800 غا ئوخشاش 5-نەشىردىكى يانفونغىمۇ ئىشلەيدۇ.

Symbian سېستىمىسى ئۆزىنىڭ بىخەتەرلىكى بىلەن داڭق چىقارغان بولسىمۇ، يۇمشاق دېتال ئورنىتىشتىكى ئاۋارىچىلىقى بىلەن كىشىنىڭ بېشىنى قاتۇرىدۇ. موشۇ كۈمۈش ئوق كىرگۈزگۈچنىمۇ ئورنىتىش ئۈچۈن سېستىمىنى يېشىشكە توغرا كېلىدۇ. تۆۋەندە بۇ ئۇسۇل ئاددىي قىلىپ چۈشەندۈرۈلدى.

ئالدى بىلەن تۆۋەندىكى يۇمشاق دېتالنى چۈشۈرۈپ، ئىمزا قويۇپ بولغاندىن كېيىن قاچىلاڭ. قاچىلاش جەريانىدا قاچىلاش جەريانىدا Modo نى قاچىلامسىز دەپ سورايدۇ، ئۇيغۇرچە كىرگۈزگۈچنى ئىمزا قويمايلا ئورنىتىش ئۈچۈن ئۇنى قاچىلايمەن دېگەننى تاللاڭ.

ئورنىتىپ بولغاندىن كېيىن ئۇنى قوزغىتىڭ، شۇنىڭ بىلەن ئىش تامام. ئەمدى قايتىپ ئۇيغۇرچە كىرگۈزگۈچنى ئورنىتىڭ.
بۇندىن كېيىن دېتاللارنى ئاساسەن ئىمزا قويماي قاچىلىيالايسىز.

بۇ دېتال 2009-يىلى 2-ئاينىڭ 13-كۈنى يېڭىلانغان بولۇپ، بۇ يەردىكىسى شۇ چاغدىكى ئەڭ يېڭى نەشىرى، كەلگۈسىدە بۇنىڭدىن يېڭى نەشىرلىرىنى تۆۋەندىكى ئورۇندىن چۈشۈرۈڭ، ئۇ يەردە تىزىملىتىپ كىرىشىڭىز تەلەپ قىلىندۇ.
http://www.symbian-freak.com/forum/viewtopic.php?t=28482

بۇ يېشىش ئۇسۇلى بەزى ئالاھىدە يېڭى يۇمشاق دېتال نەشىرلىرىگە ئىشلىمەي قېلىشى مۇمكىن، ئىشلىمەيدىغان سېستىما نەشىرلىرىنى تۆۋەندىكى تىزىملىكتىن تەكشۈرۈپ كۆرۈڭ.

http://symbianism.blogspot.com/2008/11/which-nokia-symbian-phones-can-be.html

Symbian ئۇيغۇرچە كىرگۈزگۈچ 1.0

2009-01-28T18:04:00.025+02:00

Symbian ئۇيغۇرچە كىرگۈزگۈچنى ئىشىلتىش ئۈچۈن كەلگىنىڭىزگە رەھمەت

ئەسكەرتىش: Symbian كۈمۈش ئوق كىرگۈزگۈچنى كۈمۈش ئوق بىلوگى ياساپ شەخسىي ئابونتلار ئۈچۈن ھەقسىز تارقاتقان، ھەر قانداق ئورۇن ۋە شەخىسنىڭ كۆچۈرۈپ تارقىتىشىغا بولمايدۇ. كۈمۈش ئوق بۇ يۇمشاق دېتالنى ئىشىلتىش جەريانىدا يانفوندا كېلىپ چىققان كۈتۈلمىگەن كاشىلىلارنى ئوڭشاپ بېرىشكە مەسئۇل بولمايدۇ. كوللىكتىپنىڭ مەنپەئەتلىرى ئۈچۈن ئىشىلتىش ۋە سودا ئۈچۈن ئىشىلتىلسە سېتىۋېلىش تەلەپ قىلىندۇ.

بۇ كىرگۈزگۈچنى قاچىلاپ ئىشىلتىش ئۈچۈن ئاۋۋال تۆۋەندىكى ئىككى تېمىنى ئوقۇپ چىقىپ مۇۋاپىق ئۇيغۇرچە فونتنى قاچىلىشىڭىز كېرەك. بولۇپمۇ چوقۇم TrueType ئۇيغۇرچە فونتلارنى قاچىلىشىڭىز كېرەك.

Symbian يانفونلىرىدا ئۇيغۇرچە ئىشىلتىش 1 ئۇيغۇرچە فونت قاچىلاش

Symbian يانفونىغا يۇمشاق دېتال قاچىلاش

كۈمۈش ئوق Symbian كىرگۈزگۈچى تۆۋەندىكى ئىككى ھۈججەتتىن تۈزۈلگەن: ئۇلارنى رېتى بويىچە ئورنىتىڭ.

S60 نىڭ 2 - نەشىردىكى يانفونلاردا ئىشلەيدىغان نەشىرى:

ماس كېلىدىغان يانفونلار: N72, N90, N70, 6681, 6680, 6682, 3230, 6670, 6630, 6260, 6710, 6620, 6600

ئاۋۋال بۇنى ئورنىتىڭ.

ئاندىن بۇنى ئورنىتىڭ.

S60 نىڭ 3-نەشىرىدىكى يانفونلاردا ئىشلەيدىغان نەشىرى:

بۇنى ئورنىتىش ئۈچۈن يانفونىڭىزنى يېشىشىڭىز ھەم مۇۋاپىق ئىمزا قويۇشىڭىز كېرەك.

يانفوننى يېشىش ئۇسۇلىنى مۇنۇ تېمىدىن كۆرۈڭ.

Symbian S60 3-نەشىرىدىكى يانفونلارنى يېشىش ئۇسۇلى

ماس كېلىدىغان يانفونلار:

E63, N79, N85, N96, E71, E66, 5320, 6124, 6650, 6210, 6220, N78, N82, N95, E51, N95 8GB, N81, 6121, 6120, 5700, N77, E61i, E65, N93i, N76, 6290, N91, N75, E62, E50, 5500, N93, N73, N92, N71, N80, E70, E60, E61, 3250, N91

ئىككىنجى بۆلىكىنى ئورنىتىپ بولغاندىن كېيىن، fepsetup نى قوزغىتىپ uyghurche كىرگۈزگۈچنى قاچىلىسىڭىز بولىدۇ، دىققەت! ئەگەر يۇمشاق دېتالنى ئۆچۈرمەكچى بولسىڭىز چوقۇم ئاۋۋال fepsetup نىڭ ئىچىدىن ochurush دېگەننى تاللاپ uyghurche كىرگۈزگۈچنى ئاۋۋال ئۆچۈرىۋېتىشىڭىز، شۇ ئارقىلىق سېستىمىنىڭ ئەسلىدىكى كىرگۈزگۈچىگە قايتىۋېلىشىڭىز كېرەك.

ئۇيغۇرچە ھەرپلەرنىڭ كونۇپكا تاختىسىدىكى ئورنى جەۋلان خىزمەتخانىسىنىڭ ئەسلىدىكى لايھىيسى بويىچە ئازىراق ئۆزگەرتىپ ئىشلەندى يەنى چېكىت بىلەن پەش قوشۇپ قويۇلدى.

ئۇچىرغان مەسىلىلەرنى موشۇ تېمىنىڭ ئاستىغا ئىنكاس شەكلىدە يېزىپ قويسىڭىزمۇ ياكى بىلىكتىكى تېمىنىڭ ئاستىغا يېزىپ قويسىڭىزمۇ بولىدۇ، ئېكران سۈرىتى تۇتۇش ئۈچۈن تۆۋەندىكى قورالنى ئىشىلتىڭ.

S60 يانفونلاردىن ئېكران سۈرىتىنى تۇتۇش يۇمشاق دېتالى

بىر كەم دۇنيا 7-14

2009-01-25T22:22:00.006+02:00

7 - قىسىم

8 - قىسىم

9 - قىسىم

10 - قىسىم

11 - قىسىم

12 - قىسىم

13 - قىسىم

14 - قىسىم

بىر كەم دۇنيا 1-6

2009-01-25T22:09:00.009+02:00

14 قىسىملىق بۇ «بىر كەم دۇنيا»دىگەن ئۆزبىك فىلىمى 2006 يىلى پۈتتۈرۈلگەن. فېلىم ئىجادىيىتىگە ئىككى يېرىم يىل كەتكەن.جەمئىي 62 سائەتلىك كۆرۈنۈش ئېلىنغان. 79 نەپەر ئارتىستلار قاتناشقان.
باش قەھرىمان 35 نەپەر. 28 تۈرلۈك ھايات قىسمەتلىرى كۆپ قىسىملىق تېلىۋىزىيە شەكلىدە بىرگە ئەكس ئەتتۈرۈلۈپ،تەسىرلىك ۋەقەلەر سىزنىڭ كۆزلىرىڭىزنى ياشلايدۇ.
«بىر كەم دۇنيا»دىگەن بۇ فېلىمدە،سىز كىشىلىك تۇرمۇشتىكى ئاچچىق-چۈچۈكلەرنى،جۈملىدىن كىشىلىك تۇرمۇشتىكى مۇھەببەت ۋە خىيانەت،ئاتا-ئانا ۋە پەرزەنتلەر ئوتتۇرىدىكى زىدىيەتلەر،كىشىلىك تۇرمۇشتىكى يىتىلىش جەريانلىرى،بەندىلىك قىسمىتى،قاتىللىق ۋە ئۇلارنىڭ قولىدا ۋەيران بولغان ھاياتلىقلار...قاتارلىق نۇرغۇن تۇرمۇش كاتىگورىيىلىرى بىلەن قايتا تونۇشۇپ چىقىسىز.
گەرچە بۇ فېلىمنىڭ تىلى ئۆزبىكچە بولسىمۇ،ئەمما ھازىرقىدەك «قوش تىل»لاشقان دەۋرىمىزدە،بىزنىڭ ئۇيغۇر تىلىمىزدا يەنە نىمىلەرنىڭ يۈتۈپ كەتكەنلىكىنىمۇ قىسمەن ئەسكە ئالالايسىز.قېنى دىققىتىڭىز تۆۋەندىكى فېلىمدا بولسۇن:

1 - قىسىم

2 - قىسىم

3 - قىسىم

4 - قىسىم

5 - قىسىم

6 - قىسىم

ئەسكەرتىش: بۇ فىلىم ۋە يۇقارقى چۈشەندۈرۈشلەر دىيارىمدىكى دوستۇم ئەپەندىنىڭ مۇنۇ يازمىسىدىن ئېلىندى. دىيارىمنىڭ تۇرۇپ - تۇرۇپلا ئېچىلمايدىغان بولۇپ قالىدىغانلىقىنى نەزەردە تۇتۇپ بۇ يەرگە كۆچۈرۈپ قويۇلدى، ئەيىبكە بۇيرىمىغايسىزلەر.
http://bbs.diyarim.com/read.php?tid=26119

Nokia دىكى بىرىنجى كۈن

2009-01-22T21:28:00.007+02:00

Nokia دىكى بىرىنجى كۈن

بۈگۈن مېنىڭ Nokia غا تۇنجى قېتىم ئاياق باسقان كۈنۈم، بۇ ئىشنى رېزىنكە ئۆتۈك ياساشتىن باشلاپ، ھازىر ماركىسىنىڭ قىممىتى Google بىلەن تەڭ ئورۇندا تۇرىدىغان شىركەت بەلكىم كەلگۈسىدىكى Googleنىڭ ئەڭ چوڭ رىقابەتچىلىرىدىن بىرى بوپقېلىشى مۇمكىن، ھازىر ئىككىلا شىركەت بىر - بىرىدىن كېلىۋاتقان خىرىسنى تونۇپ يەتتى، جەڭ ئاللىقاچان باشلىنىپ بولدى، Google يانفون ساھەسىگە قەدەم قويدى، نوكىيامۇ بۇنىڭغا نۇرغۇن قوغدىنىش تەدبىرلىرىنى يولغا قويۇپلا قالماي، يەنە ئىنتىرنىت مۇلازىمەت ساھەسىگە قەدەم باسماقچىكەن. بولدى قۇرۇق گەپنى قويۇپ ئۆز گېپىمىزگە كېلەيلى. نېمىلا بولمىسۇن بۇ كۈننى مەن خېلى ئۇزاق ۋاقىتتىن بۇيان ھاياجان ئىچىدە كۈتۈۋاتقان بولغاچقا، بۇ كۈن توغىرلىق ئازراق بىر نەرسە يېزىپ قويۇشنى توغرا تاپتىم.

فېنلاندىيەگە كەلگىلىمۇ ھايت - ھۇيت دېگۈچە ئىككى ئايدىن ئاشتى، باشتا ھاياجانلىنىش، خوشاللىق ۋە ھەيرانلىق ھېس - تۇيغۇلىرىدىن كېيىن ئائىلىنى، يۇرتنى سېغىنىش باسقۇچلىرىنى باشتىن ئۆتكۈزۈپ، ھازىر ئازراق كۆنۈپ قالغانمۇ بولدۇم، ۋىزىنىڭ ۋاقتىنىڭ توشىشىغا ئەگىشىپ بۇ كۈنلەرنىڭ بۇنداق تېز ئۆتۈپ كېتىۋاتقانلىقىغا كۆزۈم قىيمايۋاتاتتى، مەن بىلەن بىللە كەلگەن ئىككى خەنزۇ خىزمەتدىشىمنىڭ بىرى قېلىش ئۈچۈن تىرىشىپ باقسىمۇ ئامال بولمىدى، يەنە بىرىگە بىر ئاي ئارتۇق تۇرۇشنى تەلەپ قىپتىكەن، بىراق ئۇ ئائىلىسى بالىسىنى سېغىنىپ كەتكەچكە رەت قىپتۇ. مەن بولسام تېخى بۇ يەرگە كېلىپ ئەمدىلا كۆنگەن تۇرسام، يەنە كېلىپ قايتساممۇ بېيجىڭغا قايتىمەن، يەنىلا ئۆيدىن ئوخشاش يىراق، ئۇنىڭدىن موشۇ يەردە تۇراي دەپ ئويلايتتىم، ئاخىرى Line manager غا خەت يېزىپ بۇ ھەقتە سوراپ بېقىشنى قارار قىلدىم، ئۇ بىر-ئىككى ھەپتە قاراپ باقايلى دەپ مۇجمەل جاۋاب بەردى. كۆڭلۈمدە قايتىپ كېتىشكە تەييارلىق قىلىپ قويغانتىم، ئويلىمىغان يەردىن دېگەندەك ئىككىنجى ھەپتىسى سەن قالىدىغان بولدۇڭ، Nokia دىن يېڭى تۈر كەلدى دەپ ئۇقتۇردى. يېڭى ۋىزا ئىلتىماس قىلىشقا ماتىرياللارنى تەييارلاپ بەردى. يەنە كېلىپ خېلسىنكىدا ، ئۇ يەرگە ھەپتىدە بىر-ئىككى قېتىم بېرىپ تۇرۇشۇڭلار مۇمكىن، دېدى. بۇ گەپنى ئاڭلاپ خېلى خوشاللاندىم. كېلىپ ئاخىرى نوكىياغا ئاياق باسىدىغان بولدۇم، بۇ يەردىمۇ بىر تۈر ئىشلەپ باقىدىغان بولدۇم دەپ كۆڭلۈمنى ھاياجان قاپلىغان ئىدى. ۋاقتىنچە ئىشلەۋاتقان تۈرنى تۆنۈگۈن باشقا بىرەيلەنگە ئۆتكۈزۈپ بەردىم. باشلىق تۆنۈگۈن بىزگە قىسقىلا قىلىپ، ئەتە خېلسىنكىغا بېرىپ كېلىڭلار، خېرىدارلارنىڭ سىلەر بىلەن كۆرۈشۈپ باققۇسى باركەن دەپ قويدى. ئاخا! ...
قىزىق يېرى شۇكى مەن بۇنى بەلكىم بىر يۈز تۇرانە ئىمتىھان ئوخشايدۇ دەپ قاپتىمەن. شۇنىڭ بىلەن كاستىيۇملىرىمنى كىيىپ يولغا چىقتىم، خىزمەتداشلىرىم ئۇنداق قىپ كەتمىگەنتى، ئازراق خىجىل بولۇپ قالدىم. مەن بىلەن بىللە بارغان ئىككەيلەن بىرى ئېرىلاندىيەلىك، يەنە بىرى ئۇكرائىنالىق ئىدى. ئۇلارنىڭ فېنلاندىيەدە ئىشلىگىنىگە ئۇزاق بولغانىكەن. تەمپىرىللادىن خېلسىنكىغا پويىزدا بىر يېرىم سائەت كېتىدىكەن، بېلىتى 36 ياۋرو ئەتراپىدا ئىكەن. ئەتىگەندە بىللە سەپەرگە ئاتلىنىپ كەتتۇق، سەپەر خېلى كۆڭۈللۈك بولدى، يامان ئەمەس ھەممەيلەن نەچچە ۋاقىتتىن بۇيان بىللە ئىشلەپ مۇنچىلىك پاراڭلىشىدىغان پۇرسەت بولمىغانتى. ئاخىرى ئاۋۇ رەسىمدىكى نوكىيانىڭ بىناسىغا يېتىپ كەلدۇق.
بىر قاتار قارشى ئېلىشلار ۋە كۆرۈشۈشلەردىن كېيىن سەل مالىماتاڭچىلىقلارمۇ يۈز بەردى. نوكىيا تەرەپتىكى باشلىقىمىز بىزنىڭ ئەھۋالىمىزدىن خەۋەردار ئەمەسكەن، قىسقىسى ھېچقانداق ئورۇنلاشتۇرۇش قىلىنمىغان دېسەكمۇ بولىدۇ. بوش يىغىن زالى تاپالماي ئۇ كوفىيخانىدىن بۇ كوفىيخانىغا يامان يۈرۈپ كەتتۇق. خېلسىنكىدىكى باشلىقمۇ كەلدى. ئۇلار بىزنىڭ كەلگۈسى نەچچە ئايلىق خىزمىتىمىز توغىرلىق مۇزاكىرە قىلىشنى باشلىۋەتتى. شۇنىڭ بىلەن نۇرغۇن مەسىلىلەر كېلىپ چىقتى. نوكىيا تەرەپنىڭ بىزنى خېلسىنكىدىكى بىناسىغا كېلىپ ئىشلىشىمىزنى ئۈمىد قىلىدىكەن، چۈنكى بۇ خىزمەتنى يىراقتىن باشقۇرماق تەس، ئالاقىلىشىش قولايسىز دەپ قارايدىكەن. بىراق مېنىڭ خىزمەتداشلىرىم بولسا تەمپىرىللادىكى ئائىلىسىنى تاشلاپ بۇ ياققا ئۆتكۈسى يوقكەن، بۇ ئىشنى ھەل قىلماق تەسكە چۈشتى، بىزنىڭ باشلىق بىزنى بىر ھەپتىدە ئۈچ كۈن بۇ ياققا ئۆتۈپ ئىشلىسۇن دەپ باقتى، بىراق بۇ گەپ ئاخىرى ئانچە ئاقمايدىغان قىلاتتى، خىزمەتداشلىرىممۇ بۇنىڭغا رازى ئەمەسكەن، ھەپتىدە ئۈچ كۈن بۇنداق ئىشلىسەك تۇرمۇشنىڭ مەنىسى قالمايدۇ، what a xxxxing project! دەپ تىللايتتى ئىچىدە تاماكا چېكىشكە چىققان ۋاقىتلاردا. بۇ ئىشمۇ شۇنداق قىلىپ ئايىقى چىقمىدى.
چۈشتىن كېيىن يېڭى تۈرنىڭ خىزمەتلىرىنى تونۇشتۇرۇش، يېڭى خىزمەتداشلار بىلەن تونۇشۇش باشلاندى. قارىماققا ئۇلارنىڭ ئولتۇرغان ئورۇنلىرى ناھايتى قىستا قىستاڭدەك كۆرۈنەتتى. ئولتۇرغانلارنىڭ ئىچىدە قارىماققا ھەممە دۆلەتلەردىن كەلگەنلەر باردەك قىلاتتى، ھىندىستانلىقلار كۆزگە بەكرەك چېلىقاتتى. بىزنىڭكىلەر كەچتە قايتقىچە بىزگە تۈرنىڭ ئارخىتەكتورى تونۇشتۇرغان قىلىقلىرىنى مازاق قىلىپ چىقتى. قارىماققا بۇ بىر Development تۈرى ئەمەسكەن، بۇمۇ ئۇلارنىڭ رازى بولمىغان بىر باھانىسى. بۇ بىر خىلدىكى white box testing غا كىرىدىغان unit testing تۈرىكەن. مېنىڭغۇ تەلىپىم ئانچە يۇقىرى ئەمەس. قارىغاندە مەن خېلى يوۋاش ئوخشايمەن. ئىشقىلىپ مەن خېلى ئۈمىدۋار ھەم قانائەتچان، ئۇيغۇرنىڭ قېنىدە. قارىماققا بۇ خىزمەت خېلى تەستەك قىلاتتى، يەنە كېلىپ بۇنىڭدىن قانداق نەتىجە چىقىشىنى ئۈمىد كۈتكىلى بولمايدۇ، Developer لار يازغان كودنىڭ ئىچىدىن قۇسۇر تاپىدىغان گەپ، ئۇلارنىڭ ئاغزىغا قارىمىسىڭىز بولمايدۇ، خاتا تېپىپ قويسىڭىز كۈلكىگە قېلىشىڭىز مۇمكىن، توغرا تاپسىڭىز ئۇلارنىڭ يۈكى ئېغىرلايدۇ، ئىشقىلىپ نوكىيا پۇل خەجلەپ باشقا شىركەتتىن بىزنى ياللاپ كېلىشنىڭ سەۋەبىمۇ شۇ بولسا كېرەك. «قايتقان چاغدا كۈن غەرپكە ئاللىقاچان پېتىپ بولغانىدى...» ھا..ھا، باشلانغۇچ مەكتەپ ماقالە يېزىش تاپشۇرۇقىدا ئىشىلتىدىغان كىلاسسىك جۈملىلىلەر بىلەن ھېكايەمنى ئاخىرلاشتۇراي، ئەسلىدە ئۇنتۇلماس بىر كۈن دەپ ماۋزۇ قويسام بوپتىكەن، ھا..
قايتىپ كەلگىچە ئاساسەن باشلىقنىڭ، تۈرنىڭ دېگۈدەك غەيۋىتىنى قىلىپ چىقتۇق، ئىشقىلىپ سەپەردە كۈلۈشۈپ قىزىق كەلدۇق. ئاخىرىدا ئۇلارنى بۈگۈنكى 70 نەچچە ياۋرودىن كۆپرەك قاتناش ۋە بىر كۈنلۈك كاماندورۇپكا ھەققى 30 ياۋرو بىلەن جازالاشنى ئويلىشىپ خوشال خوشلاشتۇق... ھەي شۇنداق قىلىپ موشۇنداق قاتنايدىغان ئىش بولارمۇ ..ئەتە ئېنىق بولار..قوساق بەك ئېچىپ كەتتى..ئۆيگە كەلگەندە سائەت 7 دىن ئېشىپتۇ..:(

تەرەققىيات ھەققىدە يۈزەكى قاراشلىرىم

2009-01-20T21:20:00.005+02:00

تەرەققىيات ھەققىدە يۈزەكى قاراشلىرىم

تەرەققىيات، مىللەتنىڭ كەلگۈسى – بىزنىڭ ئورتاق تېمىمىزغا ئايلاندى، بۇ ناھايتى ياخشى ئەھۋال. مەيلى توغرا پىكىر-كۆز قاراشلار بولسۇن، ياكى ئەمەس بولسۇن، نۇرغۇن پىكىرلەر ئوتتۇرغا چىقتى، بىراق سوغاققانلىق بىلەن ھەقىقەتنى ئەمىليەتتىن ئىزدەيدىغانلىرى ئاز. خوش، مەن بۇ تېمامدا مىللەتنى سۆكمەيمەن، بىز بۇنداق تېمىلاردىن جاق تويۇپ كەتتۇق، مەن پەقەت ئۆزەم ھېس قىلغان، ئۆزەم كۈزەتكەن، باشتىن ئۆتكۈزگەن ھەقىقەتلەرگە ئاساسلىنىپ تۇرۇپ، ئاساسلىقى ئىقتىسادنىڭ نۇقتىسىدىن چىقىپ تۇرۇپ، جەمئىيتىمىز دۇچ كېلىۋەتقان «خىرىس» ۋە تەرەققىيات مەسىللىرىگە بولغان كۆز قارىشىمنى ئوتتۇرغا قويىمەن، يۈزەكى دېيىشىمدىكى سەۋەب، مەن جەمئىيەتشۇناس ئەمەس، مەن تەبىئىي پەن ئوقۇغان، بۇ مەسىللەرگە نىسپەتەن كۆپ، مۇكەممەل تەتقىقات ئېلىپ بارمىغان، بىراق سۆزلىگەنلىرىمنىڭ ھەقىقەت ئىكەنلىكىگە چىن كۆڭلۈمدىن ئىشىنىمەن. يازغان نەرسىلىرىمنىڭ سالمىقى تېمامغا يۈز كېلەلىشىنى ئۈمىد قىلىمەن، ھازىر بەزىلەرنىڭ دوپپىسى چوڭ، مەزمۇنى قۇرۇق تېمىلىرى كىشىلەرنىڭ خېلى دىققىتىنى تارتىۋاتىدۇ.

بىز جەمئىيتىمىزنىڭ ئىنتايىن ئوسال ئەھۋالدا قالغانلىقىنى نۇرغۇن كىشىلەرنىڭ ئاغزىدىن ئاڭلاپ كەتتۇق، مەن بۇ جەھەتنى ئىسپاتلاش ئۈچۈن كۈچەپ ئولتۇرمايمەن، ھەم نۇرغۇن كىشىلەرنىڭ بۇ نۇقتىغا ئوخشىمىغان دەرىجىدە ئىشىنىدىغانلىقىنى بىلىمەن. بىز ھەممىمىز تەرەققىياتىمىزنىڭ «كەينىدە» قېلىۋاتقانلىقىنى بىلىمىز. باشقىلارنىڭ پەن-تېخنىكىدا بىزدىن نۇرغۇن ئىلگىرلەپ كەتكەنلىكىنىمۇ بىلىمىز، زادى بىزنى بۈگۈنكى كۈندە ئارقىدا قالدۇرىۋاتقان نەرسە نېمە؟ بىزدىكى بېكىنمىچىلىك؟ قالاقلىق ئىدىيسىمۇ؟ ياكى باشقا سەۋەبلەرمۇ؟ ياشلارنىڭ ئىشسىز قېلىشىغا نېمە سەۋەبچى؟ مەن پەقەت بۇنىڭ سەۋەبىنى كونكېرت تەھلىل قىلىپ، ئۇنى ياخشىلاشنىڭ ئۇسۇلىنىلا كۆرسىتىپ بەرمەكچى.
خوش، ئەمىسە بىزنىڭ «ئوسال»لىقلىرىمىز قايسىلار؟ تىل كىرزىسى، ئەخلاق كىرزىسى، مەدىنيەت ، مائارىپ، ئىقتىساد، ئىشسىزلىق ... دەپ باشلىساق، ئىشقىلىپ باشقىلار تەرىپىدىن ئوتتۇرىغا قويۇلغان بۇ كىرزىسلار ئەمىليەتتە بىر – بىرىگە چەمبەرچەس باغلانغان بولىدۇ، ئۇنداقتا زادى قايسىسى ئەڭ تۈپكى ھەل قىلغۇچ ئورۇندا تۇرىدۇ؟ زادى ئەخلاقىمىز ياخشىلىنىپ كەتسىلا، ھەممىمىز ئىسلام دىنىغا قايتىدىن چىن ئېتىقاد قىلساقلا ھەممە ئىشلار تۈزۈلۈپ كېتەمدۇ؟ ياكى مائارىپىمىزنى تەرەققىي قىلدۇرساقلا پەن-تېخنىكىمىز راۋاجلىنىپ كېتەمدۇ؟ بىلىملىك كىشىلەر كۆپەيسىلا ئىشسىزلارنىڭ سانى ئازىيامدۇ؟ ياكى ھەممەيلەننىڭ ئىقتىسادى ياخشى تەرەققىياتى بولسا، مەدىنيەت ، ۋە پەن – تېخنىكا ئاندىن راۋاجلىنامدۇ؟ ئىقتىساد زادى كىمنىڭ قولىغا ئېقىپ كېتىۋاتىدۇ؟ ياكى ئىقتىسادىمىز راۋاجلانسا، تىلىمىز ئەسلىگە قايتامدۇ؟ بالىلارنى تىرىشىپ ئۆگىنىشكە مەجبۇرلىساقلا ئۇلارنىڭ كەلگۈسى شۇنچە ياخشى بولامدۇ؟ ئوقۇغۇچىلارنىڭ ئىمتىھان نەتىجىسى قانچە ئۆرلىسە ئۇلارنىڭ كەلگۈسى ئېرىشىدىغان غەلبىسى شۇنچە چوڭ بولامدۇ؟ زادى ئۇيغۇرلارنىڭ ھازىرقى زامان ئىقتىسادىي قۇرۇلمىسىدا تۇتقان ئورنى قانداق؟ زادى كىم بىزنىڭ قولىمىزدىكى ئىرىمچىكنى ئېلىپ كەتتى؟ «who moved my cheese»، نېمىشقا بىزگە پۇل تېپىش شۇنداق تەس؟ نېمىشقا بىزنىڭ كىرىمىمىز ئېشىشى شۇنداق ئاستا؟ ماللارنىڭ ئۆسۈشى شۇنداق تېز. بىزنىڭ ئاشۇ كېچىككىنە، خاتىرجەم باياشات جەمئىيتىمىز كىمنىڭ كۆزىگە سىغمىدى؟ بىز ئەمدى بىر – بىرىمىزنى ئەيىبلەشنى توختىتايلى، سوغاققانلىق بىلەن ئەستايىدىللىق بىلەن پىكىر يۈرگۈزىدىغان ۋاقىت كەلدى، ئويغانغان كىشىلەر كۆپ، يېتىدۇ، ئەمما ئويغىنىپلا جۆيلۈۋاتقانلار كۆپ ساننى ئىگىلەيدۇ. ھالبۇكى ئۆز-ئۆزىمىزنى ئەيىبلەش، بىر-بىرىمىزنى ئەيىبلەش پەقەت ھالاكەتنى تېزلەشتۈرىدىلا خالاس...قانداقسىگە دەمسىز؟ چۈنكى تېخى جەمئىيتىمىزنى تېخى چۈشەنمەيدىغان سەبىي ياش-ئۆسمۈرلىرىمىز ئۆزىنىڭ ئۇيغۇر بولۇپ قالغىنىغا روھىي بېسىم ھېس قىلىدۇ، باشقىلارنى بىزدىن ئىلغاركەن دەپ ئويلايدۇ. مەن «چۆكەر يۇرتنىڭ بالىلىرى ، بىر بىرىنى گالۋاڭ دەر. ئۆسەر يۇرتنىڭ بالىلىرى، بىر – بىرىنى پالۋان دەر.» دېگەن گەپنى ناھايتى ياخشى كۆرىمەن. ھەقىقىي بىلىم بىزگە نەدىن كېلىدۇ؟ بىلىم ئىگىلەشتىكى مەقسەت زادى نېمە؟ بىزنىڭ قايسى ئەنئەنىرىمىزنى ئىسلاھ قىلىشقا تېگىشلىك؟ قايسىلىرىنى ساقلاپ قېلىش كېرەك؟ نېمە ئۈچۈن؟
مەن ئالىي مەكتەپنى پۈتتۈرىدىغان چاغدا ئوقۇغۇچىلارنىڭ ئارىسىدا مۇنداق بىر سۆز مودا بولغان، «خىزمەت تاپقاندا ئالدى بىلەن مەمۇرلۇقنى، ئاندىن قالسا دۆلەت ئىگىلىكىدىكى مونوپول خاراكتېرلىك چوڭ كارخانىلارنى مەسلەن كۆچمە خەۋەرلىشىش، جۇڭگو نېفىتى دېگەندەك. ئاندىن ياۋروپا- شىمالىي ئامرىكا شىركەتلىرىنى، ئاندىن قالسا ياپون شىركەتلىرى، ئاندىن قالسا تەيۋەن، ئاندىن قالسا دۆلەت ئىچىدىكى شەخسلەر ئىگىدارلىقىدىكى شىركەتلەرنى ئويلىشىمىز»، نېمىشقا دەپ ئىچكىرلەپ سورايدىغان بولسىڭىز «مۇئامىلە» دەپ ئاددىيلا جاۋاب بېرىدۇ. مۇئامىلە دېگىنى ئەلۋەتتە مۇئاش، پاراۋانلىق، خىزمەت باشقۇرۇش ئىستىلى، خىزمەت مۇھىتى، كەلگۈسىدىكى ئىستىقبالى قاتارلىق ھەر قايسى جەھەتلەرنى كۆرسىتىدۇ. دېمەك ھازىر كىشىلەرنىڭ ئومومەن بارلىق كىشىلەرنىڭ ئۇيغۇرلارنىمۇ ئۆز ئىچىگە ئالىدۇ. بىرىنجى بولۇپ كۆڭۈل بۆلىدىغان نەرسىلىرى موشۇلار، كىشىلەر مىللەت ۋە جەمئىيەتكە ئالدى بىلەن موشۇ مەسىلىلەرنى ياخشى ھەل قىلىپ بولغاندىن كېيىن ياكى بۇ مەسىلىلەر ئۈچۈن كۈرەش قىلىپ ھارغان، ئۇيغۇرچە تورلارنى ئارىلاپ ئىچىنى بوشاتماقچى بولغان چاغلاردىلا ئاندىن كۆڭۈل بۆلىدۇ. ئۇنداقتا ئۇيغۇر كارخانىلارچۇ؟ مەن ئۇيغۇر كارخانىچىلارنى ئۇنداق – مۇنداق دېمەكچى ئەمەس، ئۆزەممۇ چۈشەنمەيمەن، ئەمما باشقىلارنىڭ ئۇيغۇر كارخانىلارنى باشقىلارنىڭكىگە يەتمەيدۇ دېگەنلىرىنى ئاڭلىغان. مانا بۇ ھەقىقەت، بىر ئاچچىق ھەقىقەت. ھېچكىممۇ باشقۇرۇشى قالايمىقان، ئىشى چىقسىلا شەرتسىز سىزنى بۇيرۇيدىغان، ۋەزىپىسى ئېنىق ئەمەس، كۈندە 10 سائەت ھەتتا ئۇنىڭدىنمۇ ئارتۇق خىزمەت قىلدىغان، يىلدا دەم ئېلىشى (دۆلەت بەلگىلىگەن دەم ئېلىش ۋاقىتلىرىدىن سىرت) ئاران 5 كۈن، مائاشى ناھايتى تۆۋەن جايدا ئىشلىگىسى كەلمەيدۇ، تىرىشىپ ئۆگىنىپ ئۆز ئىقتىدارىنى ياخشىلاپ باشقۇرۇشى ياخشى، ۋەزىپىسى ئېنىق، تەمىناتى ئوبدان جايلاردا ئىشلىگىسى كېلىدۇ. ئەجىبا بۇ كىشىلەرنى ئەيىبلەش كېرەكمۇ؟ ئۇلارنىڭ شۇنداق قىلغانلىرى خاتامۇ؟ ئۇلارنىڭ ئورنىدا سىز بولسىڭىز قانداق قىلىسىز؟ ئەگەر سىزگە ئامرىكىغا چىقىپ بىر قەدەر يۇقىرى مائاش بىلەن مەسلەن يىلىغا 60 مىڭ دوللارلىق تېخنىكىلىق خىزمەت قىلىش پۇرسىتى كەلسە، مەسلەن مەلۇم ئۇيغۇر مىللىي شىركىتى سىزنى ئېيىغا 5000 سوم بېرىپ مۇئاۋىن دېرىكتورلۇققا تەكلىپ قىلسا، سىز قايسىسىنى تاللايسىز؟ ھېچبولمىسا ئاۋۋال ئامرىكىنى بىر نەچچە يىل كۆرۈپ كېلەي دەپ مىللىي شىركەتنى رەت قىلىسىز. ئەگەر كۈچلۈك ئەخلاق ۋە جەمئىيەت بېسىمى بولمىسا، ئۇيغۇر قىزلارنىڭمۇ ئالدىن تاللايدىغىنى باشقىلار بولۇپ قېلىشى ئېھتىمالغا ناھايتى يېققىن. بۇ رىئاللىق، بۇ رىئاللىقنى ھېچكىمنىڭ قوبۇل قىلغۇسى يوق، بىراق كىشىلەر بۇ رىئاللىقلارنى توساتتىن ئانچە – مۇنچە بايقاپ قالغان چاغلىرىدا، قاتتىق غەزەپلىنىپ، جەمئىيەتنىڭ توساتتىن ئۆزىمۇ چۈشەنمەيدىغان بىر ياڭزا ئۆزگىرىپ كەتكەنلىكىدىن چۆچۈيدۇ، ئىنتىرنىتقا ماقالە يېزىپ بۇلارنى سۆكىدۇ، بىراق بۇنىڭ نېمە سەۋەبتىن كېلىپ چىققانلىقى ۋە ئۇنى قانداق ئۇسۇلدا ھەل قىلغىلى بولىدىغانلىقى توغىرسىدا ئويلىنىپ باقمايدۇ. خوش ئۇنداقتا بىز ئويلىنىپ باقايلى، نېمىشقا شىمالىي ئامرىكا ۋە ياۋروپا شۇنداق باي؟ ئۇلارنىڭ بەزىدە ئىشسىزلار ئېرىشىدىغان تەمىنات پۇلى بىزنىڭ ئەمەلدارلىرىمىزنىڭ مائاشىدىنمۇ كۆپرەك؟ بۇنىڭغا «چۈنكى ئۇلار تەرەققىي قىلغان دۆلەت» دەپلا جاۋاب بەرسەك ناھايتى تومتاق بولۇپ قالىدۇ، خۇددى ئۇلارنىڭ ئاتا-ئانىلىرى ئېسىلزادىلەرنىڭ پۇشتىدىن، ئۇلارنىڭ شۇنداق ياشىشى پىشانىسىگە پۈتۈلگەندەك. ئۇلارنىڭ ئىقتىسادىي قۇرۇلمىسىغا قاراپ باقايلى.
ئامرىكا، ياۋروپا دۆلەتلىرى ئاساسەن يۇقىرى تېخنىكىلىق سانائەتنى ئاساس قىلىدۇ، ھەتتا ئېنىقراق قىلىپ ئېيتساق يۇقىرى تېخنىكىلىق سانائەتنى لايھىيەلەش ۋە ئۇنى بارلىققا كەلتۈرۈشنى ئاساس قىلىدۇ. ياساشنى بولسا ئۇلار ئامال بار باشقا دۆلەتلەرگە ھۆددىگە بېرىدۇ. چۈنكى ئۇلارنىڭ دۆلىتىدىكى ئەمگەك كۈچى تەننەرخى يۇقىرى. ئۇلارنىڭ پۇل-مۇئامىلە ئىشلىرى راۋاجلانغان. زادى بۇ ئۇلارغا قانداق پايدا يەتكۈزىدۇ؟ يۇقىرى تېخنىكىلىق سانائەتنى لايھىيەلەش، بارلىققا كەلتۈرۈش – بۇ ئىنتايىن خام ئەشيا كەتمەيدىغان، مۇھىت بۇلغىمايدىغان، پايدىسى ئەڭ يۇقىرى خىزمەت. بۇنىڭغا پەقەت ئەقىللىق كىشىلەرلنىڭ كاللىسى بولسىلا يېتىدۇ. مانا بۇ ئامرىكىنىڭ ۋە ياۋروپانىڭ نېمىشقا دۇنيانىڭ ھەر قايسى جايلىرىدىكى ئىختىساسلىق خادىملارغا ئوقۇش مۇكاپاتى بېرىپ ئۇلارنىڭ ئۆز دۆلىتىگە كېلىپ ئوقۇش، تەتقىقات ئېلىپ بېرىشىنى قوللىشىنىڭ سەۋەبى. پۇل-مۇئامىلە بولسا ئىس – تۈتەك چىقارماي يىلىكىڭىزنى شۇلۇۋالىدىغان جەڭ، يىغلاتماي جاننى ئالىدىغان قورال. ئۇلار ئۆز كاللىسىدىكى بىلىمنى قانداق پۇلغا ئايلاندۇرۇشنى بىلىدۇ. يېڭى پىكىرلەرنى سانائەتلەشتۈرۈش، يېڭى سانائەتلەرنى بارلىققا كەلتۈرۈش شۇلاردىن باشلانغان. بۇ پۈتۈن دۇنيا خەلقى ئورتاق بولغان مۇسابىقە. بۇ دۆلەتلەر بۇ مۇسابىقىدە داۋاملىق ئالدىنقى ئورۇننى قولدىن بەرمىگەچكە ئۇلارنىڭ بۇ جەھەتتىكى ئورنى داۋاملىق ئۇلارغا كام دېگەندە باياشات تۇرمۇش ئاتا قىلىۋاتىدۇ. قېنى كىشىلەر تۇرمۇشىغا كېرەكلىك، ئەڭ پۇل خەجلەيدىغان نەرسىلەرگە بىرەر قۇر قاراپ باقايلى: ئۆي، ماشىنا، قاتناش – ئاممىۋى قاتناش، پويىز، ئاپتوبۇس، ئايروپىلان، ئالەم قاتنىشى. يېمەك – ئىچمەك، كۈندىلىك تاماق، رېستۇران، تېز تاماق، سوغاق ئىچىملىك، ھاراق. ئېلىكتىرونلۇق ئالاقە-ئۇچۇر قوراللىرى كومپىيۇتىر، يان تېلىفون دېگەندەك، ۋە شۇنداق مۇلازىمەتنى تەمىنلىگۈچىلەر كۆچمە خەۋەرلىشىش، بىرلەشمە خەۋەرلىشىش دېگەندەك، يېنىك سانائەت سوپۇن، رەخت، ئەدىيال..دېگەندەك. سەھىيە، دوختۇرخانا، زىبۇ – زىننەت بۇيۇملىرى، ئالتۇن كۈمۈش، مەرۋايىت، ئالماس، ياقۇت، قاشتېشى قېزىش ۋە پىششىقلاپ ئىشلەش، خىروستال بۇيۇملار..كىيىم-كېچەك، ئاياق، قىممەت باھالىق مودا ماركىلار..سانائەت مەھسۇلاتلىرى..زاۋۇت ئۈسكۈنىلىرى، ئىنتىرنىت مۇلازىمەتلىرى ئىزدەش ماتورى، لايىق تونۇشتۇرۇش تور بېكىتى، خىزمەت ئىزدەش تور بېكىتى دېگەندەك..مەكتەپ..داڭلىق ئۇنۋېرستىت، ساياھەتچىلىك، يۇلتۇزلۇق مېھمانخانىلار...ئېلانچىلىق.. كىنوچىلىق.. ناخشا-ئۇسۇل.. كۆڭۈل ئېچىش كەسپى.. كانچىلىق، دېھقانچىلىق، چارۋىچىلىق، رېمونت قىلىش ..تەربىيلەش.. ئورمانچىلىق، سەي – كۆكتات تېرىش، دىن تارقىتىش، نەشىرىيات.. يەنە مەن بىلمەيدىغان نۇرغۇن نەرسىلەرنى تىلغا ئالغان چېغىمدا كاللىڭىزغا تۇنجى بولۇپ كىمنىڭ ماركىلىرى كېلىۋاتىدۇ؟ بىز زادى بۇ مۇسابىقىلەرنىڭ قايسىلىرىگە قاتنىشالىدۇق؟ مەن ئىستىمال قىلىشنى كۆزدە تۇتمايمەن، ئەلۋەتتە ھالىمىز ياخشىراقلىرىمىز بۇلارنىڭ ھەممىسىدىن دېگۈدەك خېلى بەھىر ئېلىپ قويىۋاتىمىز، بىراق ئۇلار ناھايتى ئاز ساندا، بىراق زادى قايسى ساھەدە بىز كۆرۈنەرلىك بىر نەتىجىنى قولغا كەلتۈرۈپ، بىرەر ماركىنى تونۇتۇپ، باشقىلارنىڭ قولىدىكى پۇلنى ئېلىپ كېلەلەيمىز، ھالبۇكى مۇتلەق كۆپ قىسمىمىز شوغۇللىندىغان ساھە دېھقانچىلىق، چارۋىچىلىق، رېستۇران مۇلازىمىتى، ئاز بىر قىسىم ساياھەتچىلىك، نەشىرىياتچىلىق دېگەنلەر بار... بىراق بۇلارنىڭ مۇتلەق كۆپ قىسمى كۆپ ئەمگەك كۈچى تەلەپ قىلدىغان، ئاز ئۈنۈم بېرىدىغان نەرسىلەر ھېسابلىندۇ. بىر دېھقان بىر يىل ئۈچ مو يەرگە كېۋەز تېرىپ تاپقان پۇلى بەلكىم يېڭى تىپتىكى بىر نوكىيا يان تېلىفونغا يەتمەيدۇ. «تەرەققىي قىلغان كاپىتالىستىك دۆلەتلەر ئۆزلىرىنىڭ بۇرۇنقى ھەربىي جەھەتتىكى بىۋاستە تالان – تاراج قىلىش ئۇسۇلىنى ئۆزگەرتىپ، ئىقتىسادىي جەھەتتىكى تالان – تاراج قىلىشقا قاراپ ئۆزگەردى. ئۇلارنىڭ ئاساسلىق ئۇسۇلى تەرەققىي قىلىۋاتقان دۆلەتلەردىن ئەرزان باھادا ئېنىرگىيە ۋە خام ئەشيا مەنبەسىنى ئېمپورت قىلىپ، ئۆزلىرى پىششىقلاپ ئىشلىگەندىن كېيىن ئۇلارنى تەرەققىي قىلىۋاتقان دۆلەتلەرگە قىممەت باھادا سانائەت مەھسۇلاتلىرى قىلىپ سېتىپ بېرىشتىن ئىبارەت» دەپ تولۇقسىز ئوتتۇرا مەكتەپنىڭ سىياسەت دەرسلىكىدە ئوقۇغۇنىم ئېسىمدە. دېمەك ھازىر بۇ خىلدىكى تالان – تاراج ئۆزگەرگىنى يوق، كىشىلەر ئارسىدىكى كۆزگە كۆرۈنمەيدىغان بۇ مۇسابىقە ۋە بىزنىڭ كۆزىمىزگە «ئىلغارلىق» دەپ كۆرۈنگەن نەرسە دەل بىزنىڭ جېنىمىزنى ئېلىپ جاڭگالدا قويۇۋاتقان، بىزنى ئىقتىسادىي جەھەتتىن تالان-تاراج قىلىۋاتقان، ئىختىساس ئىگىلىرىمىزنى بۇلاپ كېتىۋاتقان كۈچتىن ئىبارەت. ئەلۋەتتە بۇنىڭغا يەنە مەدىنيەتنىڭ كۈچلۈك تەسىرى سىڭگەن، بولمىسا بۇ ئۇلارنى ئۇنداق ئىلغار كۆرسىتەلمەيدۇ، خارۋارد ۋە باشقا ئۇنۋېرسىتىتلارنىڭ سودا ۋە باشقۇرۇش كەسپلىرىدە MBA سودا-سانائەتنى مەمۇرىي باشقۇرۇش ماگىستىرلىقى كەسپى دۇنيادا شۇنچىلىك شۆھرەت قازانغانكى، نۇرغۇن شىركەتلەر بۇ كەسىپنى پۈتتۈرگەنلەرنىڭ شۇنچىلىك ھىيلىگەر، شۇنچىلىك يېقىملىق ئۇسۇلدا ئۆز قول ئاستىدىكى جۇڭگولۇق، ھىندىستانلىق ۋە شۇنىڭغا ئوخشاش جايلاردىن كەلگەن خىزمەتچىلەرنى ناھايتى ئوبدان باشقۇرۇپ ئۆزى ئۈچۈن پايدا يارىتالايدىغانلىقىنى ئوبدان بىلىدۇ. ھالبۇكى بىزنىڭ سودا مەكتەپلىرىمىزنى پۈتتۈرگەنلەر سودا – سانائەتنى مەمۇرى باشقۇرۇش ئىدارىسىگە كىرىشنىلا ئويلايدۇ. دېمەك بىزنىڭ قولىمىزدىكى پۇلنى بۇلارنىڭ ئېلىپ كېتىشىگە شۇنچىلىك نۇرغۇن ئاماللار باركى خۇددى بىز بۇلار چىقارغان يېڭى يانفوننى ئالمىساق، يېڭى قەۋەتلىك بىنالاردا ئولتۇرمىساق، يېڭى مودا كىيىملەرنى كىيمىسەك خۇددى ئاخىر زامان بولىدىغاندەكلا، ھالبۇكى بىزنىڭ بۇ ئازغىنە تاپاۋىتىمىز نەدىن كېلىۋاتىدۇ؟ دېھقانلىرىمىز پاختا ساتقان پۇلى، ئىدارە – ئورگانلاردا ساناقلىق قالغان مەمۇرلارنىڭ مائاشى ئۈزۈلگەندە ئۇيغۇر جەمئىيتىگە پۇل يەنە نەدىن ئېقىپ كىرەر...ھالبۇكى پۇلنىڭ ئېقىپ چىقىشىدا تۈمەن مىڭلىغان يوچۇقلار بار. پۇل – مۇئامىلە كەسپىنى ئېلىپ ئېيتساق، ئۇيغۇرلارنىڭ پۇل – مۇئامىلىنى چۈشىنىدىغانلىرى ئاز، ئەمما بۇ قېتىملىق پايچەك سودىسىدا زىيان تارتقانلار يەنىلا خېلى كۆپ. ئاساسەن ئىقتىسادىي كىرزىستە زىيان تارتمىغان كىشى يوق، كىشىلەرنىڭ قولىدىكى پۇلنىڭ سانى ئۆزگەرمىگىنى بىلەن قىممىتى ئۆزگىرىپ تۇرىدۇ، دۆلەتنىڭ ئامانەت پۇلنىڭ ئۆسۈمىنى يۇقىرى تۆۋەن تەڭشەپ تۇرۇشى بىكاردىن بولمايدۇ. پۇلنىڭ پاخاللىشىشى بولسا تېخىمۇ كۆپ سەۋەبلىرى بار. كىشىلەرنىڭ بىر ئۆمۈر ئىشلەپ، قان تەر ئاققۇزۇپ پۇلنىڭ قۇلى ياق، شۇ پۇلنى كونترول قىلىپ تۇرغانلارنىڭ قۇلى بولۇپ كېتىشى ناھايتى تەبىئىي، يەنە تېخى ئېغىر دەرىجىدىكى چىرىكلىك..بىزنىڭ ئۈستىمىزنى بېسىپ تۇرغان يۈكلەر ھەقىقەتەن ئاز ئەمەسكەن. ئامرىكا ۋە باشقا ھەممە دۆلەتلەرنىڭ باشقىلارنىڭ ماللىرىنى ئېمپورت قىلغاندا ئالىدىغان يۇقىرى بېجى ۋە تۇرۇپ تۇرۇپلا يۈرگۈزىدىغان يۇقىرى باجلار ئىقتىسادىي ئېمبارگولار سىلەرچە ھەقىقەتەن باشقىلارنى جازالاش ئۈچۈنمىدۇ؟ ياكى ئۆزىنى قوغداش ئۈچۈنمىدۇ؟ نېمىشقا بىزنىڭ دېھقانلىرىمىز دائىملا بالىسىنى ئالىي مەكتەپتە ئوقۇتقۇدەك ئوقۇش پۇلى يىغالمايدۇ؟
ئىختىساسلىق خادىملار مىللەتنىڭ جېنى، لېكىن قاراپ باقساق بىز تەربىيلەپ چىقارغان دوكتورلارنىڭ تەڭدىن تولىسى چەتئەلدە، ئۇلارغا ئەگەر يۇرتىمىزدا چەت ئەلدىكى شارائىتنىڭ يېرىمى بولغان بولسا ئۇلار قايتىپ كەلمەسمۇ؟ كىمنىڭ يۇرت-ئۇرۇق تۇققانلىرىدىن ئايرىلىپ سىرتتا سەرسانلىق سۈرگۈسى كېلىدۇ؟ خوش ئەمىسە چەت ئەلنىڭ بۇ مېخانىزىمىغا قاراپ باقايلى، ئۇلار ئادەتتە مېنىڭ بىلىشىمچە ئالىي مەكتەپنىڭ ماگىستىرلىق دەرىجىسىدىن باشلاپ تەتقىقاتقا كىرىشىدۇ، تەتقىقات ئىشخانىلىرى ۋە ئورگانلارنىڭ دەرىجىسىگە قاراپ تەتقىق قىلدىغان تېمىسى ئوخشىمايدۇ، بەزىلىرى ئاياق ياساش تېخنىكىسىنى تەتقىق قىلسا، كۈلكىلىك دەپ قالماڭ، كىيىۋاتقان ئايىقىڭىزنىڭ ماركىسى نېمە؟ نېمىشقا ھازىر تولۇق ئوتتۇرىدا ئوقۇۋاتقان ئۇكىڭىز بەزىلەرنىڭ بىر ئايلىق مۇئاشىنى خەجلەپ بىر نايىك ياكى ئادىداسنى كىيىدۇ؟ بەزىلىرى ئالەمگە ئۇچۇش تېخنىكىسىنى، بەزىلىرى چاقماقنى تەتقىق قىلسا بەزىلىرى دېھقانچىلىق تېخنىكىسىنى تەتقىق قىلىدۇ، ئاخىرى بۇ تەتقىقاتلارنىڭ نەتىجىسى ھامان بىر قىممەت يارىتىدۇ. بۇنىڭ خېرىدارى چىقىدۇ، بۇ خېرىدارلار تەتقىقاتنىڭ ھەرىكەتلەندۈرگۈچ كۈچىدىن ئىبارەت. نۇرغۇنلىغان بۇ تەتقىقاتلارنىڭ مەقسىتى ياكى شۇنىڭدىن ئېرىشىدىغان پايدا بولسا، قالغىنى شۇ ئالىملارنىڭ ھەقىقەت ئۈستىدە ئىزدىنىش ئىستىكى، قىزىقىشىدىن ئىبارەت. ھالبۇكى نۇرغۇن ئوقۇغۇچىلارنىڭ مەقسىتى بولسا، شۇنىڭدىن پايدىلنىپ ئېرىشىدىغان بىلىم ۋە ئۇنۋان، ۋە كەلگۈسىدە بۇ ئۇنۋاندىن پايدىلنىپ ئېرىشىدىغان خىزمەت ئورنى. دېمەك تەتقىقات ئورگىنى ۋە شىركەتلەر بىۋاستە پايدا ئالىدۇ، قالغانلار ۋاستىلىك پايدا ئالىدۇ، پەن-تېخنىكىنىڭ ھەرىكەتلەندۈرگۈچ كۈچى شۇ ئارقىلىق ناھايتى يوچۇق قالمىغان ھالدا ماسلىشىپ بارلىق رولىنى تولۇق جارى قىلدۇرىدۇ. ئەمدى ئۆزىمىزگە قاراپ باقايلى، بىزدە تەتقىقاتچىلارنىڭ ئەڭ كۆپ تەكرارلايدىغان سۆزى مەبلەغ كەمچىل بولسا كېرەك. دېمەك مەبلەغ نەگە كەتتى؟ ئۇلارغا بېرىدىغان مەبلەغ ئەسلى كارخانىچىلاردىن ۋە دۆلەتتىن كېلىشى كېرەك ئىدى، بىراق كارخانىلارنىڭ ھالى خاراب. ئۇلاردىمۇ مەبلەغ يوق. ئەمىسە كارخانىلارنىڭ مەبلىغىچۇ؟ ئۇلارنىڭ نېمىشقا مەبلىغى يوق؟ مىللىتىمىزنىڭ قولىدىكى پۇللار سىرتقا ئېقىپ كەتسە، كارخانىچىلارنىڭ قولىغا قانچىلىك قالاتتى؟ دېمەك بىزدىكى بۇ مەبلەغ ئايلىنىش مېخانىزىمى ئورنىتىلمىغان، تەتقىقاتچىلار، ئىختىساسلىقلار يوقمۇ؟ شۇنىڭغا ئىشىنىمەنكى ئەگەر ئۇيغۇرلارغا ئىشىكنى تولۇق ئېچىۋېتىدىغان، ئىنگىلىز تىلى ئومۇملىشىدىغان بولسا، ئۇيغۇرلاردىن چەت ئەلدىكى داڭلىق كارخانىلاردا ئىشلەيدىغانلار چوقۇم تۈركۈم – تۈركۈملەپ تېخىمۇ كۆپ بارلىققا كېلىدۇ. ئۇيغۇرلار دۆت ئەمەس ، تىرىشچان ھەم ئەقىللىق. ھالبۇكى بۇ بىزنىڭ ئاخىرقى مەقسىتىمىزمۇ؟ بىز ئىختىساسلىقلار سىرتقا ئېقىپ كەتسە، خەلقىمىز قولىغا ئاران كېلىۋاتقان پۇلىغا تېلىۋزور، توڭلاتقۇ، ئۆي، كىنتاكى دېگەنگە خەجلەپ تۈگىتىۋەتسە، بۇلارنىڭ ھېچقايسىسىنى ئۆزىمىز ئىشلەپ چىقارمايمىز، بالىلىرىمىز ھۆكۈمەت بەرگەن ياردەم پۇلىغا تايىنىپ ئىچكىرىدە ئوقۇشىنى داۋاملاشتۇرىۋەرسە، ئۇنىڭغىمۇ ئېرىشەلمىگەنلىرى قورامىغا يەتكەندە ئۆز يۇرتىمىزدىن خىزمەت تاپالماي تۈركۈم – تۈركۈملەپ ئىچكىرى ئۆلكىلەردە ئىشلەپ پۇل تېپىشقا سەپەرۋەر قىلىندۇ. مانا بۇ بىز دۈچكېلىۋاتقان ھەقىقىي خىرىسنىڭ سەۋەبى. مانا بۇ ئەتراپىمىزدا يۈز بېرىۋاتقان، بەزىلەر ئويلاپ تېگىگە يېتەلمەيۋاتقان ئىشلارنىڭ تېگى-تەكتى. بېيجىڭ ئۇنۋېرسىتىتىنىڭ ئاتاقلىق بىر پىراففىسورى جۇڭگودا ئۆي باھاسىنىڭ ھەددىدىن زىيادە ئۆسۈپ كېتىشى بىلەن، ياشلارنىڭ ئىگىلىك يارىتىش روھىنىڭ تۆۋەنلەپ كېتىشى ۋە بۇنىڭ ئىختىساسلىقلارنىڭ سىرتقا ئېقىشىنى ئىلگىرى سۈرگەنلىكى توغىرسىدا ئىلمىي ماقالە يازغان. ئىقتىساد جەمئىيەتنىڭ ھەر خىل ھادىسىلىرى بىلەن چەمبەرچەس باغلانغان بولىدۇ. دېمەك ئۇيغۇر جەمئىيتى ئۆزىنى قوغدايدىغان تۈپكى ۋاستە ئىقتىساد تەرىپىدىن بازار رىقابىتى ئاستىدا قاتتىق قامال قىلىنغان. بۇنىڭ ئۈچۈن بىردىنبىر يول ئىقتىسادنى تەرەققىي قىلدۇرۇش، سانائەت بەرپا قىلىش، مىللىي كارخانىلارنى كۆپلەپ قۇرۇش ۋە قوللاش ئارقىلىق خەلقىمىزنىڭ ئۆز ھاجىتىدىن ئۆزىمىز چىقىشنى ئەمەلگە ئاشۇرۇش، ئىختىساسلىقلارنى قايتۇرۇپ كېلىش ئۇلارنى ئۆزىمىز ئۈچۈن خىزمەت قىلدۇرۇش كېرەك. شۇنىڭدا تەرەققىي قىلىپ ئۆز بالىلىرىمىزنى ئۆزىمىز ئوقۇتۇپ ئۆزىمىز ئىشقا ئورۇنلاشتۇرالايدىغان، ئۆز قىزلىرىمىزنىڭ ئۇسۇلىنى ئۆزىمىز كۆرەلەيدىغان ھالغا كېلىشىمىز مۇمكىن. بۇنىڭ ئۈچۈن شۇنچىلىك ئىقتىدارى بارلىكى كىشىلەر بىرلىشىشى، ھەر بىر ساھەدە مىللىي كارخانا بەرپا قىلىش، بازار ئېچىش، توغرا رىقابەتلىشىش ئاساسىدا ئىلگىرلەپ، ئالدى بىلەن ئامال بار ھەر خىل ساھەلەردە ئۆز مەھسۇلاتلىرىمىزغا تايىنىدىغان، ۋە ياخشى مەھسۇلاتلارنى چەت – ئەللەرگە ئېكىسپورت قىلدىغان ھالەتنى شەكىللەندۈرىشىمىز كېرەك. ئۆزىمىز ئىشلەپچىقارغان ماللارنىڭ ماركىلىرىنى ئۆز تىلىمىزدا يازالىشىمىز، ئۆزىمىز ئىشلەپچىقارغان كومپىيۇتىرنىڭ ئىشىلتىش قوللانمىسى ۋە سېستىمىسىنى ھېچبولمىغاندا تېلىۋزورنىڭ ئىشىلتىش قوللانمىسىنى ئۆز تىلىمىزدا قىلالىغىنىمىزدىلا، نۇرغۇن كىشىلەرنىڭ ئىشقا ئورۇنلىشىش مەسىلىسى ھەل بولىدۇ. يۇرتىمىز بېيىغاندىلا كىشىلەر بولۇپمۇ ئىختىساسلىقلار سىرتقا ئېقىپ كەتمەيدۇ. نوپۇسىمىز كۆپەيسە مىللەتنىڭ پەن-مەدىنيەت، مائارىپ ئىشلىرى ئاندىن روناق تاپىدۇ. دېمەك پەن-تېخنىكىنىڭ راۋاجلىنىشى ھەرگىزمۇ ئالىي مەكتەپ ئوقۇغۇچىلىرىنىڭ بۇزۇلۇپ كەتمەي تىرىشىپ ئۆگىنىشى ياكى باشلانغۇچ ئوتتۇرا مەكتەپ ئوقۇغۇچىلىرىنىڭ نومۇرنى يۇقىرى ئېلىشىغىلا باغلىق ئىش ئەمەس. بالىلار ياش – ئۆسمۈرلەر كۈچلۈك خاراكتېر يېتىلدۈرۈشى، كۈچلۈك بەدەن ساپاسى، پىسخىك ساپاغا ئىگە بولۇشى كېرەك. ھەرگىز ئۇلارنى بىر توقاي كېرەكسىز بىلىملەرنى ئۈستىگە يۈكلىۋالغان ئېشەك ياكى كىتاب قۇرتى بولۇپ قالماسلىقى كېرەك. چوقۇم ئىگىلىك يارىتىش روھى بولۇشى ، ھەر قايسى پەنلەر، سانائەتلەر توغىرسىدىكى بىلىملەر جەملىنىشى، سېستىمىلىق ھالدا ئىشلەپچىقىرىشقا ئىشىلتىلىشى كېرەك. سىلەر ئۇيغۇرلار مىللىيچە كىيىملەرنى كىيمەيدىغان بولۇپ كەتتى دەپ ۋايسايسىلەر، قايسىڭلار مىللىيچە كىيىملەرنىڭ پوسۇنى، تىكىلىشى ئۈستىدە تەتقىقات يۈرگۈزۈپ باقتىڭلار، قايسىڭلار ئۇلارنى زامانغا ماسلاشتۇرۇش، يېڭىچە ھەم يازدا، ھەم قىشتا، ھەم ئېتىزدا ھەم ئىشتا كىيىدىغان قىلىشقا ئۇرۇنۇپ باقتىڭلار؟ مىللىيچە كىيىم دوپپا، كانىۋاي كۆينەك، ئەتلەس كۆينەك ۋە تون بىلەن چەكلىندىغان تۇرسا(كام دېگەندە مېنىڭ بىلىدىغىنىم موشۇلار) بۇلارنى قانداقمۇ بىر يىلنىڭ تۆت پەسلىدە كىيىپ يۈرگىلى بولسۇن؟ كارخانا قۇرغانلار باشقۇرۇش ئىلمى ھەققىدە ئىزدىنىپ باقتىڭلارمۇ؟ كارخاناڭلارنى ئۇزۇن مەزگىل تەرەققىي قىلدۇرۇش ئۈچۈن قانداق پىلان تۈزدۈڭلار؟ مەن ئۇيغۇر ناخشا – ئۇسۇلچىلارنى ھۈرمەتلەيمەن، كام دېگەندە شۇلار ئۆزىنى زامانغا ماسلاشتۇرۇش ئۈچۈن كۈچەپ خەلقنىڭ ھاجىتىدىن چىقىۋاتىدۇ. مەن يازغۇچى ئالىملارنى ھۈرمەتلەيمەن، ئۇلار خەلقىمىزنى ئويغىتىپ مەنىۋى كۈچ بېغىشلاۋاتىدۇ. ھالبۇكى ئەگەر ئۇلار بولمىغان بولسا، بىزنىڭ تەغدىرىمىز ئاللىقاچان باشقا مەنىۋى كۈچى ئاجىز مىللەتلەرگە ئوخشاش بولغان بولاتتى. مەن ئۈمىدسىزلەرنى ياقتۇرمايمەن. چۈنكى ئۇلاردىن پايدا كەلمەيدۇ. مەن قىزىققان كىشىلەرنىڭ ئۆزىنى تۇتۇۋېلىشىنى، كىشىلەرنىڭ چىرايى، يۈرۈش تۇرۇشى، گەپ سۆزلىرىدىن باشقا ئۇلارنىڭ روھىي دۇنياسىنى كۆرەلىشىنى، جەمئىيەتنىڭ سىرتقى قىياپىتىنىڭ ئىچىگە يوشۇرۇنغان سىرلىرىنى بايقىيالىشىنى ئۈمىد قىلىمەن. ئۇلۇغ داھىيمىز ماۋزىدۇڭنىڭ مۇنۇ سۆزى بويىچە ئېيساق:«توغرا ئىدىيە كىشىلەر تەرىپىدىن ئىگىلەنگەن ھامان، ئۇ ناھايتى چوڭ كۈچكە ئايلىندۇ»، ئاخىرىدا خەلقىمىزنىڭ توغرا ئىدىيىلەر تەرىپىدىن يېتەكلىنىشىنى، بۇ كۈچنىڭ بىزنى تەرەققىيات يولىغا باشلىشىنى ئۈمىد قىلىمەن. ھازىرچە يۈزەكى قاراشلىرىمنى شۇنچىلىك سۆزلەي.
بىلىكتىكى ئىنكاسلارنى كۆرۈڭ.
سەلكىندىكى ئىنكاسلارنى كۆرۈڭ.

بىلوگ مۇزىكا قويغۇچلىرى

2009-01-18T00:03:00.007+02:00

blog مۇزىكا قويغۇچلىرى

Blog Music Player Solutions

بىلوگ ياكى تور بېكىتىڭىزدە مۇزىكا قويغۇچ ئورنىتىۋالغۇڭىز بارمۇ؟
http://www.myflashfetish.com/
مەن تاللاپ ئىشلەتكىنى. مۇزىكىنى ئۆزىڭىز چىقىرىشىڭىز ھاجەتسىز، پەقەت قوشۇش بەلگىسىنى بېسىپلا قويسىڭىز بولىدۇ. پەچەت.

يەنە esnips.comدا چوڭراق نۇتۇق دېگەندەك ھۈججەتلەرنى چىقارغىلى بولىدۇ.
ئۇيغۇرچە مۇزىكا قويغۇچhttp://www.alqin.com/music/
سەل ئاۋارىچىلىقكەن، مۇزىكىلارنى ئۆزىڭىز تېپىشىڭىز كېرەككەن، ياكى ئادرىسنى بولسىمۇ تېپىشىڭىز كېرەككەن. ئىشقىلىپ قوللايمىزغۇ :)
ئەينەك بىلوگ ئىشلەتكەن ئۇسۇل:
http://www.deezer.com/
ئەمىلىي كۆرۈنىشىنى بۇ يەردىن كۆرىۋالسىڭىز بولىدۇ.
http://eynek.uzblog.cn/?page_id=41
بىلوگ ياساۋاتقانلارغا لازىمى تېگىپ قالامدىكىن دەپ يوللاپ قويدۇم.

ئەڭ پەيزى 100 Jazz ناخشىلىرى
Top 100 Jazz songs

تىزىملىكنىڭ كېلىش مەنبەسى:
http://www.ontheradio.net/songs/top/jazz.aspx

قوزغىلاڭچىلار Defiance

2009-01-17T20:08:00.011+02:00

قوزغىلاڭچىلار Defiance

ئىسرائىلىيە يەھۇدىيلىرى پەلەستىندە قىلغۇلىقىنى قىلىۋاتقان موشۇ كۈندە ئۇلارنىڭ ئامرىكا ئاكىسى بۇ ئىشلار ئۈچۈن تەييارلىقنى بۇرۇنلا باشلىۋەتكەندەك قىلاتتى. مانا كىشىلەرگە يەھۇدىيلارنىڭ قانچىلىك بىچارە، 2-دۇنيا ئۇرۇشىدا قانداق زىيانكەشلىكلەرگە ئۇچىرغانلىقىنى ئەسلىتىدىغان يەنە بىر فىلىم مەيدانغا چىقتى. يەنە كېلىپ بۇ فىلىمغا Daniel Craig رول ئالغان 007 دەپ نام بېرىلدى. Daniel Craig موشۇنىڭ بىلەن بىر يىلدا ئىككى 007 كىنوسىنى ۋە ئۇنىڭدىن باشقا بىر كىنونى ئېلان قىلدى. يامان ئەمەس نەتىجىدە بۇ. ئالدىنقى قېتىم ئېلان قىلغان كىنولىرىنىڭ ئىسمى Quantum of Solace.
مەزكۇر فىلىمدا James Bond بىر بىچارە يەھۇدىيلار توپىنىڭ ئاتامانى بولۇپ، ئۇنىڭ ئاتا-ئانىسى ۋە خوتۇن بالىلىرى باشقا نۇرغۇنلىغان يەھۇدىيلار بىلەن بىللە نېمىسلار تەرىپىدىن ئۆلتۈرۋېتىلگەندىن كېيىن، ئۇ ئۆزىگە ئوخشاش ئورمانلىقنىڭ ئىچكىرىسىگە يوشۇرنىۋالغان بىر تۈركۈم يەھۇدىيلارغا باش بولۇپ، نېمىسلار ۋە جاپالىق تۇرمۇشنىڭ ئۈستىدىن غەلبە قىلىپ ئەڭ ئاخىرى 1200 يەھۇدىينىڭ ھايات قېلىشىغا سەۋەبچى بولغان تارىخىي ئىش - ئىزلىرى خاتىرلەنگەن. ھېكايىنىڭ ئىچىدە يەنە بىر دىققەت قىلىشقا ئەرزىيدىغان نۇقتا شۇكى بۇ بىر تۈركۈم قوزغىلاڭچىلار قوشۇنى روس قىزىل ئارمىيسىگە ئىشەنگىلى بولمايدىغانلىقىنى ۋاقتىدا تونۇپ يېتىدۇ ھەم ۋاقتىدا جېنىنى ئېلىپ قاچىدۇ، جانىۋارلارنىڭ ئەقىللىقلىقىنى قاراڭلار.

قانداق قىلغاندا دوستلارنى كۆزدىن يوقاتقىلى ۋە كىشىلەرنى يىراقلاشتۇرغىلى بولىدۇ

2009-01-17T19:33:00.009+02:00

قانداق قىلغاندا دوستلارنى كۆزدىن يوقاتقىلى ۋە كىشىلەرنى يىراقلاشتۇرغىلى بولىدۇ
how to lose friends and alienate people

ئەنگىلىيەنىڭ 2008 - يىللىق يېڭى فىلىمى «قانداق قىلغاندا دوستلارنى كۆزدىن يوقاتقىلى ۋە كىشىلەرنى يىراقلاشتۇرغىلى بولىدۇ» يېقىندا كۆرگەن ياخشى كىنولىرىمنىڭ بىرى بوپقالدى. ياخشى كىنونىڭ كىشىگە بەرگەن تەسىرىنى سۆز بىلەن ئىپادىلەپ بېرىش تەس، ياخشى كىنولارنىڭ نېمىنى ئىپادىلىگەنلىكى سۆزلەپ بېرىشمۇ تەس، ئەمما مەن ئەنگىلىيە فىلىملىرىنىڭ كىشىنىڭ روھىغا سادىق تەرىپىنى، تەبىئىيلىكى ۋە راستچىللىقىنى ياقتۇرىمەن، ياخشى كومىدىيلىك فىلىمكەن.
سايمېن پەگ چوشقا بېقىشنى ياخشى كۆرىدىغان(مېنىڭچە بۇنى كومىدىيلىكنى ئاشۇرۇش ئۈچۈن قوللانغان ئۇسۇل) پەلسەپە ماگىستىرلىق ئۇنۋانىغا ئىگە ژۇرنىلىست ئىدى. ئۇنىڭ دادىسىمۇ پەلسەپە دوكتورى ئانىسى داڭلىق كىنو چولپىنى بولۇپ كېچىكىدە تۈگەپ كەتكەن. سايمېن پەگ كىنو چولپانلىرىنىڭ ئەپتىبەشرىسىنى چۈشەنگەنچە ئۇلارنى ئانچە نەزىرىگە ئىلىپ كەتمەيتتى. بىراق يەنىلا كېچىكىدىن سۈرگەن خىيالىنى ئەمەلگە ئاشۇرۇش ئۈچۈن نىيۇ-يوركقا كېلىدۇ. نۇرغۇن جەبرى - مۇشەققەت ۋە قۇربان بېرىشلەر ئارقىلىق ئاخىرى ئۆزى ئويلىغان ھەممە نەرسىگە ئېرىشكەندە بولسا، ئەمىليەتتە ئۇ نەرسىلەرنىڭ ھەقىقىي ئۆزى خالىغان نەرسىلەر ئەمەسلىكىنى بايقايدۇ. بىراق ھەر قانداق ئىشنىڭ ئىككى تەرىپى بولغىنىدەك، ئۇ بۇ جەرياندا ھەقىقىي مۇھەببەتكە ئېرىشىدۇ، ھەم ھەممىنى تاشلاپ مۇھەببەتكە قاراپ يۈگىرەيدۇ...خىيالىي كىنو، ئەمىليەتتە ئەنگىلىيەلىكلەر شۇنداق قىلارمۇ؟

ئەڭ قىزىقارلىق youtube فىلىملىرى

2009-01-15T23:10:00.010+02:00

ئەڭ قىزىقارلىق youtube فىلىملىرى، كۆرمىسىڭىز ئارماندا...پەچەت!!!

ئىسمايىل نېمىشقا «قۇرۇق شەھەر» گە كىرمەيدۇ؟

2009-01-14T21:41:00.007+02:00

ئىسمايىل نېمىشقا «قۇرۇق شەھەر» گە كىرمەيدۇ؟
يىجوڭتىيەن 易中天

بەزى چاغلاردا بالىلارنىڭ ھېسسىي تۇيغۇسىغا سەل قاراشقا بولمايدۇ. كۆپىنچە چوڭلار توغرا قارىغان ئىشلار بالىلارغا غەلىتە تۇيۇلىدۇ. ئۆزەمنى مىسال ئالساق، كېچىكىمدە چوڭلار جۇگېلىياڭنىڭ «قۇرۇق شەھەر ھىيلىسى» توغىرسىدىكى ھېكايىسىنى ئېيتىپ بەرگەندە مەن ئىچىمدە ئەجەبلەنگەن: نېمىشقا ئەقىلغا كامالەتكە يەتكەن ئىسمايىل جۇگېلىياڭنىڭ قۇرۇق شەھەر ھىيلىسىگە ئالدىنىپ قالغاندۇ؟ ئەجەبا ئۇ راستىنلا شۇنداق ئاخماقمىدۇ؟

چوڭ بولۇشقا ئەگىشىپ ئۈچ پادىشاھلىق ھەققىدە قىسسەنى ئوقۇدۇم، بىراق بۇ سوئال كاللامدىن پەقەتلا چىقمىدى.

قارىماققا ئىسمايىلنىڭ ئەسكەر چېكىندۈرۈشىنىڭ سەۋەبىنى ئۇنىڭ گۇمانخورلۇقىغىلا ئارتىپ قويۇشقا بولمايتتى. ئۇنداق چۈشەنچە بېرىلسە بەك ئالدىراقسانلىق قىلغانلىق بولۇپ، تولۇق چۈشەندۈرۈپ بېرەلمەيتتى. شۇ ئەمەسمۇ، ئەقىلدە كامالەتكە يەتكەن كىشى ئازراق ئويلاپ باقسىلا، مەسلەن، بىر ئەترەت ئەسكەرنى كىرگۈزۈپ سىناپ باقسىلا ياكى پۈتۈن ئەسكەرلەرنى ئىشقا سېلىپ ئالدى بىلەن شەھەرنى قورشاۋغا ئالسىلا ئىش پۈتمىدىمۇ(ئەينى چاغدا ئىسمايىلنىڭ قولىدا150مىڭ كىشلىك قوشۇنى بار بولۇپ، شۇ مەملىكىتى قاتتىق يېڭىلىپ ھېچقانداق قارشى تۇرغۇدەك ماجالى قالمىغان چاغ ئىدى.)؟ قېنى شۇ چاغدا جۇگېلىياڭنىڭ زادى قانچىلىك چالالايدىغانلىقى بىر كۆرۈپ باقمىغۇلۇقمۇ؟

ئىسمايىلنىڭ قۇرۇق شەھەر ئالدىدىكى بۇ نورمالسىز ھەركىتىنى بىز قۇرۇق شەھەرنىڭ سىرتىدىكى چوڭ بوشلۇقتىنلا جاۋابىنى تاپالايمىز.

بىزنىڭ تەكشۈرىشىمىزگە ئاساسلانغاندا، ئىسمايىلنىڭ كەسپىي جەھەتتە باسقان يولى ئانچە راۋان بولمىغان، دائىم چوڭ ئۆزگىرىشلەرگە ، ھەتتا خەۋپ خەتەرگە دۇچ كېلىپ تۇرغان. ئۇ دائىم باشقىلارنىڭ ھەسەت قىلىشىغا ئۇچىرغاچقا، سىياسىي رەقىبلىرى كۆپ بولغان، ئىش قىلغاندا دائىم كۆپ تەرەپلىمە توسقۇنلۇقلارغا ئۇچراپ تۇرغان. ساۋساۋنىڭ ۋاقتىدا ئىسمايىلغا نىسپەتەن ناھايتى پەخەس قىلاتتى. ئۇ ئىلگىرى خۇايۈنگە:«ئىسمايىل بۆرىگە تىكىلىپ تۇرغان بۈركۈت، ئۇنىڭغا ھەربىي ھوقۇق تۇتقازغىلى بولمايدۇ، ھامان دۆلەتنىڭ بېشىغا چىقىدۇ.» دېگەن. ساۋپېي ھوقۇقتا ئولتۇرغاندىن كېيىن، ئىسمايىل بىر مەزگىل ئەتىۋارلاپ ئىشىلتىلگەن، ئەمىلى ئۆسۈپ ئاتلىق قوشۇنغا سەركەردە بولغان. ساۋرۇينىڭ ۋاقتىغا كەلگەندە بولسا، ئىسمايىلنىڭ قوشۇنلىرى جۇگېلىياڭنىڭ قوشۇنلىرى بىلەن تىغمۇ-تىغ جەڭ قىلغان ۋە جۇگېلىياڭنىڭ كۆزىگە قادالغان مىخ بوپقالغان. نەچچە قېتىملىق ئۇرۇشتا جۇگېلىياڭ ئىسمايىلنىڭ قوشۇنىنىڭ تەمىنى تېتىغان. بىراق جۇڭگولۇقلارنىڭ بىر «ئەقىللىقلىقى» بولسا، ئۇرۇش قىلىشتا بولسۇن، رىقابەتلىشىشتە بولسۇن «ئەمىلىي ئىقتىدار»غا تايىنىشنى ياخشى كۆرمەيدۇ. جۇگېلىياڭنى مىسالغا ئالساق، ئۇ ئاخىرى ئىسمايىل بىلەن تىغمۇ-تىغ ئېلىشىشنى خالىمىدى. جۇگېلىياڭ ھەر قېتىم كۈچلۈك رەقىبكە دۇچكەلگەندە، ھىيلە-مېكىر ئىشىلتىشنى تېخىمۇ ياخشى كۆرىدۇ. شۇنداق ئەمەسمۇ، ئۇ ساۋرۇينىڭ ئىسمايىلغا بولغان گۇمانىدىن پايدىلنىپ، ئازىراقلا پەم ئىشىلتىپ قويۇۋىدى، ئىسمايىل سەركەردە دەرھاللا موللاق ئاتتى.

جۇگېلىياڭنىڭ ئىشلەتكەن ھىيلىسى «ئىشپىيونلۇققا تاقابىل تۇرۇش» ھىيلىسى بولۇپ، ئۇ ئادەم ئەۋەتىپ لوياڭ ئەتراپىدا ئىسمايىل ئوردىغا قارشى چىقماقچى بولۇۋېتىپتۇ دەپ گەپ تارقاتقان، ھەم تەرەپ - تەرەپكە ئىسمايىلنىڭ نامىدا پادىشاھنىڭ بىكار قىلىنغانلىقى توغىرلىق ئېلان چاپلاتقۇزغان. ساۋرۇي بۇنىڭ راستلىقىغا ئىشەنگەن، ئىسمايىلنىڭ ئوردىدىكى ھەمراھلىرى بولسا، جۇڭگولۇقلارنىڭ بۇنداق ئەھۋاللاردىكى ئادەتتىكى پوزىتسىيسى بويىچە سۇنىڭ ئېقىشىغا قاراپ ئىش تۇتۇپ، ئۇنىڭ ھالاك بولۇشىنى تېزلەشتۈرگەن. ھەقىقىي ئۇنىڭ ئۈچۈن گەپ قىلدىغانلار ئىنتايىن ئاز چىققان. پەقەت ساۋجىنلا ئىسمايىل ئاسانلىقچە تېپىلمايدىغان قابىليەت ئىگىسى دەپ ئۇنىڭ بىر قوشۇق قېنىنى تىلىگەچكە ئاندىن ئامان قالغان. ئەلۋەتتە ئەمىلىدىن ئايرىلىپ ئۆيىگە قايتىپ يەر تېرىشقا مەجبۇر بولغان.

ئىشلار ئۆزگىرىپ جۇگېلىياڭ ۋېي سۇلالىسىگە جازا يۈرۈشى قىلغان، ساۋ قوشۇنى قايتا-قايتا مەغلۇبىيەتكە ئۇچراپ، جۇگېلىياڭغا تەڭ كەلگۈدەك بىرەرى چىقمىغان. ۋېي سۇلالىسى زاۋاللىققا يۈز تۇتقان.

ئىشلار موشۇ دەرىجىگە كەلگەندە، دۆلەت دۇچكەلگەن بۇ خەۋپ بەزى كىشىلەر ئۈچۈن تېپىلمايدىغان ياخشى پۇرسەت بولۇپ قالغان. قارىماققا كۈلكىلىك تۇيۇلغان بۇ ئىش ئەمىليەتتە جۇڭگونىڭ ھەقىقىي تارىخى تەرىپىدىن قايتا - قايتا ئىسپاتلانغان ئىدى. ئىسمايىلنىڭ قايتا باش كۆتۈرۈپ چىقىشى بۇنىڭغا ناھايتى ياخشى ئىسپات بولالايدۇ. ۋېي سۇلالىسى ئېغىر كۈلپەتكە دۇچ كەلگەن چاغدىلا، پادىشاھ ئاخىرى ئىسمايىلنى ئىشىلتىشنى قارار قىلدى. ئۆمرىنىڭ ئاخىرىنى دېھقانچىلىق قىلىپ ئۆتكۈزۈشنى ئويلىغان ئىسمايىل، ۋېي سۇلالىسى خەۋپكە ئۇچىرغان چاغدىلا كومىدىيەلەرچە يەنە تەلىيى كەلدى.

ئىسمايىل قانداق ئادەم؟ ئۇ موشۇنداق چوڭ كۈلپەتلەرنى باشتىن كەچۈرگەن كىشى تۇرۇقلۇق ئۇ ئۆزىنىڭ بۇ كۈنلەرگە ئېرىشەلىشىنى، ئۆزىنىڭ غەربنى تىنجىتقۇچى سەركەردە ئەمىلىگە ئېرىشەلىشىنى جۇگېلىياڭنىڭ تۆھپىسىدىن ئايرىپ قارىغىلى بولمايدىغانلىقىنى چۈشەنمەي قالامدۇ؟ پۈتۈن ئوردىغا يىغىلغان قابىللار ئارىسىدا پەقەت ئىسمايىللا جۇگېلىياڭ بىلەن تۇتۇشالايدۇ. جۇگېلىياڭ بىر كۈن ھايات بولسا، ئۇنىڭ بىر كۈن ئوردىغا كېرىكى بولىدۇ. سىياسىي رەقىبلىرى ئۇنى يەنە نېمە قىلالايدۇ. ئەگەر بىر كۈنى جۇگېلىياڭ بولمايلا قالسا...

قۇرۇق شەھەر ئىچىدە تېرە تاراقلىتىۋاتقان جۇگېلىياڭنىڭ ئەينى چاغدا ھېچقانچە كۈچى يوق بولۇپ، ئۇنى يوقىتىشنىڭ ناھايتى ياخشى پەيتى ھېسابلىناتتى. بىراق بېشى پىشقان، ئىشلارنى ئەتراپلىق ئويلايدىغان ئىسمايىل بۇ چاغدا نۇرغۇن ئۇرۇش مەيدانىدىن سىرت ئىشلارنى ئويلىمىسا بولمايتتى. مەسلەن، ۋېي سۇلالىسى شۇ سۇلالىسىنى يوقاتقاندىن كېيىن ئۆزىنىڭ نەگە بېرىپ نەدە تۇرۇشى دېگەندەك. ئېنىقكى جۇگېلىياڭنى يوقاتقاندىن كېيىن ۋېي سۇلالىسىنىڭ چوڭ رەقىبى يوق بولاتتى. ۋېي سۇلالىسىنىڭ چوڭ خەۋپى بولمىسا، ئۆزىنىڭ قىممىتىمۇ بولمايتتى. شۇنىڭ بىلەن ئوردا ئىچى سىياسىي كۈچلەر تەرىپىدىن ناھايتى ئاسانلا سىقىپ چىقىرىلىش ئېھتىماللىقى بولاتتى.

جۇڭگونىڭ ئىشلىرى دائىم موشۇنداق، نۇرغۇن ئىشلارنىڭ ئەمىلىلەشمەسلىكىنىڭ سەۋەبى ئەمىليەتتە ئاشۇ كىشىنىڭ ھەر تەرەپتىن ئۆز مەنپەئەتى توغىرلىق ئويلىشىپ، قەستەن پۇتلىكاشاڭ پەيدا قىلغانلىقىدىن ، قەستەن ئۇ ئىشلارنى يۈرگۈزمەسلىكىدىن بولغان. جۇڭگونىڭ قەدىمدىن تارتىپ كەلگەن ئەنئەنە ۋە ئەمىليىتىدە، ھەر خىل - ھەر ياڭزا ئىچكى توقۇنۇشلار بولغان، ھەم ئەزەلدىن بىر يوسۇن بولۇپ كەلگەن. ئىسمايىل بۇ ئىشلارغا قانداقمۇ پەرۋا قىلماي يۈرەلىسۇن؟ قۇرۇق شەھەرگە كىرمەسلىكنى قارار قىلىپ، جۇگېلىياڭنى قويۇۋەتكەنلىكى ئەمىليەتتە ئۆزىنىڭ ئىستىقبالىغا يول ئاچقانلىق بولماي نېمە؟ مېنىڭچە مانا بۇ ئىسمايىلنىڭ قۇرۇق شەھەرگە ھۇجۇم قىلماستىن جۇگېلىياڭنى قويۇۋەتكەنلىنىڭ باشقىلارغا ئېيتىشقا بولمايدىغان ھەقىقىي سەۋەبى. ئوردا ئىچىدىكى توقۇنۇشلاردا ئامان قېلىش ئۈچۈن، غەربنى تىنچىتقۇچى سەركەردە ئورنىنى ساقلاپ قېلىش ئۈچۈن چىقىرىلغان ھەر بىر قارار ئۈستىدە قايتا قايتا ئويلىنىش كېرەك ئىدى. چۈنكى مانا بۇ ئۇنىڭ ھەقىقىي «خىزمەت مۇھىتى ۋە كېلىپ چىقىشى» ئىدى. موشۇ مۇناسىۋەتلەر تۈپەيلى ئىسمايىل قۇرۇق شەھەر ئالدىغا كېلىپ تۇرۇپمۇ، غەلبىنى قولغا كەلتۈرۈپ بولغان تۇرۇقلۇق ئەسكەرلىرىگە چېكىنىش بۇيرۇقى چۈشۈردى.

«ئۈچ پادىشاھلىق ھەققىدە قىسسە»نى ئازراق ئوقۇغان كىشىلا بولسا، قۇرۇق شەھەر ھىيلىسىنى بىلمەي قالمايدۇ. بۇ نورمالسىز چىقىرىلغان قارار توغىرلىق ئەگەر ئازىراقلا ئويلانسا، نۇرغۇن مەسىلىلەرنى بايقىغىلى بولىدۇ. ئەگەر بۇ نۇرغۇن مەسىلىلەرنى بىر-بىرىگە باغلىسا، بۇ بىزنىڭ تەتقىق قىلىشقا چوڭقۇر قىزىقىشىمىزنى قوزغىيالايدۇ. تەتقىقاتىمىزنىڭ چوڭقۇرلىشىشىغا ئەگىشىپ، كۆزلىرىمىز كېچىككىنە «قۇرۇق شەھەر» دىن، قويۇق تۇمانلار ئارىسىدا قالغان جۇڭگونىڭ مەدىنيەت ئەنئەنىلىنى كۆرىۋالغىلى بولىدۇ ۋە بۇ ئەنئەنىدىكى قاراڭغۇلۇق باسقان چوڭقۇر قاتلاملارنى چۈشەنگىلى بولىدۇ...
مەنبەسى:

http://www.mitbbs.cn/article_t/History/31209431.html

Symbian يانفونىغا يۇمشاق دېتال قاچىلاش

2009-01-13T20:22:00.007+02:00

Symbian يانفونىغا يۇمشاق دېتال قاچىلاش ھەقىقەتەن بىر قېتىم قىلىپ كۆرمىگەن كىشىنى خېلى ئاۋارە قىلدىغان ئىش. تۆۋەندە مەن بۇنىڭ قەدەم باسقۇچلىرىنى ۋە دۇچ كېلىدىغان مەسىلىلەرنى بىر قۇر چۈشەندۈرۈپ ئۆتىمەن.

ئالدى بىلەن ئۆزىڭىزنىڭ يانفونىغا ماس كېلدىغان نەشىرىنى تاللىشىڭىز كېرەك.

http://www.nokiausa.com/find-products

بۇ يەردىن ئۆزىڭىزنىڭ يانفونىنى تېپىپ ئۇنىڭ سېستىمىسىنىڭ Symbian 9 مۇ ياكى ئۇنىڭدىن بۇرۇنقىمۇ، S60 نىڭ 2-ياكى 3-نەشىرى ئىكەنلىكىنى بىلىۋالىسىز. شۇنىڭغا ئاساسەن يۇمشاق دېتال تەمىنلىگۈچىنىڭ سۆزىگە ئاساسەن تاللىسىڭىز بولىدۇ.

پەقەت S60 نىڭ 3-نەشىرىدىكى يانفونلارغا يۇمشاق دېتال ئورنىتىش ئۈچۈن ئىمزا قويۇش كېرەك بولىدۇ.

ئەگەر يۇمشاق دېتالنى نوكىيا ياكى باشقا بىر قەدەر چوڭراق شىركەتلەر تارقاتقان بولسا، ئۇلار يۇمشاق دېتالغا Symbian شىركىتىدىن ئېرىشكەن ئۆزىگە خاس بولغان ئىمزاسىنى قويۇپ بولىدۇ. بۇنداق يۇمشاق دېتالنى بىۋاستە ئورناتقىلى بولىدۇ. ئۇنداقتا ئىمزا دېگەن نېمە؟
يۇمشاق دېتالغا قويۇلدىغان ئىمزا دېگىنىمىز - نوكىيا ۋە سىمبىيەن شىركەتلىرى قالايمىقان كىشىلەرنىڭ يۇمشاق دېتال ياساپ تارقىتىپ، ئىشلەتكۈچىلەرنىڭ مەنپەئەتىگە زىيان يەتكۈزىدىغان قىلمىشلاردىن ساقلىنىش ئۈچۈن چىقارغان ئۇسۇلى. ھەر قانداق يۇمشاق دېتال ئەگەر دۇنيادىكى ھەممە سىمبىيەن يانفونلاردا باشقا ئىمزا تەلەپ قىلماي ئورنىتىلماقچى بولسا ئۇ چوقۇم سىمبىيەن شىركىتىنىڭ سىنىقىدىن ئۆتىشى كېرەك. بۇنىڭدا ئۇ يۇمشاق دېتالنىڭ ئىشلەتكۈچى بىلمىگەن ئەھۋالدا تېلىفون قىلىش، قىسقا ئۇچۇر ئەۋەتىش دېگەندەك پۇل خەجلەيدىغان قىلمىشلىرىدىن ساقلانغىلى بولىدۇ. بۇ سىناققا مەلۇم ئامرىكا دوللىرى كېتىدۇ. شۇڭلاشقا كېچىكرەك يۇمشاق دېتال يېزىپ تارقاتقۇچىلار ئىمزا قويۇشنى ئىشلەتكۈچىلەرنىڭ ئۆزىگە قالدۇرىدۇ.
ئىمزا ئۈچ خىلغا بۆلۈنىدۇ: ئوچۇق ئىمزا، شەكلى ئىمزا ۋە رەسىمىي ئىمزا. ئوچۇق ئىمزا ئۆزىڭىز ئىمزا قويۇپ پەقەت ئۆزىڭىزنىڭلا يانفونىدا ئىشىلتىشنى كۆرسىتىدۇ، شەكلى ئىمزا دېگىنىمىز، ئەگەر سىز يازغان يۇمشاق دېتال يۇمشاق دېتال ياساش قورالىنىڭ مەلۇم بىخەتەر دەپ قارالغان بىر بۆلىكىنىلا ئىشلەتكەن بولسا، شەكلى ئىمزانى ئۆزىڭىز قويۇپ تارقاتسىڭىز بولىدۇ، باشقىلار ئىمزا قويۇش كەتمەيدۇ. رەسىمىي ئىمزا پۇل خەجلەيدىغان ئىمزا شۇ. دېمەك باشقىلار رەسىمىي ئىمزا قويمىغان ھەم قويۇشقا تېگىشلىك يۇمشاق دېتاللارغا ئۆزىمىز ئوچۇق ئىمزا قويۇشىمىز كېرەك.

ئۇنداقتا ئىمزانى قانداق قويىمىز؟ ئىمزا قويۇش ئۈچۈن ئىمزا قويۇش ئاچقۇچ ھۈججىتى، لاياقەت ھۈججىتى ۋە ئىمزا قويۇش يۇمشاق دېتالى كېرەك بولىدۇ. ئىمزا قويۇش يۇمشاق دېتالىنى بۇ يەردىن چۈشۈرىۋالسىڭىز بولىدۇ. ئىمزا قويۇش ئاچقۇچ ھۈججىتى بىلەن لاياقەت ھۈججىتىنى بولسا تۆۋەندىكى تور بېكەتلەرنىڭ بىرىگە كىرىپ، تىزىملىتىپ ئۆزىڭىزنىڭ يانفونىنىڭ IME نومۇرىنى قالدۇرسىڭىز، ئۇلار سىزگە تەييارلاپ بېرىدۇ. بۇ ھۈججەتنى بىر قېتىملا تەييارلىۋالسىڭىز نەچچە يىل ئىشلەتكىلى بولىدۇ، شۇڭا ياخشى ساقلاپ قويۇڭ.

http://www.s603rd.cn/forum-32-1.html
http://s60bbs.s80.cn/index.asp?boardid=16

بۇ نەرسىلەر تەق بولغاندىن كېيىن ئىمزا قويغۇچ ئارقىلىق ئىمزا قويىمىز.
يانفوننى USB ياكى Bluetooth ئارقىلىق كومپىيۇتىرغا ئۇلايمىز، كومپىيۇتىرغا چوقۇم Nokia Pc Suite ئورنىتىلغان بولۇشى كېرەك. ئۆز يانفونىڭىزغا ماس كېلىدىغان Pc suite نى بۇ يەردىن چۈشۈرىسىز.

http://www.nokia.com.cn/get-support-and-software/software/nokia-pc-suite/download

ئاندىن كېيىن ئىمزا قويۇلۇپ بولغان .sis ھۈججىتىنى قوش چېكىش ئارقىلىق ئورنىتىشنى باشلايمىز.

Symbian يانفونلىرىدا ئۇيغۇرچە ئىشىلتىش ئۇيغۇرچە فونت قاچىلاش

2009-01-11T00:34:00.017+02:00

Symbian يانفونلىرىدا ئۇيغۇرچە ئىشىلتىش ئۇيغۇرچە فونت قاچىلاش

دىققەت: ئىلگىرى بۇ يەردىكى ئۇسۇللارنى ئىشىلتىپمۇ ئۇيغۇرچە خەتلەر يەنىلا كاتەكچە چىقىۋالغان يانفونلارغا بىر ئامال تېپىلدى. يەنى ئۇ خىلدىكى يانفونلار Symbian7 سېستىمىلىق يانفونلار بولۇپ، truetype فونتلىرىنى قوللىمايدىكەن. تۆۋەندىكى ئۇلانمىدىكى freetype يامىقىنى چۈشۈرۈپ ئورنىتىۋالسىڭىز ئۇ خىل ئەھۋال تۈزىلىدۇ. باشقا خىلدىكى يانفونلارغا بۇنى ئورنىتىش ھاجەتسىز.
http://developer.symbian.com/main/downloads/files/FreeType_S60.zip

Symbian يانفونلىرىدا ئۇيغۇرچە ئىشىلتىش تۈرىدىكى ماقالىلىرىم بىلەن بۇ مەسىلىنى قەدەممۇ قەدەم ھەل قىلىشقا ئىرادە باغلىدىم. چوقۇم ھەممەيلەن قوللىنالايدىغان ئاسان بىر يولنى تېپىپ چىقىمەن.
بىرىنجى باسقۇچ، ئۇيغۇرچە فونت قاچىلاش

دىققەت! بۇ ئۇسۇلنى ئىشىلتىپ ھازىر بار بولغان ئۇيغۇرچە فونتلارنى قاچىلىغاندا، ئەگەر خەنزۇچىنى ئۆز ئىچىگە ئالمىغان فونتنى ئىشلەتسىڭىز، يانفونىڭىز خەنزۇچە تونۇمايدىغان بولۇپ قالىدۇ.

ئىلگىركىلەرنىڭ نەتىجىلىرى:
تەكلىماكان بىلوگ S60 يانفونلىرىغا ئۇيغۇرچە تونۇتۇش ئۇسۇلى ناملىق ماقالىسىنى ئېلان قىلغاندىن كېيىن، E71 يانفونۇمدا سىناپ باقسام مەغلۇپ بولدى. شۇنىڭ بىلەن ھەر قانداق بىر Symbian يانفونىدا ئەسقاتىدىغان بىر ئۇسۇلنى تېپىپ چىقىشقا بەل باغلىدىم. ھەم بۇ ئۇسۇلغا ئېرىشتىم.

دىققەت! بۇ ئۇسۇلنى ئىشىلتىپ فونت ئورناتقانلار چوقۇم فونتنىڭ تېگىشلىك ئورنى e:\Data\Fonts قا كۆچۈرۈلۈپ بولغانلىقىنى جەزملەشتۈرگەندىن كېيىن ئاندىن، يانفونۇڭلارنى قايتا قوزغىتىڭلار، ئەگەر ئۇنداق قىلمىساڭلار، يانفونۇڭلار ئاق ئېكران بولۇپ قالىدۇ. ئەگەر كارتاڭلار بولمىسا، يانفوننى قايتا فورماتلاشتىن باشقا ئامال يوق. ئاقىۋېتىگە ئۆزەڭلار ئىگە.

1-قەدەم: FontRouter نى چۈشۈرۈپ قاچىلاڭ. ئەڭ ياخشىسى يانفوننىڭ سىغىم كارتىسىغا قاچىلاش تەۋسىيە قىلىندۇ. چۈنكى ئەگەر ئۇنىڭدىن چاتاق چىقىپ يانفون قوزغالماس بولۇپ قالسا، يانفوننى فورماتلاشقا توغرا كېلىدىكەن، سىغىم كارتىغا ئورناتقاندا ئۇنى چىقىرىۋېتىپلا يانفوننى قوزغىتىۋېلىپ، ئەسلىگە سالغاندىن كېيىن چاتاق چىققان fontrouter نى ئۆچۈرىۋەتسەكلا بولىدۇ. ئەگەر بۇرۇن ئورنىتىپ باققان بولسىڭىز، چوقۇم ئاۋۋال ئالدىنقىسىنى ھەم Data\Fonts\نىڭ ئىچىگە ھاسىل قىلغان FontRouter.ini ھۈججەتلەرنى ئۆچۈرىۋېتىڭ.

Symbian 9 ىنجى نەشىرىدىكىلەر بۇ يەردىن چۈشۈرۈڭ.

Symbian 6/7/8 ىنجى نەشىردىكى يانفونلار بۇ يەردىن چۈشۈرۈڭ.

بۇ دېتالنىڭ باش بېكىتى.

ئەگەر تېخى Symbian يۇمشاق دېتالىنى ئورنىتىشنى بىلمىسىڭىز Symbian يانفونىغا يۇمشاق دېتال قاچىلاش دېگەن تېمىنى كۆرۈڭ.

2-قەدەم: ئەمدى ئۆزىڭىز ياخشى كۆرگەن فونتنى( ئەڭ ياخشىسى ئىچكى سىغىمنىڭ ) Data\Fonts مۇندەرىجىسىگە قاچىلاڭ. ئىسمىنى ئۆزگەرتمىسىڭىزمۇ بولىدۇ. قاچىلاپ بولغاندىن كېيىن FontRouter نى ئورناتقان ئورۇندا، يەنى ئىچكى ساقلىغۇچ ياكى كارتىنىڭ Data\Fonts مۇندەرىجىسىدە FontRouter.ini ھۈججىتىنىڭ بار يوقلىقىنى تەكشۈرۈپ بېقىپ، يانفونىڭىزنى قايتا قوزغاتسىڭىزلا بولىدۇ.

تۆۋەندىكى ئۇلانمىدىن بىلگە ئەپەندى ئۇيغۇرچە قوشۇپ تارقاتقان ئىككى فونتنى چۈشۈرىۋالغىلى بولىدۇ. ھەممەيلەن فونت ئۇستازلىرىنىڭ خالىسانە ئەمگىكىگە رەھمەت ئېيتىشىمىز كېرەك.

يانفوننى ئەسلىگە ياندۇرۇش ئۇسۇلى
يەنى يۇقىرىدا ئورنىتىلغان دېتال ۋە فونتلارنى ئۆچۈرۈپ، ئەسلىدىكى فونتنى ئىشىلتىش ھالىتىگە قايتۇرۇش ئۈچۈن، ئاۋۋال يانفونىڭىزدىكى FontRouter.ini ھۈججىتىنى تېپىپ تەھرىرلەپ Enable=1 نى Enable=0 گە ئۆزگەرتىپ ساقلىغاندىن كېيىن، يانفوننى قايتا قوزغاتسىڭىزلا بولىدۇ. ئاخىرىدا FontRouter يۇمشاق دېتالى ۋە Data\Fonts نىڭ ئىچىدىكى بارلىق ھۈججەت ۋە فونتلارنى ئۆچۈرىۋەتسىڭىزلا بولىدۇ.
بۇنىڭدىن باشقا تەكلىماكاننىڭ ماقالىسىدىكى ئۇسۇلمۇ بەزى يانفونلارغا ئىشلەيدىكەن، ئۇنىمۇ ئىشىتىپ باقساڭلار بولىدۇ، ئاساسلىق ئۇسۇلى مۇنداق، ئاۋۋال بىرەر ئۇيغۇرچە فونتنى ( ئامال بار truetype فونتىنى ئىشىلتىڭ) ئىسمىنى ئۆزگەرتىپ تۆۋەندىكىدەك تۆت فونت ھۈججىتىنى تەييارلىۋېلىڭ.
ئاندىن بۇلار بىلەن سىغىم كارتىنىڭ ئىچىدىكى Resource\fonts ( ياكى system\fonts بولۇشىمۇ مۇمكىن ) نىڭ ئىچىدىكى ئوخشاش ھۈججەتلەرنى باشقا بىر جايغا ساقلاپ قويۇپ، بايىقى ھۈججەتلەر بىلەن ئالماشتۇرۇپ، يانفوننى قايتا قوزغاتسىڭىزلا بولىدۇ. بۇنىڭدا يانفونىڭىز بەلكىم خەنزۇچە تونۇمايدىغان بولۇپ قالىدۇ. شۇڭلاشقا ئامال بار ئۇيغۇرچە ھەم خەنزۇچە خەتلەرنى ئۆز ئىچىگە ئالغان فونتلارنى ئىشىلتىڭ.

S60 يانفونلاردىن ئېكران سۈرىتىنى تۇتۇش يۇمشاق دېتالى

2009-01-11T00:18:00.009+02:00

S60 3rd سېستىمىلىق تېلىفونلار ئۈچۈن ئىمزا قويۇلۇپ بولغان نەشىرى

ئىشلەيدىغان يانفونلار:Nokia 3250, N71, N73, N75, N76, N80, N81, N82, N91, N92, N93, N95, E50, E51, E60, E61, E61i, E62, E65, E70, E90, E71

S60 1st/2nd بىرىنجى ۋە ئىككىنجى نەشىرىدىكى تېلىفونلار ئۈچۈن نەشىرى

ئىشلەيدىغان يانفونلار:Nokia 3230, 3600, 3620, 3650, 3660, 6260, 6600, 6630, 6670, 6680, 6681, 6682, 7610, 7650, N70, N72, N90, N-Gage, N-Gage QD

بۇ قورالنىڭ ئەسلى كودىنى چۈشۈرۈپ ئۆگىنىش.

رەسىملىك چۈشەندۇرۇش:

بۇ قورال ئەسلى مۇنۇ تور بەتتىن ئېلىنغان، بۇ يەرگە پەقەت ئىنگىلىزچە چۈشەنمەيدىغانلارنىڭ چۈشۈرۈپ ئىشىلتىشى قولايلىق بولۇشى ئۈچۈنلا چىقىرىپ قويۇلدى، ئەسلى ھوقۇقى ئەسلىدىكى ئاپتورغا مەنسۇپ.
http://www.antonypranata.com/screenshot/download-screenshot-symbian-os-s60

ئۆيدىن چىقماي ئىنگىلىزچە مەشىق قىلىشنىڭ ياخشى ئۇسۇلى englishbaby.com

2009-01-10T19:25:00.006+02:00

ئۆيدىن چىقماي ئىنگىلىزچە مەشىق قىلىشنىڭ ياخشى ئۇسۇلى englishbaby.com
بۇ يەردە مۇنبەر، چايخانا ھەم ئاۋازلىق چايخانىلارمۇ بار، دۇنيانىڭ ھەرقايسى جايلىرىدىكى كىشىلەر يىغىلغان، ئاساسلىقى ئىنگىلىز تىلى ئانا تىل بولمىغان ياش-ئۆسمۈرلەر ئىنگىلىز تىلىنى مەشىق قىلىدىغان جاي. ئىچىڭىز پۇشقاندا چىقىپ پاراڭلىشىڭ.

فېنلاندىيلىكلەر مۇنداق تېجەشلىك

2009-01-08T15:39:00.011+02:00

فېنلاندىيە ياۋروپاغا نىسپەتەن باي دۆلەت ھېسابلىندۇ، ئۇلار قانداق قىلىپ بېيىغان، ئەڭ ئاز سەرپىيات بىلەن ئۆز دۆلىتى ئۈچۈن بايلىق توپلىيالىغان؟ بۇ مەسىلىگە نىسپەتەن فېنلاندىيەنىڭ تۇرمۇشنىڭ ھەر قايسى تەرەپلىرىگە سىڭىپ كەتكەن تېجەشلىك بولۇش ئادىتىدىن مەلۇم جاۋابلارغا ئېرىشكىلى بولىدۇ. ئۇلار ئۆز دۆلىتىنىڭ چەكلىك تەبىئىي ۋە ئادەم كۈچىنى ئەڭ ئەھمىيەتلىك ئىشلارغا سەرپ قىلىدۇ.
1. فېنلاندىيەدە كوچا ئاپتوبۇسلىرىنىڭ ھەر بىر بېكەتكە يېتىپ كېلىدىغان ۋاقتى بەلگىلەكلىك، پەرقى ئادەتتە 3 مىنۇتتىن ئېشىپ كەتمەيدۇ، كىشىلەر ئۆزى ئادەتتە ئاپتوبۇسقا ئولتۇرىدىغان بېكەتنىڭ ۋاقىت جەدىۋىلىنى بىلىۋالسىلا، شۇنىڭغا ئاساسەن دەل ۋاقتىدا چىقىپ ئاپتوبۇسقا ئولتۇرالايدۇ، دېمەك ۋاقىت تېجەيدۇ.

2. فېنلاندىيەدە شۇنچە باي تۇرۇپمۇ يەنە نۇرغۇن كونا كىيىم بازارلىرى بار. كىشىلەر ئىشلەتمەيدىغان كىيىم-كېچەك، ئويۇنچۇق، كىتاب...ھەر خىل نەرسىلىرىنى تاشلىۋەتمەي مەخسۇس شۇنداق نەرسىلەرنى بىر تەرەپ قىلدىغان ماگىزىنلارغا سېتىپ بېرىدۇ، كېرەك بولغانلار شۇ يەردىن ئەرزان سېتىۋالالايدۇ، دېمەك پۇل تېجەيدۇ.

3. فېنلاندىيەدىكى ماگىزىنلاردا ئۆز دۆلىتىنىڭ مەھسۇلاتلىرى ئەرزان سىرتتىن ئېمپورت قىلىنغان مەھسۇلاتلاردىن بىر قەدەر يۇقىرى باج ئېلىندۇ، دېمەك ئۆز بازىرىنى قوغداپ، تاشقى پېرىۋوت تېجەيدۇ.

4. فېنلاندىيەدە مۇھىت ياخشى ئاسرالغاچقا تۇرۇبا سۈيىنى بىۋاستە ئىستىمال قىلغىلى بولىدۇ. كىشىلەرنىڭ ئۆيىگە سۇ توشۇيدىغان ئىش بولمايدۇ. مېنرال سۇمۇ سېتىۋالمايدۇ. ھەتتا قاينىتىش ئۈچۈن كېتىدىغان توكنىمۇ تېجىگىلى بولىدۇ.

5. فېنلاندىيە پەن-تېخنىكا دۆلىتى، مائارىپ تەرەققىي قىلغان . ئۆز دۆلىتىنىڭ ئادەملىرى ئەمگەك كۈچى قىممەت بولغاچقا تازىلىق دېگەندەك ئىشلاردا باشقا دۆلەتلەردىن ئەرزان ئەمگەك كۈچى ياللاپ ئىشىلتىدۇ، پۇل تېجەيدۇ.

6. فېنلاندىيەدە تاكسىلار جۇڭگودىكىدەك كوچىمۇ-كوچا قۇرۇق مېڭىپ ئادەم ئىزدەپ يۈرمەيدۇ. تاكسىغا چۈشىدىغانلار تېلىفون بېرىپ چاقىرىدۇ. شۇڭا نېفىت تېجەيدۇ. فېنلاندىيەدە تاكسىدا ئادەم بولمىسا تاكسىنىڭ ھاۋا تەڭشىگۈچىنى ئېچىشقا بولمايدۇ دەيدىغان قانۇن بار، شۇ ئارقىلىق توك تېجەيدۇ.

7. فېنلاندىيەدە بىر قېتىملا ئىشىلتىدىغان ئىستاكان، تاماق قاچىسى، (چوكىغۇ ئەلۋەتتە يوق) ...دېگەندەك نەرسىلەر ناھايتى ئاز، ئاسانلىقچە كۆرگىلى بولمايدۇ. شۇ ئارقىلىق تەبىئىي بايلىقلارنى تېجەيدۇ. فېنلاندىيەنىڭ ئورمان بايلىقى شۇنداق مول بولمىسا...
8. فېنلاندىيەدە ئەمگەك كۈچى قىممەتلىك بولغاچقا نۇرغۇن نەرسىلەر ئاپتوماتلاشقان، بەزى مېھمانخانىلارنىڭ ھەتتا بىرەر كۈتكۈچىسىنىمۇ تاپقىلى بولمايدۇ، مەسلەن سىز توردا پۇلنى تۆلەپ ئۆي زاكاس قىلىپ بولغاندىن كېيىن ئۇلار سىزگە بىر مەخپىي نومۇر بىلەن ئۆيىڭىزنىڭ نومۇرىنى ئېيتىپ بېرىدۇ، سىز شۇ نومۇر بىلەن ئىشىكنى ئېچىپ مېھمانخانىدا تۇرىۋېرىسىز، سىز كەتكەندىن كېيىن تازىلىق شىركىتىدىن ئادەم كېلىپ ئۆيىڭىزنى تازلىۋېتىدۇ. دېمەك مېھمانخانا باشقۇرۇش شۇ قەدەر ئاپتوماتلاشقان...ھەممىسى ئادەم كۈچىنى تېجەش ئۈچۈن.

9. فېنلاندىيەدە ھەر قانداق ئىدارە ئورگان خادىملىرى يوقلىما قىلىش ئۈچۈن ۋاقىت ئىسراپ قىلمايدۇ، كىشىلەر ئامال بار خىزمەت ۋاقتىنى ئۆزى بەلگىلەش تۈزىمىنى قوللىنىدۇ، يەنى مەسلەن بىر كۈنلۈك خىزمەت ۋاقتىڭىز 5.7 سائەت دەپ بەلگىلەپ بېرىپ، قاچان كېلىپ قاچان كېتىشىڭىز ئۆزىڭىزنىڭ ئىشى، ئەگەر ئىشىڭىز چىقىپ قالسا ئېلخەت ياكى تېلىفوندا خەۋەرلەندۈرۈپ قويسىڭىزلا بولىدۇ. پۈتۈنلەي كىشىلەرنىڭ ئاڭلىقلىقىغا تايىنىدۇ. رەھبەرلەر ھەرگىز ئۆزىنىڭ قىممەتلىك ۋاقتىنى يوقلىما قىلىشقا ئىسراپ قىلمايدۇ.
10. فېنلاندىيەدىكى بازارلار ھەتتا خۇسۇسىي تىجارەتچىلەر مال ساتقاندا سېتىلدىغان باھاسىنىلا يېزىپ قويىدۇ. كىشىلەر مال سېتىۋالغاندا ئاساسەن باھا تالىشىپ ۋاقىت ئىسراپ قىلىپ يۈرمەيدۇ.

Brideshead Revisited برىدىشىدقا قايتىش

2009-01-06T22:57:00.006+02:00

برىدىشىتقا قايتىش
Brideshead Revisited
故园风雨后

ئىشلەنگەن ۋاقتى: 2008 - يىلى 7-ئاي
ئىشلىگەن دۆلەت: ئەنگىلىيە
دېرىكتور: Julian Jarrold

بىرىدىشىت بىر ناھايتى چىرايلىق داچىنىڭ ئىسمى، بۇ جەھەتتە كىشىگە «ئېرەنباغقا قايتىش»نى ئەسلىتىدۇ. ھېكايەCharles Ryder نىڭ Hooper ۋە ئۇنىڭ ئائىلىسىدىكىلەر بىلەن بولغان مۇناسىۋىتىنى مەركەز قىلىپ تۇرۇپ قانات يايدۇرىلىدۇ. Charles Ryder نىڭ دىننىي ئېتىقادى يوق، خۇپېرنىڭ ئائىلىسى بولسا كاتولىك دىنىنىڭ ئىخلاسمەن مۇخلىسلىرى ئىدى. بولۇپمۇ ئۇنىڭ ئانىسى پەرزەنتلىرىگە دىننىي جەھەتتىكى تەلەپنى ناھايتى قاتتىق قوياتتى. ئۇلارنىڭ دادىسى بۇنىڭغا كۆنەلمەي ئۇ ئايال بىلەن ئاجرىشىپ كەتكەن. خۇپىر ۋە ئۇنىڭ سىڭلىسى دائىم ئانىسىنىڭ سىزغان سىزىقىدىن چىقماي ياشاشتىن زېرىككەن، خۇپىر شۇنىڭ دەستىدىن ھاراقكەش بولۇپ ئۆزىنى تۈگەشتۈرىۋالغىلى تاسلا قالغان ۋاقىتلىرىدا ئۇلارنىڭ تۇرمۇشىدا Charles Ryder پەيدا بولدى. ھەممەيلەن چارلىسنى ياخشى كۆرۈپ قالدى، چۈنكى ئۇ كىشىگە ئەركىن تۇيغۇ بېرەتتى. خۇپىر ۋە ئۇنىڭ ئائىلىسى بولسا ئۆز گۈناھلىرى ئۈچۈن تۆۋبە قىلىشنى ئادەتكە ئايلاندۇرغان. ئۇلار ئۆز يۈرىكىنى بىر تۆمۈر قەپەسكە سولاپ قويۇپ ياشايتتى، ئۇلار Charles Ryderنىڭ تۇرمۇشىغا شۇنداق ھەۋەس قىلاتتى يۇ مېڭىپ كىرىشكە جۈرئەت قىلالمايتتى. چارلىس بىلەن سېلىيا بىر-بىرنى ياخشى كۆرۈپ قالدىيۇ چارلىس كاتولىك دىنىنىڭ مۇخلىسى بولمىغانلىقى ئۈچۈن سېلىيا ئانىسىنىڭ كۆرسەتمىسى بويىچە يېڭىلا كاتولىك دىنىغا كىرگەن باشقا بىرەيلەن بىلەن توي قىلىشقا مەجبۇر بولدى، ئۇ ئۆز خۇداسىغا بارلىقىنى بېغىشلاپ تۇرۇپمۇ ئۆزىنى ئەيىبلەشتىن قۇتۇلالماي كەلدى. ئېنىقلا Charles Ryderنىڭ پەيدا بولىشى ئۇلارنىڭ ئەسلىدىنلا تەڭپۇڭسىز تۇرمۇشىنى تېخىمۇ قالايمىقانلاشتۇرۇۋەتكەنلىكىنى بايقىغان ئانىسى ئاخىرى Charles Ryder نى ئۇلارنىڭ تۇرمۇشىدىن ئايرىۋېتىشنى لايىق تاپتى...

خۇپىر ئاخىرى ئانىسىنى تاشلاپ چىقىپ كەتتى ۋە ئانىسىنىڭ يېنىغا مەڭگۈ قايتمىدى، ئۇنىڭ سىڭلىسىمۇ بەختلىك بولمىدى، بىراق ئۇ چارلىس بىلەن يەنە تېپىشىپ قالدى، لېكىن سېلىيانىڭ دادىسىنىڭ ئۆلۈمىدىكى بەزى ئىشلار چارلىسقا بۇ ئائىلىدىكىلەرنىڭ قېنىغا سىڭىپ كەتكەن بەزى نەرسىلەرنىڭ مەڭگۈ ئۆزگەرمەيدىغانلىقىنى ۋە ئۇنىڭ ئۆزىگىمۇ تەسىر كۆرسىتىپ بولغانلىقىنى چوڭقۇر ھېس قىلدى...

گۈلىستاندىن ئېلىنغان يۇمۇرلار

2009-01-06T15:24:00.005+02:00

گۈلىستاندىن ئېلىنغان يۇمۇرلار

كىشىلەرگە تەنبىھ بېرىدىغان گۈلىستاننى كېچىكىمدە ئوقۇپ چۈشەنمەپتىكەنمەن، بۇ كىتاب ماڭا بىر خىل سىرلىق تۈس بېرەتتى. قايتا قولۇمغا ئېلىپ ئۇنىڭ ئەسلىدە ناھايتى يېقىملىق كىشىنى خوش قىلدىغان كىتاب ئىكەنلىكىنى ھېس قىلدىم. چۈنكى شەيخ سەئىدى جاھاننىڭ ھەر خىل مۇھىم يوللىرى كىشىلەر بىلەن ئالاقە قىلىش سەنئىتى قاتارلىق چوڭقۇر بىلىملەرنى يۇمۇرىستىك سۆزلەر بىلەن يېنىك، يېقىملىق ئىپادىلىگەنىكەن.
تۆۋەندە مەن ئوقۇش داۋامىدا ئوقۇپ كۈلۈپ تاشلىغان مەزمۇنلار:
ئۆزئارا مۇناسىۋەتنىڭ زۆرۈر قائىدىلىرىدىن بىرى مۇنداق، ياكى ئۆزەڭگە ئۆي سېلىۋال، ياكى ئۆي
ئىگىسى بىلەن چىقىشىپ ئۆت.

قولىدىن ئىش كەلمەيدىغان كىشىلەر قابىليەتلىكلەرنى كۆرەلمەيدۇ، خۇددى بازار ئىتلىرى ئوۋ ئىتلىرىنى كۆرسە قاۋاشقا باشلاپ، قېشىغا يېققىن بارالمىغاندەك.
بىر پىخسىق باينىڭ ئوغلى ئاغرىپ قالغان ئىدى. خەيرىگاھ كىشىلەر ئۇنىڭغا دېدى: «بىزنىڭ مەسلىھەتىمىز شۇكى، ئۇنىڭ ئۈچۈن خەتمە قۇرئان قىلدۇر، ياكى بىرەر مالنى قۇربانلىق قىل!»
باي خېلىغىچە ئويغا چۆمدى-دە، دېدى:« قۇرئان ئوقۇتۇش ياخشىدەك تۇرىدۇ، چۈنكى پادا يىراقتا ئىدى!»
ھەكىملەر ئۇزاق-ئۇزاقتا تاماق يەيدۇ، ئابىدلار يېرىم توق غىزالىندۇ، زاھىتلار جېنى ئامان قالغۇدەكلا تاماق يەيدۇ، ياشلار قاچا – تاۋاقنى يىغىشتۇرغانغا قەدەر يەۋېرىدۇ، قېرىلار تەرلىگىچە يەيدۇ. ئەمما قەلەندەر شۇنداق كۆپ يەيدۇكى، قوسىغىدا نەپەس ئالغۇدەك يەر قالمايدۇ، داستىخاندىن باشقىلارنىڭ رىزقى-نېسىۋېسىنىمۇ سۇپۇرىۋېتىدۇ.
قوساققا ئەسىر بەندە ئۇخلىيالماس ئىككى كېچە،
بىر كېچە قوساق تاشتەك، بىر كېچە تاماق غېمىدە.
بىر قېرى ئادەمدىن سوراشتى:« نېمىشقا خوتۇن ئالمايسەن؟» ئۇ دېدى:« قېرى خوتۇن بىلەن تۇرمۇشنىڭ پەيزى بولمايدۇ.» «ئۇنداق بولسا ياش چوكان ئال. چۈنكى بايلىقىڭ بار.» « مەندەك بىر قېرىغا قېرى ئاياللار يارىمايۋاتسا، مەن قېرىنى ياش چوكانلار يارىتامدۇ؟» دېدى ئۇ.
ئاقىل ئادەم بىر توپ چۈپرەندىلەر ئارىسىدا سۆزىنى ئاقتۇرالمىسا، ئەجەپلەنمىگۈلۈك، چۈنكى دۇمباقنىڭ گۈمبۈرلىشى تەمبۇرنىڭ ئاۋازىنى ئاڭلاتقۇزمايدۇغۇ، ھەمدە سامساقنىڭ پۇرىقى ئەمبەرنىڭ ھىدىنى بېسىپ كېتىدىغۇ.
ئەقىل دېگەن نەپسىنىڭ كەينىگە چۈشۈپ قالغانكى، گويا ئاجىز ئەر جاڭجالچى خوتۇننىڭ قولىغا چۈشۈپ قالغاندەك.
ئىنساننىڭ جېنى بىردەملىك ۋاقىتنىڭ ئىلكىدە تۇرىدۇ، دۇنيا بىر بارلىقكى، ئۇ ئىككى يوقلۇقنىڭ ئارىسىدا تۇرىدۇ. كىمكى دىنىنى دۇنياغا ساتسا، ئۇ بىر ئېشەك، يۈسۈپ پەيغەمبەرنى ساتقانلار پۇلىغا نېمە ئالاركىن - تاڭ!
قۇرئاننىڭ چۈشۈرۈلۈشى ياخشى ئەخلاقنى بارلىققا كەلتۈرۈش ئۈچۈندۈر، يېزىقلىق تۇرغان سۈرىلەر قۇرۇقلا قىرائەت قىلىش ئۈچۈن ئەمەس.
بىر ساددا ئادەمنىڭ كۆزى ئاغرىپ قالغان ئىدى، مال دوختۇرىنىڭ قېشىغا بېرىپ:«كۆزۈمنى داۋالاپ قويغىن» دېدى. مال دوختۇرى چارۋا ماللارنىڭ كۆزىگە سۈرتىدىغان دورىنى ئۇنىڭ كۆزىگە سۈرتكەن ئىدى، ئۇ كور بولۇپ قالدى. ئۇلار دەۋالىشىپ ئەدلىيە باشلىقىنىڭ ئالدىغا بارغان ئىدى، ئۇ دىدى:« ئۇنىڭغا ھېچ گۇنا قويغىلى بولمايدۇ، چۈنكى بۇ ئادەم ئېشەك بولمىسا مال دوختۇرىنىڭ ئالدىغا بارمىغان بولاتتى!»
لەتىپە: كىشىلەر چاياندىن سوراپتۇ:« نېمىشقا قىشتا تاشقىرى چىقمايسەن؟» ئۇ دەپتۇ:« يازدا تۈزۈك ھۆرمىتىم بولمىسا قىشتا چىقىپ نېمە قىلاي!»
خۇدايى تائالا (ئۆز بەندىلىرىنىڭ كەمچىلىكلىرىنى) كۆرۈپ تۇرسىمۇ ياپىدۇ، لېكىن خوشنا ئادەم ھېچنىمىنى كۆرمەستىنلا غەۋغا كۆتۈرىدۇ.
ۋاي خۇدايىم كۆرسەتمىسۇن! غايىبنى بىلسە گەر كىشى،
بىر بىرىنىڭ دەستىدىن ئارام تاپالماس ھەر كىشى.
بىر دەرۋىش كېچىلىك ئىبادەتتە مۇنداق دەيتتى:«ئەي خۇدا، يامانلارغا رەھمەت قىل، ياخشىلارغا رەھمىتىڭنى قىلىپ بولغانسەن، چۈنكى ئۇلارنى ياخشى قىلىپ ياراتقانسەن.»
قېرىپ قالغان پاھىشە خوتۇن ئۆزىنىڭ قىلغان - ئەتكەنلىرىگە تۆۋە قىلماي نېمە قىلسۇن، ئىشتىن بوشىتىلغان ساقچى ئەمەلدارى خەلققە زۇلۇم قىلغىنىغا تۆۋە قىلماي نېمە قىلىدۇ؟
ئۆزى يەپ – ئىچىپ باشقىلارغىمۇ بېرىدىغان مەرت ئادەم روزا تۇتۇپ مال يىغىدىغان سوپىدىن ياخشى.
دەرۋىش دېدى: «ئاڭلىمىغانمىدىڭ، پەيغەمبەر ئەلەيھىسسالام مۇنداق دېگەن ئىدى: «كەمبەغەللىك – مېنىڭ ئىپتىخارىم!»
«توختا!- دېدىم مەن،- پەيغەمبەر ئەلەيھىسسالامنىڭ بۇ كۆرسەتمىسى شۇنداق بىر گۇرۇھنىڭ كەمبەغەللىكىگە قارىتىلغانكى، ئۇلار رىزالىق مەيدانىنىڭ مەرتلىرى ۋە تەغدىرنىڭ ئوقىغا ئۆزىنى بېغىشلىغانلار بولۇپ، ھەرگىز ئەۋلىيالارنىڭ جەندىسىنى كىيىۋېلىپ، تاپقان خەيرى سەدىقىلىرىنى ساتىدىغانلار ئەمەس ئىدى.
بۇ ھەقتە سەئىدى ئۆز خاتىمىسىگە مۇنداق دەپ يازغان:« سەئدىنىڭ كۆپ سۆزلىرى ھەزىل – چاقچاق ۋە كىشىنىڭ بەھرىنى ئاچىدىغان خاراكتېرغا ئىگە. شۇ سەۋەبتىن يىراقنى كۆرمەيدىغانلار ئاغزىغا كەلگەننى دەپ ۋالاقشىيدۇ، گويا بۇ كىتابنى ئوقۇش مېڭىنى بىھۇدە سەرپ قىلىش ۋە بىكاردىن چىراق ئىسىنى يۇتۇش ئاقىللارنىڭ ئىشى ئەمەسمىش! لېكىن بۇ كىتابىم ساپدىل كىشىلەرگە قارىتىلغان، ئۇلارنىڭ روشەن پىكىرلىرى ئۈچۈن شۇ نەرسە مەخپىي قالمىسۇنكى، شىپالىق ۋە ۋەز-نەسىھەت مەرۋايىتلىرى نەپىس ئىبارە يىپىغا تىزىلدى، ئۇلارنىڭ زېرىكىشلىك تەبىئىتى قوبۇل قىلىش دۆلىتىدىن مەھرۇم بولۇپ قالماسلىغى ئۈچۈن، نەسىھەتنىڭ ئاچچىق دورىسى چاقچاقنىڭ ھەسىلىگە ئارىلاشتۇرۇلدى.»

بۇ كىتابنى بۇ تېمىدىن تاپالايسىز.

Africa بىر يۈرۈش ئافرىقا سۈرەتلىرىدىن ھوزۇرلىنىڭ

2009-01-05T22:54:00.012+02:00

مەن ئافرىقىغا بېرىپ باقمىغان، بىر ياتاقدىشىم خۇاۋېيدا ئىشلەيتتى، ئۇ ئافرىقىدا تۇرىۋاتقىلى بىر يىلدىن ئاشتى، ھازىر ماداغاسقار دېگەن دۆلەتتە. ئۇنىڭ بىلەن پاراڭلىشىش داۋامىدا ئۇنىڭ بىلوگىدىن بەزى رەسىملىرىنى سورىۋالدىم. ھەقىقەتەن چىرايلىق يەرلەركەن.

گوپۇمادا دېگەن جايكەن

ئۈستىدىكى ئۈچ پارچە ماۋلىچۇس، ئاستىدىكى قالغان سۈرەتلەر ئوبامانىڭ ئانا يۇرتى كىنىيە

Windows سېستىمىدا Qt قورالىنى ئىشىلتىپ پروگرامما تۈزۈش

2009-01-05T21:57:00.007+02:00

Windows سېستىمىدا Qt قورالىنى ئىشىلتىپ پروگرامما تۈزۈش

Qt يۇمشاق دېتال ياساش قوراللىقى ئۆزىنىڭ ئىشىلتىشكە قولايلىقلىقى، يېزىلغان يۇمشاق دېتالنىڭ ھەم ئۇنىمى تېز ھەم ئوخشىمىغان سېستىمىلاردا خىزمەت قىلالايدىغانلىقى بىلەن بارغانسېرى ئالقىشقا ئېرىشتى. داڭلىق دېتال Skype نى موشۇنىڭدا لايھىيلىگەن.

يۇمشاق دېتال ياساش قورال ساندۇقى ھەققىدە

دېگەن يازمامدا بۇ قورال ساندۇقىنى تۇنجى قېتىم تونۇشتۇرغانتىم. بۇ قېتىم Qt يۇمشاق دېتال قورال ساندۇقى ئارقىلىق قانداق قىلىپ windows سېستىمىسىدا تۇرۇپ پروگىرامما لايھىيلەشنى باشلاشنى تونۇشتۇرىمەن.

تۆۋەندىكى چۈشەندۈرۈشنى يازغاندا 4.4.5 نەشىرى ئىدى. ھازىر 4.5 نەشىرگە كۆتۈرۈپ ئورنىتىشنى تېخىمۇ ئاسانلاشتۇرۋېتىپتۇ.
http://www.qtsoftware.com/downloads
بۇ يەردىن lgpl free downloads نى چۈشۈرۈپ ئورناتسىڭىزلا ھەممە ئىش تامام. دەرسلىك، مىسال كود، ide لار ھەممىسى بىللە قاچىلىندۇ. ھازىر بۇ نەشىردىن باشلاپ lgpl قوشۇلۇپ قاپتۇ. يەنە commercial نەشىرىمۇ مەۋجۇد. بۇنى مەنمۇ تازا چۈشىنىپ كېتەلمىدىم. قارىغاندا مەلۇم بۆلەكلەر بويىچە ئايرىغان بولسا كېرەك.

-----------------------------------------------------------
1. Qt نىڭ windows ئۈچۈن چىقىرىلغان ۋە Mingw كومپايلىرنى ئۆز ئىچىگە ئالغان نەشىرىنى چۈشۈرۈپ ئورنىتىڭ. شۇنداق قىلسىڭىز ئۆزىڭىز كومپايلىر ئورنىتىشتىن ئىبارەت بىر باسقۇچنى قىسقارتالايسىز.
چۈشۈرۈش ئادرىسى:

http://trolltech.com/downloads/opensource/appdev/windows-cpp

2. Eclipse for C++ توپلاشتۇرۇلغان يۇمشاق دېتال تۈزۈش مۇھىتىIDE نى چۈشۈرۈپ قاچىلاڭ.
چۈشۈرۈش ئادرىسى:

http://www.eclipse.org/downloads

3. Qt Eclipse integration tools نى چۈشۈرۈپ ئورنىتىڭ. Eclipse مۇھىتىغا Qt غا ئائىت ئالاھىدە ئىقتىدارلارنى قوشىدىغان قورال. بۇنى ئورنىتىش داۋامىدا ئالدىنقى ئىككى باسقۇچتا ئورناتقان قوراللارنىڭ ئورنى بىلەن تەمىنلەيمىز، شۇندىلا بۇ ئۇلارنى بىر - بىرىگە باغلىيالايدۇ.
چۈشۈرۈش ئادرىسى:

http://trolltech.com/developer/eclipse-integration

4. ئەڭ ئاخىرىدا 开始 - 〉程序 -〉Qt Eclipse integration->start eclipse with Mingw ئارقىلىق پىروگىرامما لايھىيلەش مۇھىتىغا كىرىمىز. Eclipse تىن window->preferences->qt دېگەن جايىدىن Qt نىڭ bin ۋە include دېگەن مۇندەرىجە يوللىرىنى تولدۇرۇپ، 4.4.3 دېگەندەك ئىسىمدىن بىرنى قويۇپ قوشۇۋەتسەكلا ئىش پۈتىدۇ. ھەممە قوراللار ئورنىتىلىپ بولدى. assistant ۋە demo دېگەن دەرسلىك ماتىرياللاردىن پايدىلنىپ ئۆگىنىشنى باشلاڭ.

Tampere قار مەنزىرىلىرى

2009-01-05T21:24:00.009+02:00

تەمپىرىللا شەھىرىدە دائىملا قار ياغىدۇ، ھاۋا بارغانسىېرى سوۋۇپ كېتىۋاتىدۇ. ئەتراپنى ئايلانغاچ تارتىۋالغان قار مەنزىرىلىرىنى كۆرۈپ بېقىڭ.

ئابدۇقادىر جالالىدىن شىنجاڭ ئۇنۋېرسىتىدا سۆزلىگەن نۇتقى

2009-01-04T20:46:00.018+02:00

ئابدۇقادىر جالالىدىن شىنجاڭ ئۇنۋېرسىتىدا سۆزلىگەن نۇتقى

1-بۆلۈم

a-jalalidin-001.mp...

2-بۆلۈم

a-jalalidin-002.mp...

skydrive دىن بىۋاستە چۈشۈرۈڭ.

ئەگەر بۇ ئۇسۇلمۇ ئەسقاتمىسا تۆۋەندىكى ئۇلانمىنى چېكىپ چۈشۈرۈڭ.

چۈشۈرۈش:

1-بۆلۈم 2-بۆلۈم

چۈشۈرۈش ئۈچۈن قويغۇچنىڭ ئاستىدىكى ئۇلانمىنى چېكىپ، ئاندىن كۆرۈنگەن بەتتىن تۆۋەندىكى رەسىمدە بەلگە قويۇلغان ئورۇننى چېكىڭ.

Those are some speech of an Uyghur learned person to University students, not copyrighted, not included any illegal information.

كومپىيۇتېر يېزىقى بىلەن ئۇيغۇر يېزىقىنى ئۆزگەرتكۈچ - yéziq almashturghuch

2009-01-04T20:06:00.010+02:00

چۈشۈرىۋېلىڭ
Chüshürüng

1. يېزىق ئالماشتۇرغۇچ ئۇيغۇر كومپىيۇتېر يېزىقىدىكى ۋە كونا يېزىقتىكى ھۆججەتلەرنى بىر-بىرىگە ئايلاندۇرالايدۇ.
2. ئىشىلتىش ئۈچۈن چوقۇم .txt ۋە شۇنىڭغا ئوخشاش ئاددىي ھۆججەت شەكىللىرى بولۇشى كېرەك. .doc دېگەندەك مۇرەككەپ شەكىللەرنى قوللىمايدۇ.
3. بۇرۇن بار بولغان يېزىق ئالماشتۇرغۇچلارغا نىسپەتەن ئالاھىدىلىكى ئۆزگەرتىشتىن كېلىپ چىقىدىغان ئىملا خاتالىقى ئاساسەن يوق دېيەرلىك، ھەمدە ھۆججەت ئىچىدىكى ئىنگىلىزچە سۆز ۋە تور ۋە ئېلخەت ئادرىسى قاتارلىقلارنى بەلگىلىك تونۇش ئىقتىدارىغا ئىگە. ئۆزگەرتكەندىن كېيىنكى تەھرىرلەش خىزمىتى ئەڭ تۆۋەن چەككە چۈشۈرۈلدى.

كېلىپ چىقىش سەۋەبى:
http://forum.skype.com/index.php?showtopic=15145
باشتا بۇ جايدا skype ئۇيغۇرچە تىل ھۆججىتى تەييارلاۋاتقان ئەزىمەتلەرگە ياردەم قىلىپ ئۇلار تەييارلىغان لاتىنچە تىل ھۆججىتىنى كونا يېزىق تىل ھۆججىتىگە ئايلاندۇرىدىغان بىر قورال ياساپ بەرمەكچى بولغان، چۈنكى ئۇيغۇر ئېدىتتا ئالماشتۇرسا تىل ھۆججىتى ئىچىدىكى ئالماشتۇرمايدىغان سۆزلەرنى ئالماشتۇرۋېتىدىكەن. كۆچۈرۈپ چاپلاپ بۇ تىل ھۆججىتىنى تەييارلاش ناھايتى مۈشكۈل بولىدىكەن. ئاخىرى ياساش جەريانىدا مەخسۇس موشۇنداق بىر قوراللا قىلمايمۇ دېگەن خىيال كېلىپ ئۇيغۇر كومپىيۇتېر يېزىقىدىكى ھۆججەتلەر بىلەن كونا يېزىق ھۆججەتلەرنى بىر-بىرىگە ئالماشتۇردىغان قورال قىلىپ ياسىدىم.

0.2 نەشىرىگە كىرگۈزۈلگەن ئۆزگەرتىشلەر:
1. كېڭەيتىلگەن رايوندىكى ئۇيغۇر يېزىقىنىمۇ ئۆزگەرتەلەيدىغان قىلىندى.
2. تىنىش بەلگىلىرىنى تېخىمۇ تولۇق بىر تەرەپ قىلالايدۇ.
3. كۆرۈنمە يۈزى ئۇيغۇرچە ۋە لاتىنچە ئىككى خىل كۆرۈندىغان قىلىندى.

Kélip chiqish sewebi:
http://forum.skype.com/index.php?showtopic=15145
Bashta bu jayda skype uyghurche til höjjiti teyyarlawatqan ezimetlerge yardem qilip ular teyyarlighan latinche til höjjitini kona yéziq til höjjitige aylanduridighan bir qoral yasap bermekchi bolghan, chünki uyghur éditta almashtursa til höjjiti ichidiki almashturmaydighan sözlerni almashturwétidiken. Köchürüp chaplap bu til höjjitini teyyarlash nahayti müshkül bolidiken. Axiri yasash jeryanida mexsus moshundaq bir qoralla qilmaymu dégen xiyal kélip uyghur kompiyutér yéziqidiki höjjetler bilen kona yéziq höjjetlerni bir-birige almashturdighan qoral qilip yasidim.
1. Yéziq almashturghuch uyghur kompiyutér yéziqidiki we kona yéziqtiki höjjetlerni bir-birige aylanduralaydu.
2. Ishiltish üchün choqum .txt We shuninggha oxshash addiy höjjet shekilliri bolushi kérek. .doc Dégendek murekkep shekillerni qollimaydu.
3. Burun bar bolghan yéziq almashturghuchlargha nispeten alahidiliki özgertishtin kélip chiqidighan imla xataliqi asasen yoq déyerlik, hemde höjjet ichidiki ingilizche söz we tor we élxet adrisi qatarliqlarni belgilik tonush iqtidarigha ige. Özgertkendin kéyinki tehrirlesh xizmiti eng töwen chekke chüshürüldi.
4. http://kumushoq.blogspot.com Yasighan.

0.2 Neshirige kirgüzülgen özgertishler:
1. Kéngeytilgen rayondiki uyghur yéziqinimu özgerteleydighan qilindi.
2. Tinish belgilirini téximu toluq bir terep qilalaydu.
3. Körünme yüzi uyghurche we latinche ikki xil köründighan qilindi.

Bu neshiridin bashlap kodimu élan qilindi.

Kodini bu yerdin chüshürüng.

بۇ نەشىرىدىن باشلاپ كودىمۇ ئېلان قىلىندى.

كودىنى بۇ يەردىن چۈشۈرۈڭ.

بىرلىككە كەلگەن ئۇيغۇر يېزىقىنىڭ لاتىن ھەرپلىرىدە ئىپادىلنىشى پەقەت ئۇيغۇر كونا يېزىقىنى قوللىنىش ئىمكانىيتى بولمىغان ئەھۋال ئاستىدا قوللىنىلدۇ. ئەگەر ئۆزىڭىزدىكى ئىملا خاتالىقىنى بايقىسىڭىز تۈزىتىۋېلىڭ.

ئۇيغۇر لاتىن يېزىقى ئېلىپبەسى
ئاپتورى ۋارىس ئابدۇكېرىم جانباز
ئۇيغۇر كومپىيۇتىر ئىلمىي جەمئىيتى تورىدىن ئېلىندى.

دۇنيادىكى ئەڭ چوڭ باي ۋورېن باففېت Warren Buffett

2009-01-03T17:57:00.010+02:00

ۋورېن باففېت Warren Buffett

ۋورېن باففېت 1930 - يىلى 8 - ئاينىڭ 30 - كۈنى تۇغۇلغان ئامرىكىلىق مەبلەغ سالغۇچى، سودىگەر ھەم ساخاۋەتچى. ئۇ دۇنيادىكى مەبلەغ سالغۇچىلارنىڭ پىشۋاسى ھەم فۇبۇس ژۇرنىلىنىڭ 2008 - يىلنىڭ ئالدىنقى يېرىم يىلىدا مۆلچەر قىلىنغان مەبلىغى 62 مىليارد ئامرىكا دوللىرى بىلەن دۇنيادىكى ئەڭ باي كىشى بولۇپ قالدى. ئۇ بۇ پۇللارنى كۆپىنچىسىنى پايچەك سودىسىغا مەبلەغ سېلىپ تاپقان. 2006 - يىلى ئۇ ئۆز مۈلكىنىڭ 83%تىنى بىل گېيتىسنىڭ ساخاۋەت جەمئىيتىگە ئىئانە قىلدىغانلىقىنى جاكارلىغان.

بۇ يەردە باففىتنىڭ ھاياتىنى كۆپ بايان قىلماي ھەم ئۇنداقمۇ قىلالمايمەن. ئەگەر ئۇنى چۈشەنمەكچى بولسىڭىز 洛文斯但 يازغان 一个美国资本家的成长 دېگەن تەرجىمھالىنى ئوقۇڭ، كىتابخانىلاردىن تاپقىلى بولىدۇ. ئىنگىلىزچە ئىسمى:

The Making of an American Capitalist

ئۇنىڭ مەبلەغ سېلىشتىكى پىرىنسىپىنى چۈشەنمەكچى بولسىڭىز ئۇنىڭ پايچەك ئىگىلىرىگە يازغان خېتىنى ئوقۇڭ.خەنزۇچە

باففېت ئىدىيسىنى تەتقىق قىلىش مەركىزى رەتلەپ چىققات ماتىريال.خەنزۇچە

دۇنياۋى ئىقتىسادىي كىرزىس [the world economic crisis]

2009-01-02T22:18:00.012+02:00

ياپونىيە NHK تېلىۋىزىيە ئىستانىسىسنىڭ دۇنياۋى ئىقتىسادىي كىرزىس ھەققىدە ئىشلىگەن پروگراممىسىنى كۆرۈپ بەزى يېڭى نەرسىلەرنى بىلىۋالدىم.

بۇ قېتىمقى ئىقتىسادىي كىرزىسنىڭ ھەقىقىي سەۋەبى نېمە؟
بۇ قېتىمقى ئىقتىسادىي كىرزىسنىڭ ھەقىقىي سەۋەبى بولسا دۇنيا ئىقتىسادىدىكى [capital asset] يەنى [金融资产]پۇل مۇئامىلە مۇلكىنىڭ مازغىپى ئېتىلىشىدىن ئىبارەت. ئۆي - مۈلۈك قەرزىدىن كېلىپ چىققان كىرزىس[房地产次代危机] بولسا پەقەت ئامرىكىدىن باشلانغان بىر پىلتىلا خالاس، قانداقلا بولمىسۇن بۇ ئىقتىسادىي كىرزىس ھامان يوشۇرنۇپ ياتقانئىدى.

ئۇنداقتا پۇل - مۇئامىلە مۈلكى مازغىپى دېگەن نېمە؟
ھەممەيلەنگە مەلۇمكى پۇل - مۇئامىلە ئىقتىسادى[金融经济] ئەمىلىي گەۋدە ئىقتىسادىنىڭ[实体经济] تەرەققىياتىنى تەڭشەش مەقسىتىدە قۇرۇلغان بولۇپ، ئۇ كىشىلەر قولىدىكى ئېشىنچە مەبلەغنىڭ كېرەكلىك ئەمىلىي كۈچى كۈچلۈك كارخانىلارنىڭ قولىغا ۋاقتىدا يېتىپ بارالىشىغا تۈرتكە بولغاچقا ئىقتىسادنىڭ تەرەققىياتىدا ئاكىتىپ رول ئوينايدۇ. كىشىلەر قولدىكى پايچەك، ئاكسىيە ۋە باشقا كەلتۈرۈپ چىقىرىلغان ھەر خىل ئىقتىسادى مۈلۈكلەر[衍生金融产品] ئەمىليەتتە ئەمىلىي گەۋدىدىكى كارخانا، زاۋۇت، ئۆي، قەرز پۇل، ماشىنىلارغا ۋەكىللىك قىلىدۇ. ئىقتىسادىي مۈلۈككە سېلىنغان مەبلەغ[金融资产] ھەددىدىن زىيادە ئېشىپ كېتىپ ئىقتىسادى مۈلۈكنىڭ قىممىتى ئۇلار ۋەكىللىك قىلغان ئەمىلىي مۈلۈكنىڭ[实体资产] نەچچە ھەسسىسى ھەتتا نەچچە ئون ھەسسىسگە يەتكەن چاغدا پۇل - مۇئامىلە مۈلكى مازغىپى كېلىپ چىقىدۇ ھەم ئېتىلماي قالمايدۇ.

بۇ قېتىملىق پۇل - مۇئامىلە مۈلكى مازغىپى قانداق كېلىپ چىققان؟
90-يىللارنىڭ ئاخىرىدا ئامرىكا زۇڭتۇڭى بۇش ئامرىكا ئىقتىسادىدا پۇل مۇئامىلە ئىقتىسادىنى مۇھىم گەۋدە قىلىش سىتراتىگىيسىنى بېكىتكەن، ھەم نۇتۇق ئېلان قىلىپ ئامرىكىدا ھەر بىر ئائىلىنىڭ ئۆيى بولۇش كېرەك دېگەن، نەتىجىدە ئامرىكىدا بىر-نەچچە يىلغا سوزۇلغان ئۆي-مۈلۈك قىزغىنلىقى يۇقىرى دولقۇنغا كۆتۈرۈلگەن، ئەسلىدە ئەزەلدىن ئۆزىگە تەۋە ئولتۇراق ئۆيى مۇقىم كىرىمى بولمىغان ئامرىكا خەلقى (قارا تەنلىك، ئىسپانىيلىك، مېكسىكىلىق دېگەندەك) ھەممەيلەن بانكىدىن قەرز ئېلىپ ئۆي سېتىۋالغان، ۋول-سىترىت كوچىسىدىكى پۇل-مۇئامىلە ئورۇنلىرى بولسا بۇ قەرز پۇللارنى ھەر خىل ئۇسۇللار بىلەن ئوراپ يېڭى پۇل مۇئامىلە مەھسۇلاتلىرىغا ئايلاندۇرۇپ باشقىلارغا سېتىپ جىق پايدا ئالغان، دەل موشۇ مەزگىلدە جۇڭگو ۋە ھىندىستان قاتارلىق تەرەققىي قىلىۋاتقان دۆلەتلەر مەھسۇلاتلىرىنى ئامرىكىغا ئېكىسپورت قىلىش ئارقىلىق قولىغا يىغىلغان ئېشىنچە پۇللارنى ئامرىكىغا مەبلەغ قىلىپ سېلىش قىزغىنلىقى كۆتۈرۈلگەن. شۇنىڭ بىلەن ئامرىكا باشقىلارغا ئۆزىنىڭ پۇل-مۇئامىلە مەھسۇلاتلىرىنى ساتىدىغان ئامرىكا بۇ پۇللار ئارقىلىق باشقا دۆلەتلەردىن ھەر خىل سانائەت مەھسۇلاتلىرىنى ئېمپورت قىلدىغان بىر خىل ئىقتىسادىي قۇرۇلما شەكىللەنگەن.
دېمەك بۇ ئەپچىللىك بىلەن ئورالغان ئەسلىدە نېمىلىكىنىمۇ ئېنىقلاش تەس بولۇپ كەتكەن پۇل-مۇئامىلە مەھسۇلاتلىرى دۇنيانىڭ ھەر قايسى جايلىرىغا قولدىن چىقىرىلغاندىن كېيىن ئامرىكا يىلىغا 10% سۈرئەت بىلەن ئېشىپ كېتىۋاتقان ئۆي باھاسىنى كونترول قىلىش ئۈچۈن قەرز پۇل ئۆسۈمىنى ئۆستۈرگەن. نەتىجىدە نۇرغۇن نامرات خەلق بانكىغا قەرز پۇل تۆلەشنى توختاتقان بۇنىڭ بىلەن ھېلىقى سېتىپ چىقىرىلىپ بولغان پۇل - مۇئامىلە مەھسۇلاتلىرى قىيىنچىلىققا ئۇچرىغان. گەرچە ئۇنىڭ ئىچىدە مەلۇم دەرىجىدە ھەقىقىي قىممىتى بولسىمۇ يەنى مەسلەن مەلۇم پىرسەنتى ماشىنا قەرزى، مەلۇم پىرسەنتى تۆلىنىشى مۇمكىن بولمىغان ئۆي قەرزى، مەلۇم پىرسەنتى رەنىگە قويۇلغان مۇقۇم مۈلۈك دېگەندەك ...كىشىلەر قولىدىكى پۇل مۇئامىلە مەھسۇلاتىنىڭ زادى قانچىلىك خەتەرگە تەۋەككۈل قىلىۋاتقانلىقىنى ئاڭقىرالمىغاچقا ھەممەيلەن سېتىپ چىقىرىشقا ئالدىرىغان. نەتىجىدە باھاسى قاتتىق چۈشۈپ كەتكەچكە ئىقتىساد يىمىرىلغان، سېتىۋالغۇچىلار قاتتىق زىيان تارتقان. ئامرىكا ئىقتىسادىي بۆھراننى باھانە قىلىپ ئېمپورت قىلىشنى كېمەيتكەن، نەتىجىدە ئېكىسپورتقا تايىنىپ مەبلەغ توپلايدىغان ۋە ئىشقا ئورۇنلاشتۇرىدىغان دۆلەتلەرمۇ تەسىرگە ئۇچرىغان.
ئامرىكا بازارنى قۇتۇلدۇرۇشنى باھانە قىلىپ يەنە كۆپ قىسىم مۇھىم مۈلۈكلەرنى سېتىۋېلىپ قايتۇرىۋالدى، نەتىجىدە ئامرىكىدا ئۆي باھاسى چۈشتى يەنە ئىككى - ئۈچ يىلغىچە توختىماي تۆۋەنلەيدىكەن، بۇش ھە نېم بولسا ئامرىكا خەلقىگە يەنىلا ياخشى ئىش قىلىپ بېرىپتۇ. ئەمما ئىقتىسادشۇناسلارنىڭ مۆلچەرلىشىچە بۇنىڭدىن كېيىن ئامرىكىنىڭ دۇنيا ئىقتىسادىنىڭ مەركىزى بولۇشتەك ئورنى يىمىرىلىپتۇ، بۇنىڭدىن كېيىن دۇنيا ئىقتىسادى كۆپ قۇتۇپلىشىشقا ياكى قۇتۇپسىزلىشىشقا قاراپ تەرەققىي قىلىدىكەن.

youku دىن كۆرۈش ئادرىسى.

Symbian پروگراممىسى تۈزۈش دەرسلىكى

2009-01-01T23:09:00.006+02:00

Symbian پروگرامما تۈزۈش

Symbian ۋە Nokia S60 يانفونلىرى ئۈچۈن پروگرامما لايھىيلەشنى ئۆگەنگۈڭىز بارمۇ؟ ئۇنداقتا بۇ دەرسلىكنى كۆرۈڭ.

سىز ھازىرلاشقا تېگىشلىك شەرتلەر:
symbian ++c ياكى ++c تىلىدىن بىرىنى بىلىشىڭىز كېرەك.
ئەگەر c++ نى بىلسىڭىز ئىككى خىل يول بار. بىرى QT قورالىنى ئۆگىنىش، بۇ خىل ئۇسۇلدا سىز symbian ۋە linux ھەر ئىككى سېستىما ئۈچۈن پروگرامما يازالايسىز. بىراق qt قورالى symbian نى تېخى يېڭى قوللىغانلىقتىن زادى قانچىلىك پىشىپ يېتىلگەنلىكىنى تېخى ئېنىق بىلمەيمەن.
يەنە بىر خىل يول symbian c++ نى ئۆگىنىش. بۇ خىل ئۇسۇلدا ھەقىقىي symbian پروگراممىلارنى تۈزۈپ چىققىلى بولىدۇ. قىيىنلىق دەرىجىسى سەل يۇقىرى. دەرسلىكتە موشۇ خىل ئۇسۇل تونۇشتۇرۇلدۇ.

c++ تىن symbian c++ قا ئۆتۈش دېگەن تېمىنى كۆرۈڭ.

1. كېرەكلىك قوراللارنى ئورنىتىش

ئالدى بىلەن تۆۋەندىكى تور بېكەتنى تونۇشتۇراي. symbian پروگراممېرلار توپلانغان جاي. قوراللارمۇ موشۇ يەردە. ئالدى بىلەن ئەزا بولۇڭ.
http://www.forum.nokia.com
carbide c++ 2 نى چۈشۈرۈڭ. ئەگەر چېكىپ تاپالمىسىڭىز ماۋۇ يولدىن ئىزدەڭ. Home > Devices, Docs & Tools > Tools > Tool Details
بۇنى ھازىر ئورناتقىلى بولمايدۇ. بۇنى ئورنىتىش ئۇسۇلى مۇنداق.

ئاۋال ActivePerl-5.6.1 نى ئورنىتىڭ.
ئاندىن S60 SDK for Symbian نى ئورنىتىڭ.
يەنە JRE نى ئورنىتىسىز. بۇنى ئورناتقاندا چوقۇم administrator سالاھىيتىدە ئورنىتىش كېرەك.
ئاخىرىدا carbide.c++ 2 نى ئورنىتىسىز.

دىققەت قىلدىغان ئىشلار: چوقۇم رېتى بويىچە ئورنىتىڭ.

بۇ ئۇسۇل windows xp دا ئىشلەيدۇ. vista بەلكىم بەزى مەسىللەرگە يولۇقىشى مۇمكىن.

2. كېرەكلىك ماتىرياللارنى چۈشۈرۈپ ئۆگىنىشنى باشلاڭ.

http://www.forum.nokia.com/Resources_and_Information/Documentation/Symbian_C++/

ماتىرياللار ئاساسەن ئىنگىلىزچە، خەنزۇچە تور بېتىدىن بەلكىم بەزى خەنزۇچە ماتىرياللارنى تاپالىشىڭىز مۇمكىن. ئەگەر java ئۇقسىڭىز symbian گە java پروگراممىلىرىنى يېزىشنى ئۆگەنسىڭىزمۇ بولىدۇ. يەنە نۇرغۇن دەرسلىك، مىسال كودلىرى بار. ئاخىرىدا سىزگە ئۇتۇق تىلەيمەن.